(NI ROSE PULGAR)

PATULOY na minomonitor ng ilang ahensya ng gobyerno, partikular na ang Department of Foriegn Affairs (DFA), kaugnay sa outbreak ng Ebola Virus Disease sa Democratic Republic of Congo.

Ayon sa DFA, ang World Health Organization ay nagdeklara na ng “EVD as a Public Health Emergency of International Concern” (PHEIC), at inirekominda ang implementasyon na heightened health measures sa DRC.

Kung saan nanatiling apektado ang rehiyon ng nasabing bansa.

Dahil dito, pinayuhan ng Philippine Embassy sa Nairobi, na may jurisdiction sa Democratic Republic of Congo DRC, ang Filipino Community na higpitan ang kanilang pag-iingat sa kanilang kalusugan sa lahat ng oras.

Samantala, nanatili naman nakamonitor ang mga ahensya ng gobyerno kabilang ang Department of Health, (DoH) Bureau of Quarantine,  Bureau of Immigration,(BI) Civil Aeronautics Board (CAB) at Philippine Overseas Employment Administration (POEA) kaugnay sa development ng Ebola outbreak sa Central Africa.