RAPIST-KILLERS NG CHIONG SISTERS NAKALAYA NA?

chiong55

(NI ROSE PULGAR)

MATAPOS ang kontrobersiyal na tangkang pagpapalaya kay dating Calauan mayor Antonio Sanchez, nangangamba ang pamilya Chiong sa Cebu na nakalaya na rin ang killers ng magkapatid na Chiong na dinukot, ni-rape at pinatay noong 1997.

Sa isang press conference nitong Huwebes, inamin ng Bureau of Correction (BuCor) na halos 2,000 preso ang napalaya dahil sa ‘good behavior’ sa loob ng piitan at maraming bilang sa mga ito ay convicted rapists at murderers.

Nauna nang pinabulaanan ni Bucor chief Nicanor Faeldon na may pinirmahan siyang release order para sa paglaya nina Rowen Adlawan, Ariel Balansag at Alberto Caño na responsable sa panggagahasa at pagpatay kina Marijoy at Jacqueline Chiong.

Magugunitang dinukot at ginahasa bago pinatay ang magkapatid na Chiong sa Cebu kung saan natagpuan ang bangkay ni Marijoy sa bangin.

Ikinabahala naman ng pamilya ng mga biktima ang napabalitang nakaambang paglaya o pinalaya na ang mga suspect kung saan nahatulan ng habambuhay na pagkabilanggo sa loob ng New Bilibid prison.

Tumanggi rin si Atty. Frederick Antonio Santos, chief legal office ng Bucor, na banggitin kung kasama sa napalaya ang apat na Chinesse drug lord at ang tatlong inmates na responsable sa panggagahasa at pagpatay sa magkapatid na Chiong.

Simula umano ng taong 2013 hanggang kasalukuyan taon ay halos nasa dalawang libong inmates ang napalaya na ng Bureau of Correction (BuCor) na may iba’t ibang kasong kinahaharap sa loob ng New Blibid Prison (NBP) sa Muntinlupa City.

Sinabi ni Santos na ‘figures’ lamang ang kanilang maibibigay sa mga nakalayang preso at aniya hindi nila puwedeng pangalanan kung sinu- sino ang mga ito.

Itinanggi rin nitong sabihin kung may mga high-profile na inmates na nakasamang lumaya matapos pagsilbihan  ang kanilang sentensiya sa loob ng bilibid.

Ayon kay Santos, umabot sa 1,914 ang kanilang napalaya simula taon 2013 hanggang sa kasalukuyang taon na may kasong parricide, na umabot sa 29.

Habang nasa 797 ang napalaya sa kasong murder, lima sa kidnapping w/illegal detention, 274 naman sa robbery w/violence or intimidation, 3 sa destructive arson, 758 naman sa rape at 48 naman sa dangerous drug act.

Sinabi pa ni Santos na hindi qualified ang dating Calauan Laguna Mayor Antonio Sanchez na makakalaya kahit pa komputin ang kanyang Good Conduct and Time Allowance (GCTA).

Nauna nang napabalita noong Agosto 20 na si Sanchez ay isa  sa 11,000 inmates na makakalaya sa loob ng dalawang buwan matapos na ma-compute na ang GCTA.

Aniya sa ngayon ay tigil muna ang recomputation ng GCTA hanggang Setyembre 5 habang nire-review ng binuong technical working group.

“Ibig sabihin hold muna ang pag-compute sa gcta ng 10,200 na mga preso” ani ni Santos.

 

Please follow and like us:
Read More

EX-MAYOR SA CEBU GUILTY SA MALVERSATION

sandigan12

(NI ABBY MENDOZA)

HINATULANG guilty sa kasong malversation ng Sandiganbayan ang dating alkalde ng Daanbantayan Cebu matapos magbigay ito ng financial assistance sa isang organisasyon na hindi dumaan sa Sangguniang Bayan noong 2007.

Sa 30-pahinang desisyon ng Sandiganbayan 7th Divisiom, ipinataw ang anim hanggang walong taon kay Daanbantayan Cebu Mayor Maria Luisa Loot.

