Ni ANN ENCARNACION
IMPRESIBONG sinimulan ni Batang Pinoy multi-medalist Jeaneth Hipolito ng Zamboanga City ang kampanya ng Pinoy lifters sa International Weightlifting Federation (IWF) Youth World Championships sa Jeddah, Kingdom of Saudi Arabia.
Nakasungkit ng tansong medalya ang 14-anyos na si Hipolito sa women’s 40-kilogram division matapos bumuhat ng 52kg sa snatch.
Napunta ang ginto kay Ezgi Kilic ng Turkey nang bumuhat ng 55 kg sa snatch, 70kg sa clean and jerk at makapagtala ng total 125kg.
Naka-silver si Sofia Lawren Velez Estada ng Colombia nang bumuhat ng 53kg sa snatch at 65 kilograms sa clean and jerk para sa total na 118 kilograms.
Isa sa promising lifters sa Pilipinas si Hipolito, na idolo si Hidilyn Diaz, ang kauna-unahang Olympic gold medalist ng bansa.
Limang Pinoy weightlifters pa ang sunod na sasabak sa Saudi Arabia: Adrian Cristobal (men’s 61kg B), Albert Ian Delos Santos (men’s 61kg B), Rosejean Ramos (women’s 45kg A), Christian Rodriguez (men’s 67kg B), at Lovely Inan (women’s 49kg A).
161 
