HUSBAND-TO-BE NEIL PROUD KAY PHILANTROPIST ANGEL

0

(NI ASTER AMOYO)

ANG pagiging matulungin ng actress na si Angel Locsin ay hindi lamang ang mga kababayan niya ang nakakaalam kundi ito’y umabot na rin  sa kaalaman ng Forbes Asia Magazine para siya’y mapabilang sa 30 listahan ng mga kinilalang pilantropo ng buong Asya na kinabibilangan din ng Chinese-Filipino  business tycoon na si Hans Sy, ng Indian business tycoon na si Azim Premji, ng Australian billionaire na si Judith Nielson at ang Chinese tycoon na si Jack Ma at iba pa.  Ang mapahanay lamang sa mga prominenteng pangalan ay isa nang malaking karangalan para kay Angel.

Ang pagiging aktibo ni Angel sa pagtulong sa mga biktima ng iba’t ibang kalamidad ay hindi lingid sa kaalaman ng kanyang mga kababayan na ang pinaka-latest ay yung mga biktima ng lindol sa Mindanao.

Hindi dumalo si Angel sa 2019 ABS-CBN Ball last September at sa halip ay ibinigay niya ang kanyang pambili ng mamahaling gown sa Bantay Bata na siyang beneficiary ng ABS-CBN Ball.  There was also a time na ipina-auction ni Angel ang kanyang mamahaling vintage car para lamang makatulong  sa mga biktima ng bagong Yolanda sa Eastern Visayas.  Ito’y ilan lamang sa magagandang deeds na ipinamalas ni Angel at kasama na rito ang mga mga biktima ng giyera sa Marawi.

Ilan kaya ang katulad ni Angel sa loob at labas ng industriya na may ginintuang puso na makatulong  sa mga biktima ng iba’t ibang kalamidad?

Siyempre pa, very proud kay Angel ang kanyang soon-to-be husband na si Neil Arce dahil sa pagiging matulungin nito.

BOX OFFICE HIT THREE DAY WAKE

Kumbaga sa pelikula, box office hit  ang tatlong araw na lamay sa ina ng King of Talk na si Boy Abunda na si Gng. Licerna Abunda o Nanay Lising na sumakabilang-buhay nung madaling araw ng December 1, one month short sa kanyang ika-91st birthday on January 1, 2020.  Dito nakita kung gaano ka-well-loved ng mga tao (in and out of showbiz) si Boy na nagpakita ng kanyang sobrang pagmamahal sa kanyang namayapang ina.

Cremated na si Nanay Lising nang magkaroon ng three-day wake sa Arlington  at pagkatapos nito ay dadalhin  sa araw na ito ng Huwebes ang kanyang urn sa Borongan City, Eastern Samar para magkaroon doon ng tatlong araw na wake bago ang final inurnment.

Sobrang devastated si Boy sa paglisan ng kanyang pinakamamahal na ina. Pero ipinakita pa rin niya ang kanyang pagiging professional sa kanyang trabaho dahil nakuha pa rin niyang makapag-taping sa kanyang “Tonight with Boy Abunda” at sa kanyang “Bottomline” habang nakaburol ang ina at bumabalik siya sa wake after ng taping.

Alam ng publiko kung gaano kamahal ni Boy ang ina na siyang naging inspirasyon niya para magsulat ng libro na pinamagatang “Make Your Nanay Proud” na siya rin niyang paalala sa closing ng kanyang TWBA.

Naulila ni Nanay Lising hindi lamang si Boy, kundi maging ang nakatatandang kapatid nitong si Eastern Samar representative Maria Fe Abunda at pamangkin na si Lani.

FIRST NOBLE QUEEN OF THE UNIVERSE

Ang singer-actress-entreprener at beauty queen na si Patricia Javier ang tinanghal na kauna-unahang Noble Queen of the Universe 2019 sa coronation night na ginanap sa Grand Ballroom ng Manila Hotel nung nakaraang linggo, December 1 ng gabi.  Bukod sa crown, sash at trophy, si Patricia rin ang tumanggap ng apat pang special awards at kasana ma rito ang Best in National Costume, Ms. Ever Bilena, Darling of the Press.  Ang iba pang winners ay binubuo nina Marie France Imelda Papin Carrion or Maffi as Noble Queen International, Beau Singson Villanueva (Australia) as Noble Queen Globe, Anna Rabtsun Baylosis (Russia) as Noble Queen Tourism at si Jill Chapman (West Coast – USA) as Noble Queen Earth. Ang mga runners up ay sina Rtichell Catt (Guam) – 1st runner up at si Sylvia Kim (Korea) bilang 2nd runner up.

Bago ang Noble Queen of the Universe, si Patricia rin ang tinanghal na Mrs. Unvierse  Philippines pero hindi na siya lalaban sa international competition dahil sa conflict ng schedule.

Nakatakda kasi siyang umalis with her family patungong San Diego, California at ang international competition ay nataon sa kanilang family Christmas vacation sa Amerika.  Kaya ibang kandidata na ang kakatawan ng Pilipinas sa Mrs. Universe competition na gaganapin sa China.

