2020 NATIONAL BUDGET IAAKYAT NA SA PLENARYO

September 8, 2019September 8, 2019 Jet

(NI BERNARD TAGUINOD)

MATAPOS ang tatlong linggong pagbubusisi sa 2020 national budget na nagkakahalaga ng P4.1 Trillion sa committee level, iaakyat na ito sa plenaryo ng Mababang Kapulungan ng Kongreso para pagdebatehan.

Ngayong Linggo, ay ipinagmamalaki ng liderato ni House Speaker Allan Peter Cayetano na naitala ang mga ito ang ‘record time’ sa pagdinig sa mga budget proposal ng lahat ng ahensya ng gobyerno.

Sinabi ng Davao City solon na bukas, Lunes, ay ilalabas na ang committee report sa nasabing pambansang pondo at agad na isasalang ito sa debate sa plenaryo sa Martes, Setyembre 11.

Ayon naman kay House deputy speaker Neptali Gonzales III, sa Setyembre 19 pa sana sisimulan ang debate sa pambansang pondo subalit napaaga ito dahil natapos ang budget hearing noong Biyernes, Setyembre 6.

May 3 linggo rin ang mga mambabatas para pagdebatehan ang nasabing panukala dahil target ng mga ito na maipasa ito sa ikatlo at huling pagbasa sa ikalawang linggo ng Oktubre.

Tiniyak ni Ungab na wala umanong naisingit na kahit isang sentimong pork barrel sa pambansang pondo dahil ang aaprubahan ng mga ito ay ang ipinanukala mismo ng Malacanang sa pamamagitan ng Department of Budget and Management (DBM).

“It was made possible through the guidance of Speaker Cayetano who wants to ensure the timely passage of a pork-free and illegal insertion-free budget that will provide the Filipino people with safe and comfortable life,” ani Ungab.

Ayon naman sa mga militanteng kongresista, babantayan nila hanggang sa plenaryo ang pambansang pondo upang masigurong walang maisisingit na pork barrel.

“Magbabantay kasi sa plenary at bubusisiin pa natin ang national budget. Magpapasok din tayo ng mga amendments upang madagdagan ang pondo ng mga basic services,” ani Bayan Muna party-list Rep. Carlos Zarate.

‘BICOLANO BOY’ PEDRO TADURAN, PINASUKO SI SALVA

September 8, 2019September 8, 2019 Jet

(NI VT ROMANO, Saksi Ngayon, Sports Editor/PHOTO BY DANNY BACOLOD)

MALAKI ang natutunan ni Pedro Taduran mula sa pagkatalo sa kanyang unang tangka sa world boxing crown noong 2018. Nagamit niya ang eksperiyensa para sa susunod niyang mga laban. Maging ang pagiging sparring partner sa Japanese boxers ay nakatulong nang malaki sa kanya.

At nitong Sabado ng gabi, binalewala ni Taduran ang first round knockdown, para umiskor ng fourth-round stoppage laban sa paborito at undefeated na si Samuel Salva sa kanilang IBF minimumweight championship sa Philippine Marine Corps sa Taguig.

Resulta: Tinanghal si Taduran bilang ikaapat na Pinoy na world champion ng Pilipinas sa kasalukuyan. Ang iba pa ay sina Manny Pacquiao, Nonito Donaire at Jerwin Ancajas.

Ang 22-anyos at bikolanong si Taduran, na ang trainer ay walang iba kundi ang dating IBF 105-lb champion na si Tacy Macalos, kaya naman hindi nakapagtatakang trinabaho niya sa katawan si Salva, dahil ganun din ang estilo ni Macalos noong panahong lumalaban pa ito.

Matapos bumagsak, inatake ni Taduran si Salva sa bodega hanggang matapos ang 4th round.

Habang hinihintay ang pagsisimula ng 5th round, ayon kay referee Danrex Tapdasan, paulit-ulit na iniluluwa ng 22-anyos ding si Salva ang kanyang mouthpiece sanhi ng kahirapan sa paghinga, dahilan para magdesisyon si Tapdasan mula na rin sa abiso ng ring physician na itigil ang laban.

Naka-oxygen at nakahiga sa stretcher na inilabas ng venue si Salva para dalhin sa ospital.

“Malaking tulong talaga yung experience na nakuha ko nung lumaban ako sa world championship, pati yung pakiki-spar ko sa Japan, nagamit ko dito,” lahad ni Taduran.

Bago ang stoppage, ang tatlong huradong sina Silvestre Abainza, Gil Co, at Cebu-based Panamanian Carlos Costa ay may pare-parehong iskor sa laban – 37-37, 37-37, 37-37.

Ayon kay Joven Jimenez, manager/trainer ni Ancajas, alas-12:00 ng hatinggabi ng Sabado ay nakalabas na rin ng ospital si Salva at nasa maayos namang kalagayan.

