INATASAN kahapon ni PNP Chief General Guillermo T. Eleazar ang buong kapulisan sa kalakhang Maynila na siguruhing mahigpit na maipatutupad ang curfew hours sa sandaling isailalim na sa ECQ ang buong Metro Manila.

Sa kanyang tagubilin kay National Capital Region Police Office Director Maj. General Vicente Danao, pinatitiyak ni Eleazar na tumutupad lahat ng police commander sa pagpapa-iral ng bagong COVID-19 restriction.

Dagdag ng heneral, “The strict border control and the longer curfew hours are but some of the necessary interventions to prevent the spread of the Delta variant of COVID-19.”

Inatasan din niya ang mga pulis na makipag-ugnayan sa mga opisyal ng barangay sa pagpapatupad ng curfew. (JESSE KABEL)