Pinatawan din ng dalawa hanggang apat  taong pagkakakulong ang negosyante at dating Councilor na si  Samuel Moralde.

Bukod sa parusang pagkakakulong ay ipinababalik din sa dalawa ang pera  na may interes na 6% kada buwan at diskuwalipikado na ang mga ito na makapagtrabaho sa gobyerno.

Ang kaso ay nag-ugat nang paboran at bigyan ng financial assistance na P500,000 ni Loot ang RBA Quail Raisers Association kung saan chair si Moralde nang walang pag-apruba sa Sangguniang Bayan.

Lumilitaw na loan ang perang ibinigay sa RBA ngunit nabigong magbayad si Moralde dahil nasira din umano ng bagyong Frank ang itinayong negosyo.

Si Loot ay maybahay ng dating police general na si Vicente Loot na matatandaan pinangalanan ni Pangulong Rodrigo Duterte na sangkot sa illegal drugs operation.

 

 

 

Please follow and like us:
Read More

DEPED NAGLULUKSA SA 11 PUPILS NA NAMATAY SA AKSIDENTE

CEBU

(NI MAC CABREROS)

NAGPAABOT ng pakikiramay ang Department of Education (DepEd) sa pamilya ng 11 katao karamihan ay mga batang estudyante sa aksidente sa Boljoon, Cebu nitong Biyernes.

“We  extend our sincerest condolonces to the bereaved families,” ayon sa DepEd sa statement.

Sa ulat, galing sa Nangka Elementary School at San Antonio Integreated Elementary Schools ang mga estudyante, magulang at dalawang guro patungo sa pagdiriwang ng ‘Health Week’ ng nasabing bayan nang maaksidente ang kanilang sinakyang dump truck at nahulog sa bangin.

Ang truck ay hiniram lamang ng mga guro sa Pamahalaang Bayan ng Boljoon.

Masusing binabantayan ng mga awtoridad ang kalagayan ng mga nasugatan na dinala sa ospital kung saan ginagawan ng paraan ng Regional Office na matustusan ang gastos ng mga ito.

Hinikayat din pamunuan ng DepEd sa mga kinauukulan ng laging isalang-alang ang kakapanan ng mga bata kapag gumawa ng out-of-school activities.

Please follow and like us:
Read More

EX-COP, 3 ESCORT PATAY SA TANDEM

cebu1

(NI JESSE KABEL)

 

MASUSING sinisiyasat ngayon ng Cebu Provincial police Office ang kaso ng pamamaril ng riding-in-tandem gunmen na ikinamatay ng apat na katao kabilang ang isang dating pulis.

Sa ulat ng Mandaue PNP,  kinilala ang mga napaslang na sina Adrian Cabinelas, Joel Cabardo, dating pulis na si Herodias Herbieto, at isang wala pang pagkakakilanlan.

Pawang idineklrang dead on arrival sa pagamutan ang apat makaraang silang pagbabarilin ng dalawang hindi pa nakikilalang suspek na sakay ng motorsiklo, Biyernes ng hapon.

Hinihinalang binuweltahan ng kanyang mga kalaban si Herbieto na kalalabas lamang ng piitan matapos na maglagak ng piyansa sa Mandaue City Hall of Justice.

Si Herbieto ay nahaharap sa kasong illegal possession of firearms sa Mandaue City Hall of Justice, habang mga kinikilang gun-for-hire umano at drug user din ang mga kasama nito, ayon sa ulat ng pulisya.

“Itong ex-police siga sa kanila, kinakatakutan dahil may mga baril. Samantala itong dalawa na nakilala, may record na gumagamit ng drugs. Miyembro din sila ng gun-for-hire dito sa Cebu. Iimbestigahan natin kung involved din ba ang ex-police sa drugs,” sabi ni SPO3 Emerito Sansan.ayon sa Mandaue PNP .

Sa pagsisiyat lulan ng  motorsiklo si Herbieto at angkas ang kaniyang asawa na nakaligtas s apamamaril kung saan pauwi n asana sila sa Barangay Cabangahan .

