SUGATAN ang isang 65-anyos na Chinese national nang mabundol ng humaharurot na motorsiklo habang tumatawid sa pedestrian lane sa Reina Regente Street sa Binondo, Manila noong Miyerkoles.

Mabilis na isinugod sa Jose Reyes Memorial Medical Center ang biktimang si Marilou Ty, ng Sampaloc, Manila.

Habang isinugod naman sa Tondo Medical Center ang driver ng motorsiklo na si Ronnel Jay Juque, 22, ng Montalban, Rizal.

Base sa ulat ni Police Major Jaime Gonzales, ng Manila District Traffic Enforcement Unit (MDTEU), bandang alas-10:30 ng umaga nang mangyari ang insidente sa southbound lane ng Reina Regente Street.

(RENE CRISOSTOMO)