Ni ANN ENCARNACION
MALABONG makapaglaro sa Gilas Pilipinas Women para sa 2021 Fiba Women’s Asia Cup sa Amman, Jordan si Pilipina big Jack Animam.
Ito’y matapos niyang tanggapin ang offer ng Serbian team Radnicki Kragujevac para maglaro sa 2020-21 First Women’s Basketball League.
Inanunsyo ng Pinay at kanyang handler East West Private ang balita Lunes ng gabi via virtual press conference.
“I’m just so happy, proud and honored that you know I’ve come this far. I just can’t thank (enough) my support group, the EWP, the people behind this,” sabi ng 22-anyos na si Animam.
“It’s so overwhelming right now. I’m just super excited. I can’t thank enough the team for giving me this opportunity. I just can’t wait to go out there and play with them,” dagdag niya.
Nakuha ng 6-foot-5 na si Animam ang atensyon ng Serbian team at iba pang international leagues nang magpasiklab ito sa UAAP at 30th Southeast Asian Games.
Matapos ito ay naglaro siya sa Taiwan kung saan tinulungan niya ang Shih Hsin University na masungkit ang kampeonato sa University Basketball Association (UBA).
Nagpakitang gilas din si Animam sa Atlanta Entertainment Basketball League (AEBL).
202 
