Day: December 5, 2022

SA kabila ng paghihigpit na ipinatutupad ng Bureau of Customs (BOC), nagawa pa rin ng isang sindikato maipuslit sa bansa ang hindi bababa sa P30 milyong halaga ng puting sibuyas na pangunahing sangkap sa mga pagkaing ihahanda sa nalalapit na Pasko at Bagong Taon. Gayunpaman, tiniyak ng pamunuan ng BOC na agad na bubusisiin ang onion smuggling sa isang imbestigasyon, kasabay ng pagtitiyak na pananagutin ang mga responsab­le sa naturang bulilyaso. Kasama ang Department of Agriculture (DA), DA Wide Field Inspectorate (WFI), Bureau of Plant Industry (BPI) at Philippine Coast…

HINDI pa tapos ang isinasagawang imbestigasyon kaugnay ng bigong tangkang pagpupuslit ng nasa P80-milyong halaga ng iba’t ibang klase ng alahas sa Ninoy Aquino International Airport (NAIA) nito lamang nakaraang buwan. Sa isang eksklusibong panayam, sinabi ng isang mapagkakatiwalaang impormante na matagal nang kalakaran ang operasyon ng isang sindikatong binubuo ng mga negosyante at gumagamit ng mga airline personnel sa jewelry smuggling. “Matagal na ‘yan. ‘Yung nangyari nu’ng November, hindi ‘yan ang unang pagkakataon na nagparating sila ng mga alahas. Nagkataon lang na nabulaga sila ng mga awtoridad,” sambit ng…

BULILYASO sa mga alistong kawani ng Bureau of Customs (BOC) ang panibagong tangkang pagpupuslit ng nakamamatay na gagamba sa Ninoy Aquino International Airport kama­kailan. Sa kalatas ng BOC, 23 tarantula na idineklara bilang “snacks and other foodstuffs” ang nasabat sa Central Mail Exchange Center. Sa imbestigasyon, lumalabas na isang consignee mula sa Lungsod ng Makati ang umangkat ng mga nakalalasong gagamba mula pa sa bansang Vietnam. Agad namang inilipat ng BOC-NAIA ang kustodiya ng 23 tarantula sa Department of Environment and Natural Resources (DENR) para sa angkop na pangangalaga. Pagtitiyak…

SA hangaring wakasan ang pagpasok ng droga sa ga­wing katimugan ng bansa, isang makabago at pinalakas na Port Control Office (PCO) ang ibinida ng Bureau of Customs – Port of Davao (BOC-Davao) kamakailan. Sa pormal na pasinaya ng BOC-Davao sa “bagong tanggapan,” tiniyak ni District Collector Erastus Sandino Austria na pagtutuunan ng kanyang nasasakupang distrito ang kampanya kontra droga ng administrasyong Marcos. Kabilang sa mga dumalo at nagpahayag ng suporta sa makabagong PCO ang mga kinatawan mula sa United Nations Office on Drugs and Crime (UNODC) at World Container Control…

Ni JOEL O. AMONGO MAHABA-HABANG bakasyon sa likod ng malamig na rehas ang salubong ng Bureau of Customs (BOC) sa pagpasok ng bagong taon para sa mga sindikato sa likod ng mga puslit-kontrabando – at ma­ging sa hanay ng mga tiwali sa gobyerno. Pagtitiyak ni Customs Commissioner Yogi Filemon Ruiz, kilala na niya ang mga tao sa likod ng mga illegal smuggling activity sa iba’t ibang sulok ng bansa, kasabay ng babala sa napipintong pag-aresto sa smugglers na nasa kanyang talaan. Gayunpaman, nilinaw ni Ruiz na may pagkakataon pa naman…