SINIMULAN na ng Quezon City government ang paglalagay ng tamper-proof security seals sa vaccination cards ng QCitizens kasunod ng kanilang second doses, para matiyak na hindi mapepeke ang cards at hindi magkamali para sa mga tunay o orihinal na may-ari nito.

Ang rollout ay nagsimula noong Hulyo 9 sa anim na vaccination sites na naka-schedule para sa pagsasagawa ng second doses sa 4,000 individuals, at magpapatuloy hanggang ang national government ay magsimula na sa pagpapatupad ng kanilang centralized vaccination certification system.

Ang nasabing hologram seal ay countersigned ng authorized representative ng Task Force Vax to Normal.

“The security seal certifies that vaccination cards presented by their bearers as proof of having been fully vaccinated are authentic,” ani Mayor Joy Belmonte.

Ang posibilidad na panloloko ay tumaas dahil sa ipagkakaloob na mga insentibo tulad ng discounts at free products na ibinibigay sa fully vaccinated individuals.

Nauna rito, ang vaccination cards ay kailangan para sa interzonal travel sa Local Government Units (LGUs) sa iba’t ibang lugar sa bansa.

“Apart from a vaccination certificate for travel or work, which the Quezon City Health Department also issues, the tamper-proof security seal guarantees that vaccination cards presented for whatever purpose are genuine. Now that interzonal travel for fully-vaccinated individuals is being relaxed and more merchants are offering discounts to vaccinated individuals, our goal is to ensure that our QCitizens will have easier access to places and services,” ani Belmonte.

“The original purpose of the city-issued vaccination card was merely to provide the necessary information related to an individual’s vaccination, such as the date of the second dose, the vaccine brand administered, and who administered it; but given the delay in the rollout of vaccine passes or a centralized vaccination certification system by the national government, we are in the interim, putting in place measures to make the vaccination cards more secure, especially for those requiring this for travel, work, and other purposes,” ayon naman kay Quezon City Vax To Normal Co-Chair Joseph Juico.

Kasabay nito, sinabi ni Mayor Belmonte ang valid photo-bearing IDs ng fully vaccinated persons ay kailangang ipakita sa restaurants, shops, at malls kasama ng kanilang cards para matiyak na ang nasabing cards ay hindi maipapasa sa ibang hindi bakunadong tao na nagtatangkang makakuha ng insentibo o sa layuning makapagbiyahe.

Tiniyak din ng city government na may affix security seals sa cards ng nasa 240,000 fully vaccinated individuals na nakatanggap na ng kanilang second doses bago pa ang rollout ng security seal na kailangan ng bawat isa.

Para maiwasan ang maraming tao at paglabag sa health protocols, isang staggered system ang ipatutupad para maabot ito.

Ang first batch ay ang nakatanggap ng kanilang second doses noong buwan ng Abril.

Kaugnay nito, hiniling na magtungo ang mga bakunado sa Century Hall ng Quezon City Memorial Circle mula Hulyo 12 hanggang 23.

Prayoridad nito na mabigyan ang may nakabinbin na domestic o international travel.

Ang schedules ay inilaan para sa fully vaccinated noong buwan ng Mayo at Hunyo.

Ang nangangailangan ng seal-bearing vaccination card ay dapat magdala ng kanilang valid ID. Ang authorized representative naman ay kailangan magdala ng valid ID ng kanilang bedridden o senior citizen family member.

Kasabay nito, hinikayat ni Belmonte ang business establishments na tandaan ang seal-bearing vaccination cards na kailangang ipakita sa kanila bilang valid proof of authenticity, lalo kung ipakikita nila ang kanilang QCitizen ID o anomang valid ID. (JOEL O. AMONGO)