SA DEPLOYMENT BAN VS KUWAIT: DOLE, TESDA MAGHANDA

(NI NOEL ABUEL)

DAPAT na maghanda ang Department of Labor and Employment (DOLE) at Technical Education and Skills Development Authority (TESDA) sa posibleng tuluyang pagba-ban ng mga overseas Filipino workers (OFWs) sa Kuwait.

Ito ang sinabi ni Senador Joel Villanueva kung saan kailangan aniyang tiyakin ng mga ahensya ng pamahalaan na may sapat na trabaho at oportunidad sa pagsasanay sa mga manggagawang maaapektuhan ng nasabing ban.

“We call on the DOLE and TESDA to ensure that there are available jobs and training opportunities for workers who will be affected by the ban. In the long term, we should exert all efforts to create more job opportunities locally so that our kababayan do not need to go abroad and leave their families to find well paying jobs,” paliwanag pa ng senador.

Sinabi pa ng senador na suportado nito ang desisyon ni DOLE Sec. Silvestre Bello na magpatupad ng partial ban sa mga OFWs sa bansang Kuwait.

“We support this move by Secretary Bello. While it limits the opportunities available to Filipino workers, it is also necessary to limit their exposure to risks and abuses. This policy also expresses our government’s outrage over the death of our compatriot who was allegedly killed by her employer’s wife. The welfare of our OFWs, particularly their safety and security in their places of work, is a paramount concern for our government, and our partners should recognize this especially the ones we signed bilateral agreements with,” aniya pa.

Giit ni Villanueva, mahalagang ipaintindi ng pamahalaan sa kanilang mga katuwang sa Kuwait na ang mga kababayan nating household service workers ay hindi nila pag-aari na parang gamit o tupa na maaaring itapon na lang kapag wala nang pakinabang o pagbuhatan ng kamay.

“Kung may problema ang mga employer sa kanilang mga household service worker, maaari naman nila idulog ito sa mga recruitment agency na kanilang pinagkuhanan ng manggagawa,” sabi pa nito.

 

Please follow and like us:
Read More

DOH, DEPED, CHED KINALAMPAG LABAN SA HIV CASES 

hiv12

(NI NOEL ABUEL)

PINAKIKILOS ng isang senador ang Department of Health (DOH), Department of Education (DepEd), at Commission on Higher Education (CHEd) para palakasin ang mga programa laban sa Human Immunodeficiency Virus (HIV) kaugnay ng dumaraming bilang ng kaso nito sa bansa.

Panawagan ni Senador Win Gatchalian nababahala ito sa dumaraming bilang ng mga Filipinong nagkakasakit ng HIV kung saan sa huling bahagi ng 2019 ay nakapagtala ng 36 na kaso kada araw ang Epidemiology Bureau ng DOH.

Ito ay mas mataas aniya sa 35 kasong naitala noong Hulyo 2019 at 32 kasong naitala kada araw noong 2018.

Ayon naman sa isang ulat ng Joint United Nations Program on HIV and AIDS (UNAIDS), sa 77,000 Filipinong may HIV, 19,000 rito ay may edad na 15-anyos hanggang 24-anyos.

Idinagdag pa ng UNAIDS, pinakamabilis kumalat ang HIV sa Pilipinas kung ihahambing sa ibang bansa kung saan mula 2010 hanggang 2018, umakyat ng 203 porsiyento ang bilang ng mga bagong kaso ng HIV sa bansa.

Katumbas umano nito ang 4,400 bagong kaso na umakyat sa 13,000.

Sa mga bagong kasong naitala, mahigit 81 porsiyento ay mula sa mga lalaking nakikipagtalik sa kapwa lalaki habang 27.9 porsiyento lamang sa mga ito ang sakop ng prevention program, samantalang mayroong 49.8 porsiyento naman ang gumagamit ng condom bilang proteksyon.

“Isa sa mga ugat ng sitwasyong kinakaharap natin ngayon ay ang kakulangan ng sapat na impormasyon na maaari sana nating ipalaganap sa ating mga paaralan. Nakakalungkot at nakakabahala na sa kabila ng mga pagsisikap natin, lalo pang dumami ang mga kababayan nating nagkakaroon ng HIV,” ayon kay Gatchalian, chair ng Senate Committee on Basic Education, Arts and Culture.