Habang nagsilbi naming escort ng ex police ang tatlo pang biktima na  magkaka-angkas sa isa pang motorsiklo.

Bukod sa asawa ni Herbieto, nangangalap pa ang pulisya ng karagdagang saksi para makilala ang gunmen at motibo sa pananambang.

 

Please follow and like us:
Read More

REP. GARCIA ‘DI PWEDENG UMALIS NG PINAS

GARCIA100

(NI TERESA TAVARES)

PINAGTIBAY ng Supreme Court ang kautusan ng Sandiganbayan na nagbabawal kay Cebu Representative Gwendolyn Garcia na makalabas ng bansa.Sa desisyon ng SC Second Division, ibinasura ang petisyon ni Garcia na kumukuwestyon sa hold departure orders (HDO) na inilabas ng Sandiganbayan laban sa kaniya bunsod ng kinakaharap na kasong graft at technical malversation hinggil sa maanomalyang pagbili ng 25 hektaryang lote sa Naga, Cebu nang siya ay gobernador pa.

Kumbinsido ang SC na walang merito ang argumento ni Garcia na hindi balido ang mga HDO laban sa kaniya dahil inisyu ang mga ito bago pa man siya gumawa ng lahat ng legal na paraan.

Patuloy na dinidinig ng Sandiganbayan ang kaso hinggil sa maanomalyang pagbili umano ni Garcia ng 25 hektaryang lote sa Tiga-an, Naga, Cebu noong siya ay gobernador para sa human settlement at seaport project. Gayunman nadiskubre sa land survey na 19.67 hektarya ng naturang property ay lubog sa tubig at hindi mapapakinabangan.

Inihayag din ng SC na hindi umabuso sa tungkulin ang Sandiganbayan nang ibasura nito ang apela ni Garcia na alisin ang travel ban laban sa kaniya.

 

Please follow and like us:
Read More

APELA NI REP. GARCIA IBINASURA NG SANDIGAN

garcia1

IBINASURA ng Sandigan ang mosyon ni Cebu Representative Gwendolyn Garcia na idismis ang kanyang kaso sa umano’y maanomalyang pagbili ng 25-ektaryang lupa noong gobernador pa siya.

Sa resolusyon, bumoto ang second division ng 3-2 sa pagresolbang kumokontra sa apela ni Garcia dahil sa kakulangan ng merito.

Si Garcia ay lumabag sa anti-graft and corrupt practices at kinasuhan ng malversation dahil sa pagbili sa 24.92 Balili property sa Tiga-an, Naga Cebu noong 2008 para sa sinasabing human settlement and seaport project.

Binili umano ang beachfront lot ngunit napatunayan ng Department of Environment and Natural Resources na ang 19.67 ektarya ay lubog sa tubig at hindi maaari sa planong proyekto.

Please follow and like us:
Read More

PDEA: MAG-INGAT SA PARTY DRUGS

party

(NI CARL REFORSADO)

PINAG-IINGAT ng Philippine Drug Enforcement Agency (PDEA) Central Visayas Region ang mga kabataang party goers sa mga iniinom nila sa mga pinupuntahang bars o mga public parties upang hindi mabiktima ng mga kumakalat na mga party drugs na maari nilang ikamatay.

“Dapat careful sila sa kung ano ang iniinom nila sa mga bars. Pag may na-notice sila na suspicious activities, i-report nila agad sa police para marespondehan,” pahayag ni Atty. Wardley Getalla, PDEA 7 director.

Ayon pa kay Atty. Getalla, may mga impormasyon sila na mayroong  mga bagong klase ng party drugs na pumasok sa bansa kabilang ang isang tinatawag na “strawberry meth”, na ayon sa director ay nagmula sa Amerika, na kadalasang ibinibigay sa mga kabataan at hindi namamalayan na ito ay iligal an droga.

Dagdag pa ng opisyal, hindi mo aakalaing may halong malakas na iligal na droga ang iyong iniinom dahil ito ay inihahalo sa mga juice na kadalasan ay strawberry juice upang madali itong maibigay sa mga biktima sa mga party.

