LAGARE sa ensayo ang Philippine Team para sa nalalapit na 2021 AVC Asian Women’s Club Volleyball Championships sa Nakhon Ratchasima, Thailand.
Base sa latest update ng Volleyball Philippines via Instagram, walang humpay sa training sa Batangas ang Team Rebisco at Team Choco Mucho na irerepresenta ang bansa sa AVC Club sa Oktubre 1-7.
Caption sa nasabing post kung saan makikita ang puspusang training ng dalawang koponan: “Sunday morning ball ain’t falling.”
Sasabak ang Team Choco Mucho sa Pool A kontra Nakhon Ratchasima Qmimc VC ng host country Thailand at Zhetyssu ng Kazakhstan.
Sasagupa naman ang Team Rebisco sa Pool B kontra Supreme Chonburi ng Thailand, Altay ng Kazakhstan at Saipa ng Iran. (ANN ENCARNACION)
117
