AFP PINAKAMAHINA SA SOUTHEAST ASIA; SOLONS DEPENSA NG PINAS ‘DI NAPALAKAS NG US

0

WALANG napala ang mga Filipino sa isang siglong pakikipag-alyansa sa Amerika dahil imbes na lumakas ang ating depensang militar ay lalo lang itong humina.

Ito ang pahayag nina Bayan Muna party-list Reps. Carlos Zarate at Eufemia Cullamat bilang suporta sa desisyon ni Pangulong Rodrigo Duterte na tuluyan nang ibasura ang Visiting Forces Agreement (VFA) sa Amerika.

Ayon kay Zarate, pinakamahina ang Armed Forces of the Philippines (AFP) sa rehiyon ng Southeast Asia gayung nakasandal tayo sa pinakamalakas na puwersa sa buong mundo.“More than a century of over-dependence by our security sector with the US only made it still among the weakest in the region that cannot even put up a respectable and credible defense posture against the aggressiveness of China,” ayon sa mambabatas.

Napakarami aniyang military agreement ang dalawang bansa na kinabibilangan ng 1951 Mutual Defense Treaty (MDT), Mutual Logistics and Support Agreement (MLSA),  Enhanced Defense Cooperation Agreement (EDCA) at VFA subalit walang napala rito ang mga Filipino lalo na ang national security forces.

Kung talaga aniyang kaibigan ang turing ng Amerika sa Pilipinas, hindi nila pinabayaan ang AFP na maipagtanggol ang sariling soberenya at posibleng hindi naglakas ng loob ang China na agawin ang teritoryo natin sa West Philippine Sea.

“The Philippines is percieved as a long-time neocolonial client of the US, yet, the presence of these agreements did not deter China from converting our waters and shoals into its military garrisonand outposts in the West Philippine Sea (WPS),” ayon pa kay Zarate.

Ipinagtanggol naman ni Cullamat si Duterte sa kanyang desisyon na ibasura na nang tuluyan ang VFA dahil hindi naman umano talaga kailangan ito ng mga Filipino, sa halip ay ginagawang launching pad lamang ng Amerika kapag may pinapasukang giyera ang mga ito.

“Hindi naging mali ang direksyon sa termination ng VFA. Hindi natin ito kailangan dahil ito’y para sa interes lang ng US. Ang pangunahing problema natin sa bansa ay ang kahirapan at kagutuman ng mamamayang Filipino at hindi ito matutugunan ng VFA o anomang mga tratado sa US dahil walang programa na tunay na magpapaunlad sa mga local producer na tulad ng mga magsasaka at magtatayo ng pambansang industriya,”ayon pa kay Cullamat.

Gayunpaman, nagbabala ang dalawang mambabatas kay Duterte na huwag subukang palitan ng VFA sa China at Russia ang VFA sa Amerika dahil hindi makatatayo sa sariling paa ang AFP para ipagtanggol ang teritoryo ng bansa. BERNARD TAGUINOD

 

Read More

REPORT SA PAGLABAG NG NPA SA CEASEFIRE, ISUSUMITE KAY DUTERTE

cpp npa12
0

(NI AMIHAN SABILLO)

ITATALA ng Armed Forces of the Philippines (AFP) ang lahat ng gagawing paglabag ng New People’s Army sa loob ng tatlong linggong unilateral ceasefire ngayong holiday season.

Ito ang inihayag ni AFP spokesperson Bgen Edgard Arevalo base sa kautusan ni AFP Chief of staff Gen Noel Clement matapos ang dalawang insidente ng pag-atake ng NPA  ilang oras lamang matapos ideklara ng Pangulo ang unilateral ceasefire.

Sa dalawang pag-atake sa Camarines Norte at Iloilo isang sundalo ang namatay at walo ang sugatan.

Ayon kay Arevalo, gagawa  ng formal report ang AFP sa mga naging violation ng NPA at ito ay isusumite kay Pangulo Duterte sa pamamagitan ng Department of National Defense.

Bahala na aniya ang Pangulo kung ano ang magiging hakbang nito laban sa NPA dahil sa mga paglabag.