Isang posibleng solusyon dito ani Gatchalian ay ang sexuality education at dapat umanong bantayan ng mga ahensya ng pamahalaan ang mga social media at mga ‘dating apps’.

Lumalabas umano sa isang pag-aaral ng United Nations na sa pamamagitan ng mga ‘dating apps’ ay madaling makahanap ang mga kabataan ng mga taong maaari nilang makatalik.

Dagdag pa ng senador, mahalaga ang papel ng mga paaralan sa pagbibigay ng kaalaman at proteksyon sa mga kabataan at hindi sapat na ituro lamang sa mga kabataan ang mga solusyon, dapat din itong gawing abot-kaya para sa lahat.

 

Please follow and like us:
Read More

MABIGAT NA PARUSA VS RECKLESS DRIVERS ISINUSULONG

(NI BERNARD TAGUINOD)

GAGAWA na ng batas ang Mababang Kapulungan ng Kongreso na magpapataw ng mabigat na parusa sa mga reckless drivers na nagiging dahilan ng pagkamatay, hindi lamang ng mga pasahero kundi ng mga taong naglalakad lamang sa kalsada.

Sa ilalim ng House Bill (HB) 3205 o Reckless Driving Criminal Act na iniakda ni Quezon City Rep. Precious Hipolito-Castelo, panahon na aniya para turuan ng leksyon ang mga reckless drivers at maiwasan ang pagkamatay ng mga inosenteng mamamayan.

“When family members leave their houses and go out into our streets, their lives are at the mercy of reckless drivers. The government should set out a public policy that ensure outmost protection to pedestrians and commuters,” ani Castelo sa kanyang panukala.

Dahil dito, nais ng mambabatas na magkaroon ng mabigat na parusa ang mga reckless drivers kung saan kapag nakapatay ang mga ito sa kanilang barumbadong pagmamaneho ay ikukulong ng 10 taon at pagmumultahin ng P2 Million.

Hanggang 5  taon na pagkakakulong naman at P1 milyong multa kapag may nasaktan dahil sa barumbado nilang pagmamaneho habang 2 taon at multang P100,000 kapag nakasira ang mga ito ng ari-arian.

Kahit walang nasaktan ang mga ito kapag nahuli ng reckless driving ay makukulong pa rin ng isang taon at multang hindi bababa sa P100,000.

Ginawa ng mambabatas ang panukala dahil sa sunud-sunod na aksidente sa lansangan na karaniwang sanhi ng reckless driving na ikinamatay ng mga inosenteng mamamayan.

“The lack of severe punishment emboldens unscrupulous drivers even to intentionally run over a victim believing it would be better to kill the victim than to assist him because the damages they would be required to pay would be much less than the hospitalization expenses,” ayon pa kay Castelo kaya kailangan na aniya ang magkaroon ng mabigat na parusa sa mga reckless drivers.

Hindi lamang ang mga drivers na sangkot sa aksidente ang pananagutin kundi ang mga operators o may –ari ng mga sasakyang minamaneho ng mga ito ang papatawan ng nasabing parusa kapag naisabatas ang nasabing panulaka.

 

Please follow and like us:
Read More

KUMPLETONG LISTAHAN NG NAGPAKULONG KAY DE LIMA IBUBUNYAG

delima12

(NI NOEL ABUEL)

PINAGHAHANDAAN na umano ni Senadora Leila de Lima ang mas detalyadong listahan ng mga taong nasa likod ng pagpapakulong sa kanya dahil sa akusasyong sangkot ito sa illegal na droga.

Kinumpirma ng kanyang chief of staff na si Atty Fhillip Sawali lna na mayroon ang senadora na mas komprehensibong listahan ng mga opisyal ng administrasyon at iba pang mga personalidad na may kinalaman sa pagpapakulong dito.

Aniya, sa oras na matapos ang listahan ni De Lima ay posibleng mapabilang sa mga iba-ban sa Estados Unidos ang mga pangalan ng mga dati at kasalukuyang opisyal ng pamahalaan matapos ang pagkakalagda ng US 2020 national budget na naglalaman ng ganitong uri ng probisyon.

