(NI ROSE PULGAR)
NAKIKIPAG-UGNAYAN ngayon ang Department of Foreign Affairs (DFA) sa tinatayang 500 miyembro ng Filipino Community sa Haiti para sa mahigpit na pagmomonitor sa sitwasyon sa Caribbean Country kasunod ng mararahas na kilos protesta simula pa noong Pebrero 8.
Sa report ni Ambassador to the United States sa home office Jose Manuel G. Romualdez ang mga Pilipino sa Haiti ay pinayuhan na manatili sa loob ng bahay at ihanda ang kanilang mga plano sa sarili at seguridad.
Hinikayat ng DFA ang mga Pilipino sa Haiti na magparehistro online kasama ang Philippine Embassy sa Washington, D.C. upang mapadali ang komunikasyon at pagbibigay ng angkop na tulong.
Base sa ulat ni Honorary Consul General Fitzgerald Brandt na ngayon ang mga Pilipino ay ligtas at malayo sa mga apektadong lugar.
Ang mga kilos protesta ay sapilitang pagsasara ng mga paaralan, tindahan, pampublikong transportasyon, at mga tanggapan ng pamahalaan sa Port-au-Prince habang ang kalsada ay may mga nakaharang na barikada.
Pinayuhan ang mga Pilipino na kung mangangailangan ng tulong sa Embassy ay maari nilang tawagan ang numerong 1-202-769-8049 o mag-email sa atn@phembassy-us.org.
97 
