Day: January 21, 2021

HINDI napigilan ng dating Law Dean na si Rico Quicho na kwestyunin ang ginawang pagbasura ng National Prosecutor Service (NPS) ng Department of Justice (DOJ) sa reklamo laban kay Senador Aquilino ‘Koko’ Pimentel III kaugnay ng umano’y quarantine breach noong nakaraang taon.

Sa pamamagitan ng Facebook, agad naghayag ng mahabang saloobin ang abogado at binigyang diin ang tila pagkakaroon aniya ng double standard sa pagpapatupad ng batas kaugnay sa pinaiiral na quarantine protocols.

Bahagi ng post ni Atty. Rico Quicho ay nagsasaad na: “Is there a different set of rules for Mr. Koko Pimentel, the powerful and the privileged, and a different set for the fish vendor, the weak, the forgotten and the ‘unimportant’?”

Matatandaang ikinagalit ng publiko ang marahas na pag-aresto ng mga tauhan ng Quezon City LGU sa isang fish vendor na pinagpapalo, kinaladkad at hiniya sa publiko dahil sa pagiging quarantine violator.

Sa kasalukuyan ay libong violators na ang inaresto ng pulisya dahil sa iba’t ibang paglabag sa mga pinaiiral na health protocols.

Nauna nang naabswelto sa kaparehong reklamo si Senador Manny Pacquiao na pangulo ng PDP-Laban.

Pinawalang-sala ng NPS si Pimentel dahil hindi naman ito “public health authority” at hindi ito “obligadong mag-ulat” ng kanyang medical condition hinggil sa posibleng pagkakaroon niya ng COVID-19.

Ayon kay Prosecutor Honey Delgado, dahil sa nabanggit na mga rason ay walang nilabag na probisyon ng Republic Act 11332 si Pimentel.

Pinaimbestigahan ni Justice Secretary Menardo Guevarra sa National Bureau of Investigation (NBI) si Pimentel makaraang ireklamo ito ni Atty. Quicho dahil sinamahan nito sa Makati Medical Center (MMC) ang maybahay na nakatakda noong manganak gayung dapat ay naka-home quarantine siya habang hinihintay ang resulta ng kanyang COVID-19 test.

Matatandaang si Pacquiao ay inabsuwelto rin ng Philippine National Police (PNP) makaraang magtalumpati ang senador sa harapan ng mga taong magkakadikit, maraming walang face at marami ring walang face shield sa Batangas.

Ikatlo naman si Pimentel sa mga maka-administrasyong Duterte na napawalang sala sa paglabag sa Anti-covid law.

Ang isa pa ay ang tagapagsalita ni Duterte na si Atty. Harry Roque Jr. na inabsuwelto rin ng PNP dahil hindi rin niya kasalanan nang magkakatabing nag-umpukan ang mga residente sa Bantayan, Cebu habang pinanonood at pinakikinggan ang opisyal. (May dagdag na ulat si NELSON S. BADILLA)

Read More

NELSON S. BADILLA

 

NANINIWALA si Senador Panfilo Lacson na mayroong kikita ng P16.8 bilyon sa pagbili ng bakuna ng Sinovac mula sa China.

Ayon kay Lacson, ang P16.8 bilyon ay ang sobrang halagang ibabayad ng administrasyong Duterte sa 25 milyong doses ng bakuna ng Sinovac Biotech.

Sabi ni vaccine czar Cesar Galvez Jr. sa media ay “sealed the deal” at “locked-in agreement” na ang 25 milyong doses na inorder mula sa Sinovac.

Simula Pebrero 20 ay inaasahang darating ang unang batch na 50,000 doses.

Inulit ni Lacson sa kanyang privilege speech kamakailan na ang presyo ng bakuna ng Sinovac ay P3,692 kung dalawang turok, o P1,814 kada turok.

Anang senador, malayo ito sa presyo ng bakuna ng Sinovac na inialok sa pamahalaan ng Indonesia na P683.30 bawat turok at pamahalaan ng Thailand na P240 kada turok.

Kung ikukumpara, malinaw na napakamahal ng presyo ng bakuna na inialok ng Sinovac sa administrasyong Duterte.

Dahil sa mga presyong ito ng parehong bakuna na kitang-kita na napakalayo ng agwat sa bawat isa, nagpakawala ng ganitong pahayag si Lacson sa nasabing talumpati: “I am not prepared to accuse anyone in particular of corruption. Rather, it defies logic to suspect at least an attempt to overprice the vaccine. Again, when there is an attempt at overpricing, isn’t it also logical to think na may kikita ng limpak-limpak na salapi?”

Ngunit, tinuran ni Lacson na matitipid ng administrasyon ang P16.8 bilyon kung sakaling iatras ni Galvez ang order sa Sinovac.

Binanatan din ni Lacson ang iwinasiwas ng tagapagsalita ni Pangulong Rodrigo Duterte na si Secretary Harry Roque Jr. na “fake news” ang P3,692 na presyo ng Sinovac.

Ipinaalala ni Lacson na ang nasabing presyo ay galing sa Department of Health (DOH) na ipinarating noong 2020 sa pagdinig ng Senate Finance Committee tungkol sa mungkahing badyet ng pamahalaan para sa 2021.

