(NI ROSE PULGAR)

NGAYONG weekend ay isasara ang ilang kalye sa Metro Manila dahil muling magsasagawa ng road re-blocking ang Department of Public Works and Highways (DPWH) at asahan ang matinding trapik.

Sa abiso kahapon ng Metropolitan Manila Development Authority (MMDA), simula ngayong alas-12:00 ng madaling araw, Sabado (Oktubre 12) hanggang sa Lunes (Oktubre 14) ay isasara sa mga motorista ang ang Southbound ng EDSA Panorama Bldg. hanggang  Bansalangin St. (1st lane from sidewalk).

Gayundin ang  EDSA pagkatapos ng  Mo. Ignacio (2nd lane from sidewalk),  EDSA harapan ng  BRIO Tower (3rd, 4th, and outer lane); EDSA harapan ng  Camp Crame Gate (1st lane from sidewalk); EDSA Annapolis St. papuntang  V.V Soliven (2nd lane from sidewalk) at G. Araneta mula T. Arguelles to Bayanin (1st lane from sidewalk)

Isasara din ang Eastbound Quirino Highway bago mag  Belfast Road (outer lane); General Luis St. Rebisco Road  hanggang SB Road

Apektado rin ng road re-blocking ang Elliptical Road pagkatapos ng Maharlika (6th lane from outer sidewalk); Westbound ng Novaliches General Luis St. Samote St. hanggang  SB Road; Nortbound A. Bonifacio Ave. Sgt. Rivera to J. Pineda (2nd lane from sidewalk);  Katipunan Ave./C-5 pagkatapos C.P Garcia St. (truck lane).

Apektado rin ang EDSA Quezon City pagkatapos  Aurora Boulevard hanggang  New York St. (3rd lane from sidewalk).

Magiging passable ito sa mga motorista sa Lunes (Oktubre 14), alas-5:00 ng umaga.

Kung kaya’t payo ng MMDA sa mga motorista, na iwasan ang naturang mga lugar para hindi maabala sa kanilang pupuntahan.