Sa panig ng AFP, wala silang tiwala sa NPA kaya hindi nila inirekomenda na magkaroon ng ceasefire.

Pero dahil aniya isang propesyonal na organisasyon ang AFP, tumatalima sila sa desisyon ng kanilang commander in Chief na magpatupad ng ceasefire.
 

Read More

AFP NANINDIGAN:  NO CEASEFIRE SA NPA NGAYONG PASKO

0

(NI AMIHAN SABILLO)

NANINDIGAN ang Armed Forces of the Philippines (AFP) na tutol sila sa isang ‘ceasefire’ sa NPA ngayong kapaskuhan.

Sinabi ni AFP Spokesperson Bgen Edgard Arevalo, hindi nila irerekomenda sa Pangulo na magkaroon ng pansamantalang tigil putukan dahil napatunayan na sa nakaraan na ginagamit lang ng mga komunista ang pagkakataon para makapagpalakas ng puwersa.

Iginiit ni Arevalo, tuwing may tigil putukan ay doon naman nag-re-recruit at nag-iimbak ng armas ang nga kalaban.

Nilinaw naman ni Arevalo na pabor ang AFP sa pangmatagalang kapayapaan at hindi lang ang pansamantalang katahimikan ng isang ceasefire.

Kaya suportado aniya ng militar ang anumang maging pasya ng Pangulo sa possibleng muling pagsasagawa ng “peace talks” sa mga komunista.

 

Read More

PHL MADE NA ARMAS DAPAT PAGTUUNAN NG AFP

afp12
0

(NI DANG SAMSON-GARCIA)

INIREKOMENDA ni Senate President Pro Tempore Ralph Recto sa Armed Forces of the Philippines (AFP) na pag-aralang i-convert bilang economic zone ang government arsenal sa Bataan.
Kasabay nito, iginiit din ni Recto na dapat gawing prayoridad sa defense spending ang pagdaragdag ng locally made defense at police equipment.

“There should be local dividends from the equipment shopping spree,” saad ni Recto.
Tinukoy pa ni Recto ang kalidad ng ibang produkto ng domestic firearms makers na tinatangkilik ng ibang police forces sa ASEAN region.

Inihalimbawa pa nito ang isang locally-made shotgun na nagiging bestseller sa local police departments sa ilang estado sa  America.

Iginiit ng mambabatas na isa sa mga government-owned asset na maaaring palawakin ay ang DND-run government arsenal sa Bataan.

Sa ngayon ay 10 hectares ng 300 hectares ng lupain ng arsenal ang nagagamit at ang sobra nito ay maaaring gamiting export processing zone.

“The know-how is there, the land is there. It is strategically positioned to become a hub for armaments that can be exported,” diin ni Recto.

Binigyang-diin pa nito na maaari ring makapagbigay ng mas maraming trabaho at kita sa pamahalaan ang paghikayat sa local manufacturers na itaas ang produktsyon ng mga sasakyan, barko o kahit mga baril.

Read More

400 SUNDALO LALAHOK SA 30TH SEA GAMES

0

(NI JESSE KABEL)

INIHATID nina Defense Secretary Delfin Lorenzana at Armed Forces chief of staff Gen. Noel Clement ang mahigit 400 sundalo na lalahok sa 30th Southeast Asian Games bilang mga atleta at tagapagbantay na rin sa seguridad.

Nabatid na 127 soldier-athletes at coaches ang kasama sa RP contingents na makikipagpaligsahan sa Filipino-hosted 30th SEA Games sa darating na  November 30 hanggang  December 11.

Pinangunahan ng  Armed Forces of the Philippines ang send-off ceremony kahapon para sa mahigit  400 soldier-athletes, coaches, emergency preparedness and response teams at  security personnels mula sa  military’s Regular at Reserve Forces.

Ayon kay Defense chief Delfin Lorenzana, ang naturang seremonya ay bilang suporta at pang-boost ng moral ng mga kalahok sa biennial meet.

“We have all been tirelessly working for this momentous event. We are able to lay down the joint operational guidelines for our troops who will be deployed. Similarly, our soldiers have relentlessly trainee for their various events. These are clear indications of our strong will and desire for a safe and successful  conduct of the Games,” sabi ni Gen. Clement.