“12:00 midnight po nakauwi na po siya, nakalabas na po sa ospital,” wika ni Jimenez. “Okey naman po siya.”

Bunga ng panalo, si Taduran ay umangat sa 14-2 (11 KOs) ang win-loss record, habang ito naman ang unang kabiguan ni Salva sa 18 laban.

IKALAWANG WORLD TITLE NA PINOY VS PINOY

Ang 12-round IBF minimumweight encounter nina Taduran at Salva ay ikalawang pagkakataon lamang na kapwa Pinoy ang naglaban sa teritoryo ng Pilipinas.

Ito ay matapos ang halos 100 taon nang unang gawin ang Pinoy kontra Pinoy fight sa pagitan nina Pancho Villa, ang tinaguriang greatest Filipino boxer sa unang bahagi ng 20th century, na idenepensa ang kanyang korona laban kay Leyte-native Clever Sencio sa Luneta.

BEA ALONZO MAY SPECIAL GIFT KAY AGA

September 8, 2019September 8, 2019 Jet

NAKATANGGAP recently ang aktres na si Bea Alonzo ng espesyal na regalo mula kay Aga Muhlach. Ito ang nakalagay sa post ng aktres kamakalawa sa kanyang social media accounts.

Sa naturang post, makikita ang larawan ng portrait painting ni Bea. Sabi ni Bea, “(the painting has) found its place in my house.”

Sa caption ng post, sinabi ng aktres na, “THIS IS AMAZING!! Thank you @agamuhlach317 for this gift!!” Wala namang paliwanag kung para sa anong okasyon ang regalo. Nagkasama sina Bea at Aga sa 2018 movie na First Love.

BIKTIMA NG MALING SENTENSYA YAYAMAN

September 8, 2019September 8, 2019 Jet

(NI BERNARD TAGUINOD)

YAYAMAN ang mga preso na biktima ng maling sentensya kapag naipasa ang isang panukalang batas na magbibigay sa kanilang ng sandamakmak ng salapi.

Sa House Bill (HB) 3916 na iniakda ni Camiguin Rep. Mercedes Cagas, kailangang magkaroon ng makatarungang kompensasyon umano ang mga Filipino na nasentensyahan sa krimeng hindi naman niya ginawa.

Ayon sa mambabatas, bagama’t umiiral ang Republic Act (RA) 7609 o “An Act Creating Board of Claims Under Department of Justice for Victims of Unjust Imprisonment or Detention of Victim of Violence and for Other Purposes”, hindi na umano sapat ang kompensasyon na ibinigay sa mga biktimang ito ng katarungan.

Base sa nasabing batas, P1,000 kada buwan ng pagkakakulong ang ibinigay sa mga taong biktima ng maling sentensya at karagdagang P10,000 para sa reimbursement ng kanyang pagpapahospital, nawalang kita at iba pa dahil sa pagpapakulong.

Gayunpaman, hindi na umano sapat ang halagang ito sa panahong ito kaya nais ng mambabatas na itaas sa P5,000 ang babayaran ng gobyerno sa bawat buwan ng kanilang papakulong.

Nais din ng mambabatas na itaas sa P60,000 ang ibibigay sa mga ito para sa kanilang nawalang kita at P100,000 bilang damage kada taon ng kanilang pagkakakulong at hiwalay na halaga na ibinayad ng mga ito sa kanilang abogado.

Iminungkahi ng mambabatas na kunin ang pondong ito sa National Treasury at kailangang umanong maipasa ang nasabing panukala dahil maraming tao ang nakulong ng mahabang panahon kahit walang kasalanan.

“This bill aims to reasonably compensate the loss, injury and damage of wrongfully convicted person by increasing the compensation authorized under RA 7309,” ani Cagas sa kaniyang panukala.

Hindi nagbigay ng datos ang mambabatas kung ilang preso na ang pinakawalan matapos mapatunayan ng Korte Suprema na walang kasalanan ang mga ito sa mga nagdaang panahon.

Subalit naniniwala si Cagas na maraming preso ngayon ang nakakulong kahit hindi sila ang gumawa ng krimen na ibinibintang sa kanila kaya dapat umanong bigyan ang mga ito ng malaking kompenasyon sa sandaling panatunayan na wala talaga silang kasalanan sa batas at biktima pa sila ng krimen.

MEDIA ‘WAG GAMITIN SA ANTI-DRUG OPS – SOLON

September 8, 2019September 8, 2019 Jet

(NI BERNARD TAGUINOD)

DAHIL mapanganib umano sa buhay, ipinanukala ng isang bagitong mambabatas sa Kamara na huwag gamitin ang mga kagawad ng media sa anti-drug operations ng mga law enforcers.

