SUPORTADO nina Health Secretary Francisco Duque III at Finance Secretary Carlos Dominguez III ang panukala sa Senado na ilipat ang PhilHealth Board chairmanship.
Sa Senate Bill No. 1829 na inihain ni Senate President Vicente ‘Tito’ Sotto III, nais amyendahan ang Section 13 ng Universal Health Care Act at itatalaga ang kalihim ng Department of Finance bilang chairman ng PhilHealth Board kapalit ng Health secretary.
Nakasaad din sa panukala na dapat laging present ang Finance secretary sa lahat ng board actions at hindi maaaring katawanin ng ibang representante.
“Considering the urgent need to ensure that the Board implements efficient fund management for PhilHealth, we welcome the proposal to strengthen fiscal management measures that should be made possible though chairmanship by the Secretary of Finance,” saad ni Duque.
Sinabi naman ni Dominguez na napapanahon ang panukala dahil sa mga pangyayari sa PhilHealth sa gitna ng krisis dulot ng COVID-19.
“The Secretary of Finance sits on about a hundred boards and committees and really the task of this job is overwhelming. However, if that is the wish of the legislature, we have no choice but to implement it,” saad ni Dominguez.
Kailangan anyang unang gawin sa PhilHealth ay tapalan ang mga nakikitang butas sa pamamahala sa pondo upang hindi masayang.
Inihayag ng dalawang kalihim ang kanilang suporta sa panukala sa isinagawang hearing ng Senate Committee on Health. (DANG SAMSON-GARCIA)
155 