Ilan sa magiging venues ng  30th SEA Games ang Clark, Pampanga, at Subic, Zambales at Metro Manila.

Read More

PALASYO DEADMA SA ‘WARNING SHOT’ NG CHINA, INALMAHAN

wps22
0

(NI BERNARD TAGUINOD)

KINUWESTIYON Kinuwestiyon ng isang mambabatas sa Mababang Kapulungan ng Kongreso ang tila pananahimik ng Palasyo ng Malacanang sa warning shot ng China sa eroplano ng Armed Forces of the Philippines (AFP) sa West Philippine Sea.

Hindi nagustuhan ni Bayan Muna party-list Rep. Carlos Zarate ang hindi pagsasalita ng Malacanang sa nasabing isyu gayong mainit na mainit ang mga ito sa mga progresibong grupo.

“Sinakop na nga ang teritoryo natin at nagpaputok pa laban sa AFP tapos ay hindi man lang kumikibo ang administrasyong Duterte,” pahayag ni Zarate.

Una rito, sinabi ni Maj. Gen. Reuben Basiao, deputy chief of staff for Intelligence ng AFP sa security briefing sa Kamara nakaranas ang mga ito ng warning flares mula sa mga artificial islands na inokupahan ng China habang nagsasagawa ang mga ito ng maritime patrol.

Naniniwala si Basiao na ang ipinutok na flares ng China ay para palayuin ang mga ito sa pinag-aagawang teritoryo bagay na hindi nagustuhan ni Zarate dahil nanahimik ang Palasyo ng Malacanang dito.

Dahil dito, iginiit ng mambabatas sa AFP na ituon ang pansin sa pagbabantay sa teritoryo ng Pilipinas sa West Philippine Sea na unti-unting sinasakop ng China imbes na pag-initan ang mga progresibong grupo.

“Instead of raiding the offices of progressives and bombing peasant communities, the Armed Forces of the Philippines  should concentrate its forces and efforts in guarding and patrolling the West Philippine Seas,” ani Zarate.

Ginawa ng mambabatas ang pahayag dahil sa nararanasang harassment umano ng mga ito sa AFP katulad ng pagre-raid at pagtatanim umano ng ebidensya sa kanilang mga tanggapan.

“It seems that the AFP is only good in planting evidence against activists but apparently becoming inutile against defending our sovereignty,” dagdag pa ng mambabatas.

 

Read More

1 YR PMA RECRUITMENT SUSPENSION TAMA LANG — SOLON

pma
0

(NI ABBY MENDOZA)

SA rami ng kaso ng pag-abuso sa Philippine Military Academy (PMA) kabilang na ang 52 kadete na na-confine, 27 kaso ng pagmamaltrato at pagkamatay ng kadeteng si Darwin Dormitorio, tama lamang na suspendihin ang recruitment.

Ito ang paninindigan ni Ako Bicol Partylist Rep Alfredo Garbin matapos na rin magmatigas si AFP Chief of Staff Noel Clement na maituturing na drastic move ang panawagan na itigil ng isang taon ang pagrerecruit ng PMA cadets

“If we stop the recruitment of cadets for the PMA, it’s going to affect the profile of the Armed Forces in as far as all our officers are concerned. PMA produces the biggest bulk of the junior officers that we have. If we stop the recruitment at PMA, our future projections and our replacement for those who retired and for our casualties will be affected,” nauna nang pahayag ni Clement.

Paliwanag ni Garbin na hindi maliit na bagay ang mga iregularidad na nadiskubre sa PMA at ang kanyang rekomendasyon ay akma lamang sa kaslaukuyang sitwasyon na dapat iprayoridad na resolbahin ng academy.

“The lives, safety, and honor of 52 cadets were in mortal danger. That is no small matter,

Besides, the impact of my proposal on the supply of new officers would not be immediately felt. The supply impact would be at least four years into the future. Kapag gusto, may paraan,” giit ni Garbin.

