SINA Mayor Honey Lacuna at Vice Mayor Yul Servo (from left) kasama sina SAH Director Dr. Grace Padilla at JASGH Director Dr. Merle Sacdalan-Faustino.

TUMANGGAP ng karangalan ang tatlo sa district hospitals na pinatatakbo ng city government of Manila mula sa Department of Health (DOH) dahil naabot nito ang best practices bilang ‘Green and Safe’ health facilities.

“We in the City of Manila are grateful to the DOH for this unique acknowledgement of our efforts to keep our health facilities green and safe and environmentally-friendly,” pahayag ni Manila Mayor Honey Lacuna.

Pinuri ng alkalde ang mga director ng tatlong city government-owned hospitals na tumanggap ng karangalan mula sa DOH sa katatapos na Green Viability Awards.

Ang mga recipients ng nasabing karangalan mula sa DOH ay ang Sta. Ana Hospital (SAH) sa pamumuno ni director, Dr. Grace Padilla; Justice Jose Abad Santos General Hospital (JJASGH) sa pamumuno ni Director Dr. Merle Sacdalan-Faustino at Ospital ng Maynila Medical Center (OMMC) sa ilalim ni Dr. Aileen Lacsamana.

Ang tatlong ospital ay tumanggap ng plaques of recognition sa isinagawang seremonya sa Clark, Pampanga.

Binati ni Lacuna ang parehong JJASGH at OMMC na nakakuha ng apat na green stars habang ang SAH ay tumanggap ng tatlong green stars.

Nabatid na ang nasabing awards ay ibinibigay sa mga ospital na nakapag-aambag sa green, safe and climate resilience environment sa isang ospital. (JESSE KABEL RUIZ)