Makikita sa larawan sina (mula kaliwa-kanan) Pilipinas Global Network President at CEO Ernesto D. Sta. Maria, Jr.; Meralco PowerGen-Global Business Power (MGEN-GBP) EVP at COO Dominador M. Camu, Jr.; USNC EVP for Global Strategy Roland Backhaus; Meralco EVP at COO Ronnie L. Aperocho; Pangulong Ferdinand Marcos Jr.; USNC CEO at Founder Dr. Francesco Venneri; USNC Senior Advisor Amb. John A. Bohn; Vesticom, Inc. CEO Ramon Jose A Cruz.

Lumagda ng kasunduan ang Manila Electric Company (Meralco), ang pinakamalaking distribution utility sa bansa, at ang Ultra Safe Nuclear Corporation (USNC) para sa isang pre-feasibility study upang lubos na mapag-aralan ang potensyal ng paggamit ng Micro-Modular™ Reactor (MMR®) Energy Systems sa Pilipinas. Ang pormal na pirmahan ng kasunduan ay nasaksihan ni Pangulong Ferdinand Marcos Jr. kasabay ng ika-30 Asia Pacific Economic Cooperation Summit sa Estados Unidos.