INANUNSIYO ni Quezon City Police District (QCPD) Director, Police Brigadier General Danilo P. Macerin ang pagkakadakip sa 13 wanted persons, kabilang ang top 8 MWP ng Kamuning Police Station (PS-10), sa Quezon City noong Huwebes.

Kinilala ni P/BGen. Macerin ang top 8 most wanted person na si Zally Joy Dacoco, 33, nadakip noong Pebrero 4 sa #78 Everlasting St., Brgy. Central.

Si Dacoco ay may nakabinbing warrant of arrest para sa slight physical injuries, na inisyu ni Hon. Roslyn M. Rabara-Tria, presiding judge ng Branch 94, RTC, Quezon City.

Sinilbihan din ng PS-10 ng warrant of arrest si Rensan Rondina, 18, noong Pebrero 4, para sa kasong serious physical injuries, na inisyu ni Hon. Josephus Joannes H. Asis, presiding judge ng Branch 40, MTC, Quezon City.

Huli sa La Loma Police Station (PS-1) si Kristianne Angelie Obaña, 32, noong Pebrero 4, sa #129 Panalturan St., Brgy. Manresa dahil sa kasong paglabag sa PD 1602 o Anti-Gambling Law.

Lagdag sa Talipapa Police Station (PS-3) si Nolito Baluyo, 56, noong Pebrero 4, sa Tandang Sora Ave., Brgy. Tandang Sora, dahil sa kasong paglabag sa RA 7610 o Special Protection of Children Against Abuse, Exploitation and Discrimination Act.

Inaresto ng PS-3 si Rodolfo Caldito, 31, noong Pebrero 4, dahil sa kasong paglabag sa BP 882 at RA 7166.

Si Joel Maglanit, 53, ay nahuli noong Pebrero 5 sa Quirino Highway, Brgy. Talipapa dahil sa kasong murder sa Cagayan de Oro City.

Arestado ng Novaliches Police Station (PS-4) si Redentor Sunga, 35, noong Pebrero 4, sa Novaliches Public Market sa General Luis, Brgy. Nova Proper, Novaliches, dahil sa kasong paglabag sa PD 1602 o Anti-Gambling Law.

Nadakip naman ng Cubao Police Station (PS-7) si Norissa Malinao, 24, noong Pebrero 4, sa Banahaw St. corner Benitez St., Brgy. San Martin De Porres, Cubao, dahil sa kasong paglabag sa RA7610 (child abuse).

Laglag din sina Raymond Villanueva, 38, sa kasong reckless imprudence resulting in physical injury; Elizabeth Farinas, 55, two counts ng BP 22 o Bouncing Check Law; Nonoy Tabianan, 32, slight physical injuries; Myrna Libunao, 70, sa kasong paglabag sa RA 10606 o National Health Insurance Act of 1995; at Wane Jay Joy Pabas, 23, dahil sa kasong estafa through falsification of a commercial document. (JOEL O. AMONGO)