Ayon kay Sawali, mahaba ang listahan na ginawa ni De Lima lalo na’t napakametikuloso umano nito.

Sinabi pa nito na bawat entry aniya rito ay mayroong sapat na patunay at paliwanag kung paano ito nasangkot sa pagpapakulong sa mambabatas.

Matatandaang una nang naglabas ng inisyal na listahan si De Lima na kinabibilangan nina Pangulong Rodrigo Duterte, Presidential Spokesperson Salvador Panelo, dating Asec. Mocha Uson, dating House Speaker Pantaleon Alvarez, at dating Justice Secretary Vitallano Aguirre.

Gayundin,  kasama sa listahan ang iba pang pro-Duterte bloggers na sinasabing ginamit umano para siraan si De Lima.

 

Please follow and like us:
Read More

OVERACTING ANG JADINE FANS

lolit(NI LOLIT SOLIS)

SOBRANG reaction ng mga fans ng Jadine sa balitang hiwalayan nila. Alam mo, para sa akin bagay na bagay ang dalawa, saka maganda kumbinasyon nila at suwerte naman team up nila ng magkasama sila.

Baka naman isa lang itong case ng small misunderstanding at puwede pa maayos at magkabalikan muli kung tutoo man naghiwalay. Kaya lang medyo iba rin pressure dahil hindi na contract star ng Viva si James Reid, si Nadine Ilustre lang ang natira kaya talagang pagdating sa loveteam medyo mahirap na silang pagsamahin, maliban sa tv project dahil pareho pa rin sila ABS. Naku sana naman maayos ang lahat para sa Jadine para hindi mabuwag ang loveteam nila, sayang din.

Sey ni Dhedhe na solid Jadine: “Ayan lyrics ng song yan ang mga cryptic caption nya… mahilig sya Umayaw na ata si James sa teleserye nila ni Nancy kasi di na nababanggit sa mga upcoming shows ng

abs tapos si nadine at ay gustong di pag renewin ni James sa viva..mag caption na ganyan.. Demolition job na ng viva at abs yan..”

PATI SI POPE KINUYOG NG BASHER

Naku, tunay nga na kahit sino, hindi na iginalang ng mga basher. Imagine mo na pati si Pope Francis hindi nila iginalang, sobra na talaga. Alam mo OK naman iyon kantiin ka, pagsabihan, pero gumamit ng hindi magandang salita.

Iyon mga mura at mababang uri ng lengguahe para lang talaga ipinakita mo how low you are. Ako honestly, kaya binabasa ko lahat ng comment dahil may natutunan ako dito, iyon mga pagpuna OK sa akin, eye opener nga para sa akin. pero iyon sobra bastos, Yuckk talagang sinasabi ko sa sarili huwag mo pansinin kasi sure isa iyan jobless, gutom, at hindi nakaabot ng high school.

Kasi kita mo sa comments iyon may utak, malalim at talaga lang iyon puna constructive, kaya iginagalang ko at actually nagpapasalamat pa ako dahil nakikita ko iyon mistakes ko. Sana nga makita ng mga tao na nagpapaapekto sa bashers kung gaano ka lowlife ang mga ito, to the point na pati si Pope Francis hindi na iginalang. Basura talaga sila ng lipunan, pathetic losers. God forbids, you will get what you deserve.

 

Please follow and like us:
Read More

KARNE, PRUTAS NASABAT SA NAIA-BOC

BOC-NAIA-3

(NI FROILAN MORALLOS)

NASABAT ng mga tauhan ng Bureau of Customs (BOC) sa Ninoy Aquino International Airport (NAIA) ang tinatayang aabot sa 21.2 kilos ng karne galing sa tatlong bansa, na kinabibilangan ng China, Malaysia at Vietnam.

Nakuha sa mga pasahero ang mga chicken feet sa loob ng kanilang mga bagahe na nadiskubreng walang mga import pernit.

Bukod sa mga karne na-intercept din ang 8.2 kilos ng prutas at mga gulay na sinasabing galing sa bansang China .

Agad naman ilinipat ang mga naturang confiscated items sa Bureau of Animal Industry  (BAI).

