EXECUTIVES NG HERMES, PINAGKAMAY NI HEART

0

rey pumaloy(REY PUMALOY)

HANGGANG sa Paris at sa mga sosyalan hindi pa rin nakakalimutan ni Heart Evangelista na i-promote ang Filipino culture sa ibang lahi.

Suot man ng Kapuso star at “StarStruck” judge ang iba’t ibang mamahaling brand, nananatili pa ring Pinay ang puso nito.

Kamakailan lang habang nasa Paris Fashion Week ang actress-fashionista, ipinakilala nito sa mga kaibigang celebrities ang isa sa tradition ng mga Filipino, ang “boodle fight” kung saan sabay-sabay na kakain ang lahat ng nakalatag na iba’t ibang putahe.

Hindi simpleng kainan ang ipinagawa ni Heart sa kanyang mga kaibigan, kundi binigyan niya ng instruction ang mga itong kumain nang gamit ang kanilang mga kamay.

Nasa larawan ang executive ng Hermes na si Michael Coste, ang isang kilalang singer sa Paris na si Nico, at isang kapwa Filipino na tinuruan niyang magluto ng boodle fight foods at mag-set up nito.

Hindi talaga pumayag si Heart na hindi gamitin ng mga Parisian friends nito ang kanilang mga kamay sa pagkain.

Nagtagumpay naman si Heart sa kanyang “project” at na-enjoy nilang lahat ang masarap na pagkain, kwentuhan at halakhakan.

Nakakaloka lang isipin na habang nagkakamay sina Heart at ang mga Parisian friends nito, suot-suot nila ang mamahaling brands.

DEREK RAMSAY, NAPAMURA SA DUBAI

Napamura si Derek Ramsay sa thrill na naramdaman sa “paglipad” nito sa ere ng Dubai habang nakatali lang siya sa isang kable.

Hindi napigilan ni Derek ang makapagsalita ng “Putahhh!” nang magsimula na siyang “lumipad.”

Sinubukan ni Derek na maranasan ang tinaguriang pinakamataas na zipline sa buong mundo sa Dubai na higit sa 170 meters above ground at tumatakbo ng 80 kms/hour.

Nakaposte sa Instagram wall ni Derek ang naturang video. Sandali lang ang kaba na naramdaman ni Derek, at napalitan na agad ito nang kasiyahan habang “lumilipad” siya na mala-Superhero.

Mahilig si Derek sa mga extreme sports, kaya bale wala lang sa kanya ang ganitong adventure.

Nasa Dubai si Derek para sa isang celebrity basketball game na pinamumunuan ni Sen. Manny Pacquiao.

GWEN, MAKAKAHATI SI SAM SA SEMERAD CABIN

Hindi nagkamali si Gwen Zamora na ibigay ang sarili niya sa basketbolistang si David Semerad at bigyan ito ng anak, dahil pinatutunayan naman ng athlete na mahal nito ang aktres at ang kanilang baby.

Sa katunayan, iniaalay ni David ang ipinapagawa nitong bahay para kay Gwen at sa baby nila.

Nakaposte sa Instagram wall ni Gwen ang pagbisita nila nina David at ng baby nila sa ipinapagawang bahay.

Nagpasalamat si Gwen at nag-comment ng “I Love You”, sa importansyang ipinaparamdam sa kanila ni David.

Pero hindi solo ni David ang property dahil katuwang niya rito ang kambal na si Anthony.

May hashtag itong “The Semerad Cabin,” nagpapahiwatig na joint property ito ng twins. Present din sa pagbisita si Anthony at ang syota niyang si Sam Pinto.

Kung mauuwi sa kasalan ang relasyon nina Sam at Anthony, makakahati ni Gwen sa cabin si Sam.

 

Read More

21-0; PAGPAPALIBAN SA BRGY, SK ELECTIONS LUSOT SA SENADO

BRGY-SK-TERM
0

(NI NOEL ABUEL)

LUMUSOT na sa Senado ang panukalang naglalayong ipagpaliban ang May 2020 Barangay at Sangguniang Kabataan Elections.

Sa botong 21-0, inaprubahan ng Senado sa ikatlong pagbasa ang panukala na nagsusulong na itakda ang Barangay at Sangguniang Kabataan Election sa December 5, 2022.