Hindi man nanalo si Patricia nung itong sumali sa Bb. Pilipinas in 1994, dalawang magkasunod na crown naman ang kanyang nakuha kung kelan isa na siyang misis at may dalawang anak.

Patricia is married to an American chiropractor na si Doc Rob Walcher at meron silang anak na parehong lalaki, aged 12 and 8.

The couple owns three chiropractic clinic in Quezon City, Makati at Alabang at katuwang si Patricia sa pagpapatakbo ng kanilang clinic.

 

Read More

BELA PADILLA HAPPY FOR EX-BF NEIL ARCE

bella12
0

SA  isang Q&A sa kanyang Instagram account kamakalawa (Wednesday night), kinampante nito ang mga fans niya na okay lang siya matapos lumabas ang balitang engaged na ang ex-boyfriend niyang si Neil Arce kay Angel Locsin.

May nagtanong kasi na, “How’s your heart knowing that your ex is already engaged?” Ang sagot ni Bela: “Why would you assume that I’m affected? I’m happy for them.”

Apat na taon ang naging relasyon nina Bela at Neil na nagwakas noong early 2017. Nagkasama si Bela at ang writer at producer na si Neil sa mga pelikulang Luck at First Sight at Camp Sawi.

Read More

KRIS TO ANGEL: ‘NINANG PA RIN BA AKO?’

angel1
0

NANG mag-viral kamakalawa ang posts ng aktres na si Angel Locsin at ng movie producer na si Neil Arce tungkol sa kanilang engagement, maraming taga-showbiz ang nag-comment sa posts nila.

Isa na rito si Kris Aquino. “Ninang pa rin ba ako?” tanong niya kay Angel. Sinagot naman ito ni Angel ng, “Yes please ate!!! Please be our ninang!”

Biniro pa ni Kris si Angel na mukhang pinaghandaan niya ang proposal dahil ang “fabulous” daw ng mga kuko nito. Sinagot ito ni Angel ng, “Ayokong ma-bash mo ninang! Hahaha! Love you ate!” Matatandaang noong sina Angel at Luis Manzano pa, sinabi ni Kris sa isang episode ng “Kris TV” na “future ninang” na ang tawag sa kanya ni Angel.

Read More

ANGEL BINIGYAN NG ‘BEST BIRTHDAY GIFT’ SI NEIL

angel200
0

(NI LOURDES C. FABIAN)

BINIGYAN ni Angel Locsin ng isang special birthday party ang kanyang film producer boyfriend na si Neil Arce, na nagdiwang ng kanyang kaarawan noong Sunday, March 17. In a series of Instagram Stories, diretsahang sinabi ni Angel kay Neil that he deserves nothing but the best.

“Happy birthday to the sweetest person I know. Happy birthday, my love,” pagbati niya.

Dumalo ang mga kaibigan nila sa showbiz tulad nina Dominic Roque, Barbie Imperial, Sarah Lahbati, Richard Gutierrez, Rico Blanco and film director Joyce Bernal.

Sobrang happy ni Neil sa inorganize na party ni Angel. Na-appreciate niya nang sobra ang effort ng kanyang lady love kaya laking-gulat niya na may isa pa palang pasabog si Angel. Bukod sa party ay may bongga pa siyang gift. Niregaluhan ni Angel ang boyfriend ng golf cart worth over 350k, which Neil described as the “best birthday gift.”

Ang sarap palang magmahal ng General’s Daughter dahil gusto niyang masiguro na magiging masaya ang kanyang boyfriend on his birthday.

Sa kanyang Instagram stories, Angel shared clips of Neil’s birthday party as guests sang happy birthday for him.

At para ipakita ang kanyang appreciation at pasasalamat kay Angel, Neil posted a photo with Locsin on his Instagram page and wrote: “I usually don’t like smiling during photos but how can I not smile beside this one 🙂 thanks for organizing the party my love!”

Matatandaang noong February last year lang nang aminin ni Angel that she and Arce are officially a couple.

***

KINASUHAN ng ina ni Darren Espanto na si Marinel Gonzales-Espanto ng cyber libel si JK Labajo dahil sa mga ipinost nito laban sa anak.

Nagalit ang parents ni Darren sa ginawa ni JK at hinintay lang daw nila ang pagtuntong ni JK ng 18 last February 5, 2019 para puwede nang sampahan ng kaso. Alam na ni JK ang balak na pagsasampa ng kaso kaya napikon na raw ito nang paulit-ulit siyang sigawan ng “I love you, Darren!” sa Rakrakan 2019 musicfest noong Marso 1, Biyernes, sa Circuit Makati.

Ngayon ay maliwanag na kung bakit ganun na lang ang galit ni JK at kung bakit ayaw  niyang marinig ang pangalan ni Darren. May malalim naman palang pinanggagalingan ang galit na kimkim niya kay Darren. Pero hindi rason iyon para magmura siya at mag-dirty finger.

Ngayong may kaso na laban kay JK,  ganun pa rin kaya siya katapang at kagaspang na magsalita once magharap na sila ni Darren sa korte?

Magkalinawan na sana at magkaayos ang magkabilang panig at mapakiusapan niya ang mga magulang ni Darren na iurong na ang demanda laban sa kanya at magkapatawaran na lang.

Read More