 

Please follow and like us:
Read More

RIGODON SA PNP IPATUTUPAD

pnp12

(NI AMIHAN SABILLO)

PANIBAGONG rigodon ang mararanasan ng mga matataas na opisyal ng PNP sa katapusan ng buwan.

Ito ang inihayag ni PNP OIC PLt. Gen. Archie Francisco Gamboa kung saan ang mga pangunahing maapektuhan sa rigodon ay mga regional directors at mga hepe ng national support units ng PNP.

Ayon kay Gamboa, magiging batayan ng pananatili sa puwesto ng mga kasalukuyang nakaupo sa mga nabanggit na posisyon ay ang kanilang performance rating.

Sinabi pa nito na sa January 20 gagawin ang susunod na performance review, at mayroong isang linggo ang mga opisyal na i-apela ang kanilang rating bago ito maging pinal.

Ang mga opisyal na hindi umano maganda ang performance ay papalitan ng mga bagong opisyal upang mabigyan ang mga bagong iuupo ng pagkakataon na mapatunayan ang kanilang husay.

Iginiit ni Gamboa na nasa kanyang kapangyarihan bilang OIC na magtalaga ng mga bagong opisyal, at ang lahat ng kanyang mga ipupuwesto ay dadaan sa approval ng Napolcom at ni DILG Sec. Eduardo Año.

 

Please follow and like us:
Read More

PULIS NA GUMAGAMIT NG ‘RECOVERED VEHICLES’, HAHABULIN

(NI AMIHAN SABILLO)

INIUTOS na ni PNP OIC PLt. Gen. Archie Francisco Gamboa sa PNP-Integrity Monitoring and Enforcement Group (PNP-IMEG) na tugisin ang mga pulis na gumagamit ng mga sasakyang na-recover ng PNP.

Kasabay ng bilin ni Gamboa sa PNP-Highway Patrol Group na ibigay ang listahan ng mga impounded at na-recover na sasakyan ng PNP sa IMEG para ma-trace kung may mga pulis na gumagamit ng mga ito.

Meron umanong mahigit 200 na 4 at 2 wheeled vehicles na na-impound o narecover na carnapped vehicle sa imbentaryo ng HPG.

Sinabi pa ni Gamboa na noong nagsimula siyang manungkulan bilang OIC, pina-execute niya ng affidavit ang mga unit commanders na walang pulis na gumagamit ng mga recovered vehicles na nasa kanilang pag-iingat.

Babala naman ni Gamboa, mananagot din ang mga unit commanders kung matuklasan ng IMEG na may mga tauhan sila na gumagamit ng mga naturang sasakyan.

Muling ipinaala ni Gamboa ang umiiral na PNP standard operating procedure number 7, kaugnay ng tamang pag-iingat ng ebidensya.

Please follow and like us:
Read More

DUTERTE BUO ANG TIWALA SA PNP – SEC. AÑO

(NI AMIHAN SABILLO)

HINDI nawalan ng tiwala si Pangulong Rodrigo Duterte sa pamunuan ng Philippine National Police (PNP).

Ito ang binigyang diin ni DILG Sec. Eduardo Año sa isang phone interview sa mga mamahayag sa Camp Crame nitong Biyernes kaugnay ng hindi parin pagtatalaga ng Pangulo ng permanenteng PNP Chief.

Ayon kay Año, nahihirapan ang Pangulo na pumili mula sa tatlong  nangungunang kandidato na malapit sa kanya at gustong pag-aralang mabuti ang kakayahan ng mga kandidato.

Aminado naman si Año na ‘disappointed’ ang Pangulo sa nangyaring isyu sa ninja cops.

Kaya nais lang aniya ng Pangulo na masiguro na magiging seryoso sa kampanya kontra sa illegal na droga ang kanyang mapili.

Sinabi ni Año na binigyang diin ng Pangulo sa kanilang huling command conference, kasama ang mga opisyal ng PNP, na nais lang niyang masiguro na matapos ang kampanya kontra sa illegal na droga sa loob ng kanyang termino.

Dagdag ni Año, nauunawaan din naman ng mga opisyal ng PNP ang posisyon ng Pangulo.

Please follow and like us:
Read More