Isinasaad din sa panukala na isasagawa ang Barangay at SK elections kada tatlong taon.

Ang ipinasang Senate Bill No. 1043 ay pinagsama-samang limang panukala na nakapaloob sa Committee Report No. 4 at inisponsoran ni Senador Imee Marcos, bilang chairperson ng Senate committee on electoral reforms and people’s participation.

Sakaling tuluyang maging batas, dalawang eleksyon ang magaganap sa 2022 kasama ang presidential election sa Mayo at ang Barangay at SK Elections sa December ng naturang taon.

“We have given six and a half months which they consider as sufficient time. It is manual, it is not hybrid…So six and a half months or so apparently is a short period, Comelec will be pressed for time but they claim that they can do it without undue failure of elections and other problems,” paliwanag ni Marcos.

Read More

VILLAR SA SUGAR REGULATORY ADMIN: DAPAT BARILIN KAYO SA LUNETA!

0

(NI DANG SAMSON-GARCIA)

MULING nag-init ang ulo ni Senador Cynthia Villar nang mabatid ang isyu ng underspending sa implementasyon ng Sugarcane Industry Development Act (SIDA).

Sa gitna ito ng pagdinig ng Senate Finance Subcommittee sa panukalang budget ng Department of Agriculture (DA) at mga attached agencies nito para sa 2020.

“Dapat barilin kayo sa Luneta,” inis na pahayag ni Villar sa mga opisyal ng Sugar Regulatory Administration.

Iginiit ni Villar na dahil sa underspending, mula P2 billion, ibinaba sa P500 million ang pondo para sa SIDA sa susunod na taon.

“My God, how can you underspend? Bakit n’yo pa pinasa sa amin ‘yung Sida law tapos hindi n’yo pala gagastahin?” saad ni Villar.

“Nahirapan pa kaming nagpasa. Sumama pa ang loob namin dahil akala namin nakatulong na kami sa sugar farmers, ‘yun pala hindi naman pala gagastahin. Eh bakit ipinasa ‘yung batas?” dagdag pa nito.

Matatandaang sa hearing din noong isang buwan, pinagalitan ni Villar ang mga opisyal ng SRA dahil sa kabiguang magastos ang pondo na nakalaan para sa Sida.

 

Read More

TRANSPORT STRIKE NILANGAW

0

(NI LYSSA VILLAROMAN/PHOTO BY ARCHIE CRUZ POYAWAN)

INIHAYAG ng Metropolitan Manila Development Authority (MMDA) na hindi naging matagumpay ang isinagawang nationwide transport strike ng grupong Alliance of Concerned Transport Organization (ACTO) at Pinagkaisang Samahan ng mga Tsuper at Operator Nationwide (PISTON)  upang ipanawagan ang pagpapasuspinde ng jeepney modernization program.

Ayon kay MMDA spokesperon Assistant Secretary, Celinne Pialago,  kaunti lamang ang pasaherong na-stranded papasok sa kanilang trabaho sa ibang lugar sa Metro Manila habang ang iba ay hindi naramdaman ang transport strike.

Ayon kay Pialago,  ang mga lugar na may mga stranded na pasahero ay agad naman bumalik sa normal na sitwasyon bago pa ang 8:30 ng umaga.

“Hindi ganun kadami ‘yung stranded. Kung i-aassess ho natin, para ho itong Friday rush hour. Ang ine-expect po talaga namin, mag-o-occupy ng at least one lane ‘yung mga stranded na pasahero,” pahayag ni Pialago.

Nagpakalat din ang MMDA ng mga bus na siyang magsasakay sa mga stranded na pasahero bago pa ang 5:00 ng madaling araw kahapon subalit karamihan sa mga pasahero ay hindi naman sumakay sa mga MMDA buses dahil sila ay papunta sa ibang ruta.

“May challenge po tayong na-encounter dahil hindi naman sinakyan ng ating commuters. Particularly, hindi ho nila route ang via EDSA,” ayon kay Pialago.

Pahayag pa ni Pialago na nagkaroon lamang ng pagtaas ng mga stranded na pasahero sa Philcoa dahil sa naging paralyzed ang ruta ng Philcoa sa North EDSA, Philcoa papuntang Arayat-Cubao at Philcoa patungong Manila.

