INIHAYAG ng Philippine National Police na naibalik na lahat ng laman-loob ni Bree Jonson kasunod ng ulat na inaantala ng PNP ang pag-turnover ng mga ebidensiya partikular ang ilang lamanloob ng biktima sa National Bureau of Investigation.

‘We understand the sentiments and concerns aired publicly by Bree Jonson’s mother but we would like to assure her and other members of the family that the PNP is not causing any unreasonable delay in the process of investigating Jonson’s death,” ani PNP chief Guillermo T Eleazar.

Nabatid na naunang lumabas ang isyu hinggil sa missing organs.

Sinasabing tatlong organs umano ni Bree Jonson ang hindi pa natu-turnover ng PNP sa NBI para matapos na ng ahensya ang ginagawa nitong autopsy.

Ayon umano kay Salome Jonson, ina ni Bree Jonson, hindi pa nai-turnover sa kanila ang trachea, stomach at heart ng dalaga.

Sinasabing nagtataka ang pamilya Jonson kung bakit napakatagal i-turnover ng pulisya ang nasabing organs, na para sa pamilya ay walang karapatan ang mga pulis na itago o panatilihin ito sa kanilang kustodiya.

Ayon kay General Eleazar, “After I was informed of the statement made by the family of Bree Jonson, I immediately contacted P/BGen. Pascual Muñoz, Jr., the Director of the PNP Crime Laboratory Service, to seek clarification regarding the issue and I was informed that the claim that some of Bree’s organs were supposedly not turned over to the NBI, was the result of a misunderstanding.

Sa paliwanag ni Gen Eleazar, nagkaroon ng pagpupulong noong Oktubre 1 na dinaluhan ng PNP Crime Laboratory officials, NBI at mga abogado pamilya ni Bree Jonson kung saan ay ipinaliwanag na bagama’t may ilang internal organs ang inalis ay ibinalik din nila agad ang mga ito sa sikmura o abdominal cavity matapos na makakuha ng tissue samples mula rito na bahagi ng protocol sa pagsasagawa ng autopsy.

Subalit sa nasabing pagpupulong, sinabi ng NBI Medico Legal na nakita nila ang mga organ ngunit hindi nila madetermina kung alin dito ang heart tissues na kasama ng stomach at trachea dahil pinagputol-putol na ito para magkasya sa abdominal cavity.

Sa inilabas na statement ng PNP, sinasabing bago pa nagpalabas ng kanilang pahayag sa publiko ang pamilya ni Bree Jonson hinggil sa isyu, ay nalinawan na ito sa presensiya ng kanilang mga abogadong sina Attorneys Em Salandanan at Jessielyn Sunga.

Lumilitaw umano na ‘misrepresentation of procedures’ lamang ang pinagbasehan ng public statement ng pamilya Jonson hinggil sa umano’y missing internal organs.

“Also, on my instruction as part of the coordination and cooperation with the NBI in the investigation of this case, the substantial extra tissues were turned over to the NBI in the presence of the Jonson’s lawyers along with a complete list of organs.

The NBI Medico Legal scrutinized the tissues and having accounted them all, they proceeded with the acceptance of these tissues through a chain of custody form which was signed by NBI and witnessed by the lawyers of the Jonson family. All of these were properly documented as part of the investigation protocol, dagdag pa ng heneral. (JESSE KABEL)