LALONG tumibay ang political team ni Anakalusugan Party-list Representative at Quezon City mayoralty candidate Mike Defensor matapos lumipat ito at ang kanyang mga kaalyado sa Lakas-CMD.
Kahapon ay pinanumpa ni House Majority Leader Martin Romualdez, pangulo ng Lakas-CMD, ang 28 politicians sa Quezon City bilang mga bagong miyembro ng kanilang partido.
Kabilang na rito ang mag-asawang sina Quezon City Rep. Precious Hipolito-Castelo at Councilor Winnie Castelo na running mate ni Defensor sa mayoralty race sa nasabing lungsod.
Kasama rin sa mga bagong miyembro ng partido sina dating Congressman Vincent “Bingbong” Crisologo, anak nitong si Rep. Anthony Peter Crisologo, dating Congressman Nanette Daza at actor na si Bobby Andrews.
“These leaders are the potent force and future of Quezon City. We continue to embrace those who are committed to help us in our main mission to serve the people and further boost the winning chances of Mayor Sara Duterte,” ani Romualdez.
Maging sina Marvin D. Rillo, Lorraine M. Carandang, Eldridge P. De Castro, John I. Nieto, Bong C. Vinzons, Roderick Paulate, Martin Leacho, Kurt Castelo Nocum, Imee Rillo, Ali Forbes, Jaja Mantele, Karl John B. Paguio, Luis M. Saludes, Ricky Mathay, at Jemboy Castelo ay kasama sa nanumpa sa Lakas-CMD.
Makakaharap ng grupo ni Defensor si incumbent Mayor Joy Belmonte sa 2022 election. (BERNARD TAGUINOD)
334 