“Ang ginawa ho ng MMDA ay nagpadala tayo ng city buses na mag-a-address ho ng ruta na kailangan nila. So nag-a-adjust ho tayo,” ayon kay Pialado.

Ang libreng sakay ng MMDA para sa mga stranded na pasahero ay 24 hours kung ang transport strike ay magpapatuloy pa sa mga susunod na araw.

Agad din naman tumugon ang mga local government units, Philippine National Police at iba pang government agencies na magbigay ng libreng sa mga pasaherong stranded at pag-suspend ng mga klase sa eskuwelahan. .

“Because of their transport strike, many local governments have been forced to suspend classes to ensure that not many will be affected by it. Burdening the commuters can never be considered as success,” ayon kay Pialago.

Ayon pa kay Pialago, bagaman kaunti lamang ang mga namasadang public transport vehicle ay wala pa rin abiso sa kanila ng lifting ng number coding para mga pribadong sasakyan.

Umabot sa libo ang sumama sa transport strike na isinagawa kahapon ng ACTO at PISTON upang tutulan ang plano ng gobyerno sa pag-alis ng mga sasakyan sa kalye na may 15 ng taon na ang edad.

 

Read More

JULIA’S NEW VLOG, TUNGKOL SA BASHERS NIYA

0

SA kanyang second vlog, in-address ni Julia Barretto ang bashing na natamo niya nang kampihan ng mga ito si Bea Alonzo nang maghiwalay ito at ang nobyong si Gerald Anderson.

Sabi ni Julia, “You’re like public property. They forget that you’re human with real feelings and real emotions and real problems and real issues. It’s hard because people feel like they have the right to dictate or to control your life or they feel like they can decide for you and make your choices for you.”

Naka-relate daw siya sa character niya sa Between Maybes: “She was so misunderstood, she was also very lost.”

 

Read More

HAZING SA PNPA MAIIWASAN NA

albayalde
0

(NI AMIHAN SABILLO)

OPTIMISTIKO si National Police Chief Police General Oscar Albayalde na maiiwasan na ang hazing sa Philippine National Police Academy (PNPA) na ngayon ay nasa ilalim na ng pamamahala ng Philippine National Police (PNP) .

Ito ang inihayag ni Albayalde pagkatapos pormal na i-turn over Lunes ng umaga sa PNP ang PNPA mula sa Philippine Public Safety Colleges.

Sinabi pa ng hepe ng pulisya na ngayong May direktang control ang PNP, magiging mas mahigpit na sa mga pribilehiyo at parusa sa mga kadeteng gumagawa ng labag sa batas.

Pero, aminado si Albayalde na nakaranas siya ng hazing noong panahon niya sa PMA, ang hazing umano ay ipinagbabawal na ngayon ng batas, kaya kailangan magbago ang kultura ng mga kadete.

Paalala ng PNP Chief, ang mga kadete sa PNPA ang mga future leaders ng PNP na magpapatupad ng batas, kaya kailangang matuto silang sumunod dito.

Ang huling insidente ng hazing sa PNPA noong Oktubre 6 ng nakaraang taon ay nagresulta sa pagkakasibak ng tatlong  kadete matapos pilitin ng mga ito ang dalawang nakababatang kadete na mag-oral sex habang pinapanood nila.

 

Read More

MOCHA COVERED NG 1-YEAR APPOINTMENT BAN — GAITE

0

(NI ABBY MENDOZA)

MALI na italaga ng Malacanang si Mocha Uson sa bagong posisyon dahil sakop pa ito ng appointment ban.

Ito ang pagsita ni Bayan Muna Rep. Ferdinand Gaite matapos italaga ngayong Lunes ni Pangulong Rodrigo Duterte si Uson bilang Deputy Executive Director ng Overseas Workers Welfare Administration (OWWA).

Ayon kay Gaite, malinaw na nakasaad sa Section 6 Article 9 ng 1897 Constitution na walang kandidato na natalo ang maaaring ipuwesto sa anumang government position isang taon matapos ang eleksyon.

Ganito rin umano ang nakasaad sa Local Government Code, partikular sa Section 94.

Sakop umano ng ban si Uson kahit pa man partylist nominee ang itinakbo nito noong 2019 midterm election.

