SINABI ni Presidential spokesperson Harry Roque na mahigit 2 linggo na ang nakararaan nang makasama ni Pangulong Rodrigo Roa Duterte si Department of Trade and Industry (DTI) Secretary Ramon Lopez sa isang pulong.

Inanunsyo ito ng kalihim matapos magpositibo sa coronavirus disease 2019 (COVID-19) si Sec. Lopez.

“Sec Lopez last attended a meeting with PRRD on November 20, 19 days ago. FYI,” ayon kay Sec. Roque.

Nauna rito, sa inilabas na pahayag ni Sec. Lopez, sinabi nito na siya’y asymptomatic o walang nararanasang sintomas ng virus.

Agad namang sumailalim si Sec. Lopez sa self-isolation para hindi na makapanghawa pa. (CHRISTIAN DALE)