(NI BETH JULIAN)

NASA pagpapasya ng mga mambabatas kung papaboran ang hirit ni Senator Francis Pangilinan na gawin nang mandatory ang pagsasagawa ng autopsy sa mga napapatay sa police operation na nasa ilalim ng questionable circumstances.

Ito ang tugon ng Malacanang  kasabay ng pahayag ni Presidential Spokesperson  Salvador Panelo na malaya si Pangilinan na gawin o maghain ng mga panukalang batas na sa tingin niya ay makabubuti sa bansa.

“Hindi makikiaalam ang ehekutibo sa gawain ng sangay ng lehislatura,” pahayag n Panelo.

Ang panukala ay inihain ni Pangilinan kasabay ng anibersaryo ng kamatayan ni Kian delos Santos, ang batang sinadyang patayin ng mga pulis sa Caloocan City.