“This Constitutional prohibition is applicable to party-list nominees and Mocha Uson being the first nominee of AA KASOSYO Partylist, and who participated in the 2019 Party-list elections, is covered by the 1-year ban. So her appointment as the Deputy Administrator of Overseas Workers Welfare Administration (OWWA) is illegal and should not be enforced,” giit ni Gaite.

Umaasa ang mambabatas na susundin ng Malacanang ang nakasaad sa batas ukol sa appointment ban at hindi pauupuin si Uson.

 

Read More

PAGBAWI NG SECURITY DETAIL NI AQUINO ‘DI DAHIL SA ‘NINJA COPS’

0

(NI AMIHAN SABILLO)

PINANINDIGAN ni Philippine National Police (PNP) Chief Police General Oscar Albayalde na walang kinalaman ang pag-pull out ng PNP security detail ni PDEA Director General Aaron Aquino, ukol sa pagbubunyag sa Senado ng PDEA tungkol sa “ninja cops”.

Sinabi ng PNP Chief, ipinaliwanag na ni PRO3 Regional Director PBgen Joel Napoleon Coronel na ang pag-pull out sa 15 security ni Aquino na pawang mga miyembro ng PRO3 Regional Mobile Group ay dahil kailangan ng PRO 3 ang kanilang mga tauhan sa idaraos na SEA games.

Hindi umano alam kung nagkaroon ng ‘special accommodation’ ang PRO 3 kay Aquino na naging dating regional director ng PRO 3 kaya siya nabigyan ng 15 PNP escorts.

Paglilinaw ni PNP Chief, na labag ito sa ‘Alunan doctrine’ na nagpapahintulot lang ng dalawang police escorts mula sa Police Security Protection Group o PSPG sa mga opisyal ng pamahalaan.

Gayunpaman, sinabi ng PNP Chief dahil sa batid ng PNP na sensitibo ang posisyon ng pinuno ng PDEA, willing naman silang i-accommodate ang request ni Aquino na ibalik sa kanya ang kanyang PNP security personnel.

Pero kailangan din munang hingan nila ng komento ang Regional Director ng PRO 3 dahil mga tauhan niya ang ililipat sa Police Security Protection Group para mai-assign bilang security ni Aquino kung saka-sakali.

Pansamantala umanong nagtalaga ang PNP ng 4 na police escorts kay Aquino habang pino-proseso ang kanyang request na ibalik ang kanyang orihinal na security detail.

Read More

TAX CUT SA MAG-AALAGA SA MATATANDANG MAGULANG ISUSULONG

old
0

(NI BERNARD TAGUINOD)

MAGKAKAROON ng  bawas sa buwis ang mga anak na hindi mag-aabandona bagkus ay mas inaalagaan pa ang kanilang mga matatandang magulang kapag naipasa ang isang panukalang batas sa Mababang Kapulungan ng Kongreso.

Sa House Bill 115 na iniakda ni Pampanga Rep. Juan Miguel Macapagal Arroyo, nais nito na bigyan ng kaluwagan sa buhay ang mga anak na walang sawang nag-aalaga sa kanilang mga matatandang magulang.

“One praiseworthy Filipino value is devotion to family ties. Married children take care of their parents by supporting them during their twilight years as an act of gratitude for all pains and sacrifices,” ani Arroyo sa kaniyang panukala.

Maraming pamilya umano ngayon sa bansa ang nahaharap sa tinatawag na ‘economic difficulties’ dahil sa mataas na presyo ng mga bilihin at serbisyo publiko sa kasalukuyan.

Subalit sa kabila nito ay hindi pinapabayaan ng mga anak ang kanilang mga matatandang magulang kaya nais ng mambabatas na bigyan ng konting luwag ang mga ito.

Dahil dito, nais ni Arroyo na amyendahan ang Republic Act (RA) 8424 o National Internal Revenue Code of 1997” para isama ang mga matatandang magulang ng mga tax payers sa kanilang “dependent” upang mabawasan ang kanilang babayarang buwis.

Kapag naging batas ang panukala, magkakaroon ng P25,000 na additional exemptions ang bawat tax payers na may inaalagaang matandang magulang sa kanilang bahay.

Kapag dalawa ang matandang magulang na nasa poder ng isang anak, otomatikong P50,000 agad ang kanyang tax exemption.

 

Read More