Ibinisto rin ang maling impormasyon ni Galvez na malaki pa ang maibabawas sa presyo ng bakuna ng Sinovac dahil sa tinatawag na “300% markdown” ng “COVAX facility”.

Idiniin ng senador na hindi totoo ang argumento ni Galvez dahil “As discussed during the [Senate] hearings, the COVAX facility only has an agreement for early roll-out in February with Pfizer-BioNTech vaccine of a limited quantity. COVAX has also secured agreements for AstraZeneca and Moderna, and signed agreements for Johnson & Johnson and Sanofi-GSK”.

“There was no mention of Sinovac. When I asked Sec. Galvez a direct question on whether or not Sinovac is part of the COVAX program, his answer was – nag-a-apply pa lang,” pagsisiwalat ni Lacson.

Ilang araw ang nakalipas, nagbago ng tono si Roque dahil sinabi niya sa media na mababa ang presyo ng bakuna ng Sinovac na inorder ng Pilipinas.

Aniya, malapit ito sa P683.30 na presyong ibingay sa pamahalaan ng Indonesia.

Ngunit, hindi pa rin isinapubliko ni Roque dahil sa kasunduan ng Pilipinas at Sinovac na bawal itong ipaalam sa publiko.

Ang perang ipambabayad sa Sinovac at sa iba pang kumpanyang inorderan ng bakuna ay galing sa buwis na ibinayad ng mamamayan.

Maliban sa isyung napakamahal ng bakuna ng Sinovac na P16.8 bilyon ang sobrang halaga sa ilalabas na pera ng administrasyon, nakapagdududa rin ang bisa nito dahil batay na rin sa naglabasang resulta ng clinical trial sa ibang bansa ay 50 porsiyento lamang ang efficacy rate ng nasabing bakuna na gawa sa China.

Read More

NAKAHANDA si Pangulong Rodrigo Roa Duterte na sunduin sa Senado si vaccine czar Carlito Galvez kapag binastos na ito ng mga senador sa dagdag na pagdinig sa COVID-19 vaccination program ng gobyerno ngayong araw (Biyernes).

Humirit kasi si Sen. Panfilo Lacson sa plenaryo hinggil sa pangangailangan na mabusisi ang ilang hindi pa umano malinaw na detalye sa pagbili ng mga bakuna kontra COVID-19.
“Ang sabi po ng presidente, “Kung ika’y binastos, tumayo ka, huwag kang sumagot at umalis ka; at kapag ikaw ay iko-contempt, susunduin kita roon,” ayon kay Presidential spokesperson Harry Roque.

Sa kabilang dako, ipinag-utos aniya ni Pangulong Duterte kay Sec. Galvez na manatiling tahimik sa halaga ng bakunang aangkatin ng bansa kaugnay ng muling pagharap nito sa Senate hearing.
Ang tanging bilin ng Chief Executive kay Sec. Galvez ay maging transparent sa pagbibigay ng testimonya subalit hindi kasama rito ang presyo ng bakuna na aangkatin ng pamahalaan. (CHRISTIAN DALE)

Read More

KUMIKILOS na ang gobyerno para tugunan ang sobrang taas ng presyo ng baboy.

Sinabi ni Presidential spokesperson Harry Roque na umaangkat na ang Department of Agriculture ng baboy hindi lamang sa Visayas at Mindanao kundi pati na sa iba pang ASF-free areas ng Luzon.
Maliban dito aniya ay nag-i-import na rin ang DA ng baboy sa bansa na walang ASF habang tinataasan din ang volume ng pork imports.

Mayroon din aniyang ipinatutupad na Bantay ASF sa barangay o ang BABay ASF na ang target ay mapigilan ang ASF katuwang ang LGUs, private sector veterinary groups at hog raisers.

“Sa medium term po, pinapatupad po nila iyong Bantay ASF sa Barangay o iyong BABay ASF, at ito ay nagnanais na ma-prevent at makontrol ang ASF in partnership with the LGUs, private sector
veterinary groups, hog raisers and traders. Iyong massive repopulation in ASF-free areas or green zones, iyong quick speedy indemnification doon sa mga may-ari ng baboy na napatay.

Ngayon, mayroon ding provision para sa P30,000 – zero interest, no collateral, 10 year to pay livelihood loans to displaced backyard hog farmers,” anito.

Sa ngayon ay umaabot na sa P400.00 kada kilo ng baboy na mas mahal pa sa presyo ng baka. (CHRISTIAN DALE)

Read More

IPAGBIBIGAY-ALAM ni Presidential spokesperson Harry Roque kay Budget Secretary Wendel Avisado ang ibinunyag ni Foreign Affairs Secretary Teodoro Locsin Jr. na paubos na ang passport revolving fund ng bansa.

Gayunpaman, tiwala si Sec. Roque kay Locsin na makahahanap ito ng pondo.

Sa Twitter post kasi ni Locsin, Miyerkoles ng gabi ay sinabi nito na gagawin niya ang lahat ng kanyang makakaya para makahanap ng pera to replenish o punan o dagdagan ang pondo lalo pa’t ang

Department of Foreign Affairs (DFA) ay mayroong utang na P388 million sa passport printing contractor APO Production Unit Inc., isang state-run firm.

Napag-alaman ng Kalihim na ang pondo ay ‘kinain” ng travel allowances, insurance at miscellany.”  (CHRISTIAN DALE)

Read More