Ginawa ni ACT-CIS party-list Rep. Nina Taduran ang nasabing panukala dahil “delikado ang buhay ng media man at wala naman silang sapat na proteksyon kapag sumaksi sa drug operation”.

Dahil dito, nais ng mambabatas na amyendahan ang Republic Act (RA) 9165 o Dangerous Drugs Act of 2002 para alisin ang mga kagawad ng media bilang mga saksi sa mga ginagawang operasyon ng mga otoridad laban sa ilegal na droga.

Base sa nasabing batas, kailangan may kinatawan mula sa media bilang saksi sa isinasagawang paghuli at pag-iimbentaryo ng mga droga at iba pang ebidensya laban sa nahuling drug suspect.

Tumatayong saksi rin ang mga kagawad ng media sa mga law enforcement hanggang sa Korte subalit masyado aniyang nanganganib ang buhay ng mga ito.

“May ilan nang mediamen na ginawang witness sa drug operations ang nakakatanggap ng death threats o kung hindi man ay inaakit sa pamamagitan ng suhol ng mga suspek sa droga. Pero sa pagre-require sa media na tumestigo sa korte, tila ipinapain pa natin sila sa kapahamakan,” ani Taduran.

Ang media ang itinuturing na Fourth Estate at hindi umano bahagi ng criminal justice system kaya hindi dapat isama ang mga ito bilang saksi sa kampanya laban sa iligal na droga.

P1B SA GAMOT NG HIV VICTIMS GAGASTUSIN NG GOBYERNO SA 2022

September 8, 2019September 8, 2019 Jet

(NI BERNARD TAGUINOD)

DAHIL parami nang parami ang mga biktima ng human immunodeficiency virus (HIV), gagastos ang gobyerno ng hanggang P1 billion para sa gamot ng mga ito pagdating ng taong 2022.

Ito ang pagtatayang ginawa ni Anakalusugan Rep. Mike Defensor dahil higit 10,000 ang naidaragdag na HIV patients kada taon kung ang datos mula 2015 hanggang 2018 ang pagbabasehan.

Ang DOH ay nakapagtala na ng 5,366 bagong biktima ng HIV mula Enero hanggang Mayo ngayong taon kaya nangangamba ang mambabatas na lalagpas din sa 10,000 ang maidaragdag sa listahan ngayong 2019.

Ayon kay Defensor, sa ngayon ay gumagastos ang Department of Health (DOH) ng P478 Million kada taon para pambili ng antiretroviral therapy (ART) upang humaba ang buhay ng mga HIV patients.

“The amount is likely to balloon to P1 billion annually by 2022, as more Filipinos living with HIV emerge and seek treatment,” anang mambabatas para sa 38,279 biktima.

Katumbas pa lamang ito ng 57% sa 67,395 cases na nasa listahan ng National HIV and AIDS Registry mula 1984 hanggang Mayo 2019.

Kahit 90% lamang umano sa mga naidaragdag na biktima ng HIV kada taon ang magpapatulong sa DOH para makakuha ng nasabing gamot ay aabutin aniya ng P1 Billion ang gagastusin ng gobyerno para sa mga ito.

“Congress is absolutely committed to find ways to help the DOH achieve its 90-90-90 target in fighting HIV,” ani Defensor na ang tinutukoy ay 90% sa mga biktima malaman ng gobyerno; 90% sa mga ito ay hindi nakapanghawa pa at 90% naman ang matulungan.

“We would also urge not just the DOH but also provincial, city and municipal health offices in regions with high HIV concentrations to invest more aggressively in preventive programs,” ani Defensor.

76 CONVICT SA GCTA LAW NASA KUSTODIYA NA NG BUCOR

September 8, 2019September 8, 2019 Jet

(NI HARVEY PEREZ)

UMAABOT na sa 76 convict sa heinous crime nakinabang sa Good Conduct Time Allowance (GCTA), ang nasa kustodiya na ng Bureau of Corrections (BuCor).

Ayon kay Justice Spokesperson Usec. Markk Perete, ang mga convicts ay nagsisuko bilang pagtalima sa kautusan ni Pangulong Rodrigo Duterte na magsisuko sa loob mg 15 araw ang mga Persons Deprived of Liberties (PDL) na nakinabang sa GCTA.

Nabatid na kabilang na rito ang dalawang convict sa Chiong sisters rape-slay case na nakilalang sina Ariel Balansag at Alberto Caño .

Ang 28 umano sa sumuko ay galing sa PNP Region 2 na inihatid pabalik sa BuCor kamakalawa ng alas-7:30 ng gabi sakay ng PNP bus.

Nabatid kay Perete na patuloy rin ang pagtanggap ng report ng BuCor mula sa iba’t ibang PNP Regional Office kaugnay sa mga convict na nagsisuko na sa kanilang tanggapan.

