NAGPATUPAD ng malawakang balasahan sa matataas na opisyal ng Philippine National Police (PNP), epektibo nitong Huwebes.

Pirmado ni PNP-Personnel and Records Management Director PMGen. Constancio Chinayog, ang kanilang reassignment order na may petsang Hunyo 19, 2025.

Kabilang sa mga bagong itinalaga ang ilang Police Regional Directors, District Directors sa Metro Manila, at Directors ng support unit ng PNP sa Camp Crame.

Itinalaga bilang officer in charge ng Area Police Command-Visayas si Police Major General Robert Alexander Morico II; Police Brig. Gen. Rolindo Soguilon, bilang acting Regional Director ng PRO 10; Police Brig. Gen. Joseph Reyes Arguelles, bilang acting Regional Director ng PRO 11; Police Brig. Gen. Paul Kenneth Lucas, bilang acting deputy Regional Director for Administration ng NCRPO; Police Brig. Gen. Melecio Buslig Jr., bilang acting deputy Regional Director for administration ng PRO MIMAROPA o PRO 4B; Police Brig. Gen. Jaysen Carpio De Guzman, bilang acting Director ng PRO-BARMM; Police Brig. Gen. Jack Wanky, bilang acting Regional Director ng PRO CALABARZON o Region 4A; Police Brig. Gen. Rogelio Peñones, bilang acting Regional Director PRO 6; Police Brig. Gen. Arnold Evangelista Abad, bilang acting District Director ng Northern Police District o NPD; Police Brig. Gen. Randy Arce, bilang OIC ng District Director ng Southern Police District o SPD; at Police Brig. Gen. Warren Tolito, bilang chief of staff ng Philippine National Police Academy.

(TOTO NABAJA)