Ang babala ng PDEA 7 ay matapos ang naganap na pagkamatay ni Ashley Avila Abad, 19, matapos itong bigla na lang mag-collapse matapos makainom ng juice na may halong party drugs sa isang concert ng Plus63 sa Cebu Business Park noong Sabado, Enero 19.

Nakuha pang isugod sa Perpetual Succor Hospital ang biktima subalit nasawi din ito makalipas ang ilang oras at base sa resulta ng doctor ay overdose sa iligal na gamot ang ikinamatay ng dalaga.

Ayon pa kay Atty. Getalla, ngayon ay hindi na uso ang pagpapakalat ng pure form ng ecstasy kundi nagsasagawa na din ng mga eksperimento ang mga drug dealer kung paano ito ihalo sa ibat ibang klase ng inumin.

“Iba-iba yan kasi. May iba diyan na minimix nila para may different effect. May mga ecstasy na nakakaincrease ng sexual activity, depende sa ginamit na metamphetamine,” saad nito.

Paliwanag pa ng opisyal na  ang mga hindi gumagamit ng iligal na droga na bigla na lang makakatikim nito ay mataas umano ang tsansang mamatay sa overdose katulad na lang ng nangyari kay Abad, dahil ang kanilang katawan ay hindi pa nakakaranas ng ganoong klase ng iligal na droga na kanilang ikinamamatay.

Ilan sa mga indikasyon ng overdose ng paggamit ng iligal na droga ay ang biglang pagtaas ng heart rate at pagtaas ng blood pressure na kadalasang nauuwi sa cardiac arrest.

“Dapat talaga mag-ingat sila kapag pumupunta sila sa mga bars kasi hindi talaga natin alam kung kailan tayo magiging biktima. Iwasan nalang natin tumanggap ng kahit anong inumin o pagkain sa mga di natin kilala o kaya sa mga taong alam natin na gugmagit ng droga,” payo ni Atty.Getalla.

 

 

Please follow and like us:
Read More

CEBUANO NANALO NG P239-M SA LOTTO

lot

NAKUHA ng nag-iisang winner na taga Cebu ang mahigit sa P239 milyon nang manalo sa kombinasyon ng Grand Lotto 6/55 ng Philippine Charity Sweepstakes Office (PCSO) Lunes ng gabi.

Sa kanilang Facebook page ng Martes, sinabi ng PCSO na ang winning combination ng 17-07-38-08-05-10 sa January 21 daw ay nasungkit ng nag-iisang winner at kukumbra ng P239,204,944.

Ang winning bet ay tinayaan sa Lucky Circle Corp outlet sa SM City, Cebu.

Please follow and like us:
Read More

BINANGGA SA DROGA VS LADY PROSECUTOR SLAY

lady

TINUTUTUKAN ngayon ng pulisya ang anggulong personal na galit at pagbangga sa malalaking isda sa droga  nang pagbabarilin at mapatay ang dating Cebu City prosecutor na si Mary Ann Castro.

Si Castro ay tinambangan Huwebes ng gabi sakay ng kanyang dilaw ni kotse sa kahabaan ng Escario St., Barangay Kabutao.

Sinabi ng pulisya na dati nang aktibo sa trabaho si Castro sa pagpapakulong sa mga drug-related cases noong prosecutor pa siya. Limang tama ng bala sa katawan at isa sa leeg na posibleng pumatay sa kanya.

Kasabay nito, mahigpit na kinondena ng Integrated Bar of the Philippines (IBP) Cebu Chapter ang pananambang.

Sinabi ni Mundlyn Martin, president na umaasa silang hindi matatabunan ang kaso ni Castro na umano’y isang matuwid at matatag sa kanyang panunungkulan at itinuturing na isa sa mga iginagalang na abogado sa lalawigan.

“Umaasa kami na hindi mapapabilang ang kaso ni Castro sa ilan na hindi na nalutas hanggang ngayon,” sabi pa ni Martin.

Please follow and like us:
Read More