ARESTADO ang 13 katao makaraang mahulog sa bitag ng mga tauhan ng Station Drug Enforcement Unit ng Manila Police Station 3 sa inilatag na buy-bust operation sa Quiapo, Manila, noong Miyerkoles ng gabi.

Kumagat sa P500 halaga ng marked money ang mga suspek na kinilalang sina Peter Paul Lim y Misal, 32; Akmad Mamumasaragat y Maute, 29; Rozendo Oloy y Evangelista, 42; Manuel Cordero y Bebeng, 32; Rowena Salustiano y Lawson, 52; Reynilda Dollente y Narvaez, 58; Analyn Singgon y Lomabao, 36; Rusan Dela Rosa y Sabordo, 33; Marissa Meneses y Pleno, 37; Irene Calderon y Acay, 43; Raymart Monesit y Calipayan, 36; Mohammad Bombalo y Soungan, 38, at John Paul Baquizan y Madrigal, 38-anyos.

Batay sa ulat na isinumite ni P/Major Pidencio Saballo, hepe ng SDEU, kay P/Lt. Col. John Guiagui, commander ng MPD-Station 3, bandang alas-8:00 ng gabi noong Miyerkoles nang ilatag ang buy-bust operation sa panulukan ng Carlos Palanca Sr. at Carriedo streets, sakop ng Brgy. 306 sa Quiapo na nagresulta sa pagkakadakip kay Lim at 12 iba pang mga suspek.