LABAS man sa kanilang hurisdiksyon, sinalakay ng mga tauhan ni PNP-Police Regional Office 5 Director P/BGen. Jonnel C Estomo ang pinagtataguan ng isang murder suspect sa Biñan City, Laguna.

“Can’t do, it is only for those who lacks vision,” ani P/BGen. Estomo nang madakip nila ang suspek na si Jose Ely Prongoso Guevarra, 67, residente ng Brgy. Timbao, Biñan City.

Ayon sa ulat, bitbit ang mandamiento de aresto na inilabas ni Judge Winston S. Racoma, ng RTC Branch 39, 5th Judicial Region, Daet, Camarines Norte, sa kasong murder na walang nirekomendang piyansa, sinalakay ng mga tauhan ni Gen. Estomo ang pinagtataguan ng suspek sa Brgy. Timbao sa nabanggit na lungsod.

Napag-alaman, winakasan ng pinagsanib na puwersa ng PRO5 RID-RSOU5 (lead unit), katuwang ang PIT Camarines Norte, RIU5, CNCIDT, MARPSTA5, CNPHPT, Paracale MPS, Jose Panganiban MPS at Biñan City Police, sa pangangasiwa ni P/Lt. Col. Wilfredo V. Sy, ang anim na taong pagtatago ni Guevarra.

Si Guevarra ang itinuturong sumaksak at nakapatay sa kanyang biktima

noong Enero 11, 2016 sa Purok 6, Brgy. Luklukan Norte, Jose Panganiban, Camarines Norte. (JESSE KABEL)