CAVITE – Pinaniniwalaang nalunod ang isang matandang lalaki na natagpuang walang buhay sa isang sapa sa Gen. Trias City noong Sabado ng umaga.

Inilarawan ang biktimang tinatayang nasa edad 55 hanggang 60-anyos, nakasuot ng brown t-shirt at itim na underwear.

Ayon sa ulat, bandang alas-10:20 ng umaga nang mapansin ng isang lalaking umiihi sa sapa sa Purok 7, Sitio Manggahan, Camachile 1, Gen. Trias City ang bangkay ng biktima habang nakadapa sa mabatong bahagi ng sapa, kaya ipinagbigay-alam nito sa kanilang barangay na siyang nag-report sa himpilan ng pulisya. (SIGFRED ADSUARA)