MULING kinalampag ni Senador Grace Poe ang Philippine Health Insurance Corp. (PhilHealth) sa multi-milyong utang nito sa ilang daang pagamutan dahil kundi ito maisasagawa sa lalong madaling panahon, mababalaho ang pagtugon sa pandemya.
Sa pahayag, sinabi ni Poe na lumobo ang bayarin ng PhilHealth sa Western Visayas lamang kabilang ang Iloilo City na umabot sa P800 milyon ang hinahabol na utang ng ahensiya sa ospital at laboratory.
“PhilHealth should pay up. Hospitals are battlegrounds in this fight against COVID-19. They need what’s due to them, especially in this time when a number of them are overwhelmed with patients due to the recent surge of infections,” ayon kay Poe.
Nagpadala na din ng SOS sa pambansang pamahalaan ang mga local executive sa naturang lugar sa kakulangan ng hospital beds, umuunting medical staff, kakulangan ng suplay ng bakuna at kakapusan ng gamot at makupad na pagbabayad ng PhilHealth.
“Being reimbursed of their rightful claims would capacitate hospitals to fully respond to the needs of their patients – both COVID-19 and non-COVID-19,” giit ni Poe.
Sinabi ni Poe na utang ng PhilHealth sa kanilang miyembro na dapat matugunan ang hamon na bumabalot sa sistema ng pagbabayad sa ospital.
Ipinatupad ng state health insurer ang Debit-Credit Payment Method simula noong Abril upang mapabilis ang pagbabayad sa utang at matiyak na tama ang lahat ng health claims.
Ayon kay Poe, dapat rebyuhin ng management ng PhilHealth ang bagong sistema upang matukoy kung mabilis at episyente ito.
“Lives are on the line every day. The people should be able to rely on the promises of the state health insurer amid the health crisis,” ayon kay Poe. (ESTONG REYES)
124 