Hindi rin naniniwala si Garbin na makaapekto sa supply ng bagong mga opisyal kung matitigil ang recruitment, aniya, mayroong mga reservist ang AFP na maaaring ilagay sa active status.

Naniniwala ang mambabatas na hanggang sa hindi nababago ang sistema sa loob ng PMA ay mas marami pang mga pang aabuso ang mangyayari na hindi mailalantad sa publiko.

 

Read More

LIBU-LIBONG ARMAS, MAGAZINE, WINASAK NG AFP

0

(NI JESSE KABEL)

WINASAK ng Armed Forces ang may 1,561 mga baril at 55,730 magazine assemblies para sa iba’t ibang uri ng baril sa layuning masupil ang paglaganap ng illegal at loose firearms sa bansa.

Ayon kay AFP Public Information Office chief Navy Captain Jonathan Zata, ang mga sinirang baril ay naipon mula sa mga nahuli, nakumpiska sa military operations, isinuko ng mga rebeldeng NPA at lawless elements sa buong Luzon simula taong 2016.

“This program will significantly reduce the number of unserviceable CCSR (captured, confiscated, surrendered, and recovered) firearms and eventually dispose all unofficial and dilapidated weapons in the inventory of the AFP,” pahayag naman ni  AFP Vice Chief of Staff Vice Admiral Gaudencio Collado Jr sa kanyang inilabas na stataement na binasa ni Major General Erickson Gloria, Deputy Chief of Staff.

Ang  ceremonial demilitarization ng mga sandata ay bahagi ng 12th Founding Anniversary ng AFP Munitions Control Center (MCC), isang  unit na pangunahing naatasang magsagawa ng accounting and destruction ng  CCSR firearms and magazines, na napatunayang non-standard, obsolete, at beyond economical repair.

Tumutulong din ito sa mga AFP units na suriin at imantina ang kanilang mga sandata at tiyakin na maaring pang magamit at makumpuni ang mga sandatang inisyu sa kanila.

Nabatid na ang winasak na  CCSR firearms at mga accessories ay dumaan sa masusing proseso ng identification and verification.  Ang mga sandatang ginagamit bilang ebidensiya sa korte at hindi rin saklaw ng Enhanced Comprehensive Local Integration Program ay hindi muna wawsakin at ibibigay sa proper authorities.

Read More

KAMARA HINILING NA AFP NA ANG MAGBANTAY SA BILIBID

bucor55
0

(NI BERNARD TAGUINOD)

INIREKOMENDA na sa Mababang Kapulungan ng Kongreso na military na ang magbantay sa National Bilibid Prison (NBP) matapos masira ang imahe ng Special Action Forces (SAF) dahil sa pagpupuslit ng ilang tauhan nito ng kontrabando upang ibenta sa mga mayayamang preso.

Sa press briefing nitong Martes, sinabi nina Anakalusugan party-list Rep. Mike Defensor at ACT-CIS party-list Rep. Eric Yap na hindi nila tututulan kung magdesisyon si Pangulong Rodrigo Duterte na isasailalim na sa kontrol ng Armed Forces of the Philippines (AFP) ang security sa bilibid.

“Temporary para masolve nila yan, ako I will not hesitate if the president would decide, I would support, kahit yung military ilagay dyan para magbantay temporarity just to fix the situation,” ani Defensor.

Ginawa ng mambabatas ang pahayag matapos mabuko ang may 15 SAF members na nagpapasok ang mga ito ng alak, tabako, cellphones na ibebenta umano sa mga mayayamang preso sa mas mahal na presyo.

Ang SAF ang itinalagang bantay sa Bilibid  matapos pagdudahan  ang mga jailguards dahil hindi matigil ang mga anomalya sa loob ng kulungan tulad ng pagkakaroon ng cellphones ng mga drug convicts kaya patuloy ang mga ito sa kanilang ilegal na trabaho kahit nakakulong na ang mga ito.

Inayunan naman ni Yap ang pahayag ni Defensor subalit ikinatuwa nito na nahuli ang mga SAF members na ilegal na rumaraket sa Bilibid imbes na siguraduhing walang makakalusot na kontrabando.

 

 

Read More