ISASAKATUPARAN ng National Basketball League (NBL)- Philippines ang pagdiskubre ng mga kabataan at mahuhusay na manlalaro mula sa kapuluan sa pagsasagawa ng serye ng Inter-City basketball championships.
Ang tournament ay magsisimula sa Sta.Rosa Multi-Purpose Stadium sa Sta. Rosa, Laguna sa Agosto 6, ayon kay NBL ΒOrganizing Committee Chairman Leonardo “Ding” Andres.
“The NBL Inter-City Championship which kicks off in Sta.Rosa, Laguna is only the beginning. Madami pa itong kasunod,” saad ni Andres sa kanyang pagbisita sa 31st “Sports On Air” Βprogram via Zoom.
Aniya, ang torneo ay sanctioned ng Basketball Association of the Philippines (BAP) bilang bahagi ng kanilang 86th year anniversary.
Ayon sa long-time basketball official, ang NBL Inter-City Championship ay hahataw rin sa Southeastern/Bicol Region sa pamumuno ni BAP Director Alex Monsalve, Northern Region/La Union Commissioner Armando “Boy” Valencia at dating PBA player Jun Marzan.
“Our BAP-NBL officials are now coordinating with several LGUS and community-based clubs for our coming tournaments. Sa Sta.Rosa, madami pa nga sana ang gustong humabol na teams para makasali, but we have decided to limit the entries,” dagdag ni Andres.
Sa Agosto 6 bubuksan ang NBL Inter-City Basketball Championship sa Sta. Rosa City na dadaluhan nina Mayor Arlene Arcillas, Vice Mayor Arnold Arcillas at Federation of School Sports Association of the Philippines (FESSAP) Membership Committee head Dr. Robert Calo.
Ang participating teams at kanilang coaches ay sina Sta.Rosa City (Jay-R Dichoso); BiΓ±an City (Almer Almazora); San Pedro City-Leads Agri (Dharies Creencia); San Pedro City-AMB (Aaron Mendoza); Cabuyao City Tigers (Carlo Fenequito); Calamba City (Francis Natividad); Paete – PG Flex Maruyama (Johny Tam); at Sto. Tomas Batangas-Mr.Cow (Arjay Murillo). (DENNIS IΓIGO)
272 