Nakipagpulong na rin ang DOJ Interim Oversight Committee sa mga BuCor officials para pag usapan ang coordinating mechanisms, at pagsasagawa ng inspeksiyon sa mga kulungan.

Samantala,sinabi rin ni Perete na ayon sa Bureauof Immigration(BI) ,wala naman ni isa sa mga nakalayang PDLs ang nagtangkang lumabas ng bansa.

FALCONS ISINALBA NG 3-POINT SHOT

September 8, 2019September 8, 2019 Jet

(PHOTO BY MJ ROMERO)

PAPAUBOS na ang oras, dali-daling bumato ng isang three-point shot si Lenda Douanga. Pasok! Panalo ang Adamson University Soaring Falcons, 84-83 laban sa National University sa overtime game nila kahapon sa UAAP Season 82 men’s basketball tournament sa Smart Araneta Coliseum.

Angat ang Bulldogs, 83-81 mula sa short stab ni Dave Ildefonso at halos abot-kamay na ang panalo sa huling 1.4 seconds ng overtime period.

Nagpasya si Adamson head coach Franz Pumaren na tumawag ng timeout.

Pagbalik ng laro, hindi nag-aksaya ng oras si Congolese slotman Douanga nang pagkatanggap ng bola mula sa inbound ay agad niya itong ipinukol sa basket.

Tumapos ang 6’10” na si Douanga na may 26 points, 19 rebounds at block, matapos ang 7-point production sa pagkatalo sa kamay ng Ateneo noong Miyerkoles.

Tumulong kay Douanga si skipper Simon Camacho na may 14 points, 11 rebounds at assist para sa Falcons.

May double digit din para sa Falcons sina Valandre Chauca, 13 puntos at sina Jerom Lastimosa at Jerrick Ahanmisi ay may tig-10 puntos.

“We don’t think it was a lucky shot. It was a designed play,” lahad ni Pumaren para sa unang panalo ng Adamson (1-1).

Si Ildefonso naman ang top scorer sa Bulldogs na may 29 points. (JOSEPH BONIFACIO)

Ang iskor:

ADAMSON 84 — Douanga 26, Camacho 14, Chauca 13, Lastimosa 10, Ahanmisi 10, Flowers 7, Zaldivar 2, Fermin 2, Bernardo 0, Yerro 0, Mojica 0, Manlapaz 0, Magbuhos 0.

NU 83 — D. Ildefonso 29, Gaye 16, Clemente 11, Oczon 7, Joson 5, S. Ildefonso 5, Mosqueda 3, Minerva 2, Mangayao 2, Diputado 2, Rangel 1, Tibayan 0, Yu 0, Gallego 0.

Quarterscores: 15-21, 31-30, 54-58, 74-74, 84-83.

KOLEKSYON NG BUSINESS TAX SA LGUs, PATATAASIN

September 8, 2019September 8, 2019 Jet

(NI DANG SAMSON-GARCIA)

ISINUSULONG ni Senate President Vicente ‘Tito’ Sotto III ang panukala na naglalayong palakasin ang koleksyon ng buwis mula sa mga negosyo.

Sa kanyang Senate Bill 494, nais ni Sotto na amyendahan ang Situs of the Tax na nakapaloob sa RA 7160 o Local Government Code of 1991.

Ang situs ay tumutukoy sa lugar ng pagbabayaran ng buwis.

Alinsunod sa nakagawian, ang mga negosyanteng mayroong principal offices sa Metro Manila ay pinapayagang magbayad ng buwis sa Kalakhang Maynila kahit ang kanilang operasyon ay sa mga lalawigan.

“The Local Government Code of 1991 provided solution for such grievances. However, from the time of its effectivity on Jan. 1, 1992, most LGUs outside Metro Manila were left behind by those within the metropolis in terms of providing basic services, development and economic growth,” saad ni Sotto,

Alinsunod sa panukala, ang value-added tax (VAT) ng mga manufacturers, assemblers, contractors, producers at exporters ay dapat bayaran kung saan matatagpuan ang kanilang mga pabrika, project offices, planta at plantasyon.

Sa ganitong paraan, itataas sa 90 percent mula sa kasalukuyang 70 percent ng lahat ng sales na naitatala sa principal office ang babayaran sa city o municipality kung saan matatagpuan ang factory, project office, plant o plantation.

Ibababa naman sa 10% mula sa 30% ng sales o transaction ang babayarang buwis sa lugar kung saan matatagpuan ang principal office.

Malaking tulong anya ito sa mga lungsod at munisipalidad sa labas ng Metro Manila para sa kanilang financial at infrastructure needs at additional source ng pondo para sa pagsasaayos ng basic services.

Day: September 8, 2019