ISINAILALIM na ang Camarines Norte sa state of calamity Lunes dahil sa lawak ng pinsala ng bagyong dulot ni ‘Usman’. Inaprubahan ng Sangguniang Panlalawigan ang rekomendasyon ng provincial disaster risk reduction and manager council para ideklara sa ilalim ng state of calamity ang probinsiya.  Dumalo sa special session sina Gov. Edgardo Tallado at Vice Governor Jonah Pimentel na namuno sa Sangguniang Panlalawigan. Ang deklarasyon ay magpapahintulot sa local government na gamitin ang kanilang calamity fund.