(NI NOEL ABUEL)

NAIS paimbestigahan ni Senador Risa Hontiveros sa Senate committees on public order and dangerous drugs and justice ang nangyayaring krimen sa lalawigan ng Negros Oriental.

Sa inihaing Senate Bill no. 47 ni Hontiveros, nais nitong malaman ang tunay na ugat ng tuluy-tuloy na patayan sa nasabing probinsya at sa huli ay mabigyan ng hustisya ang mga napatay na biktima kabilang ang apat na pulis.

Iginiit ni Hontiveros na hindi katanggap-tanggap na maging ang mga bata gaya ng nasawing si Marjon Ocampo, 1-taong gulang na kabilang sa napatay kasama ang ama nito na pinagbabaril noong Hulyo 25 ng hindi nakilalang mga suspek.

Maliban dito ay maging ang mga alagad ng hustisya ay hindi pinatawad ng krimen kabilang si Anthony Trinidad na pinagbabaril ng hindi nakilalang kalalakihan kasama ang asawa nitong Nova Marie noong Hulyo 23.

At noong Hulyo 18, ay apat na tauhan ng PNP ang tinambangan ng nasa 40 armadong kalalakihan.

“The killings in the Negros region is an easy and chilling example of the violence against civilians that has flourished under the culture of impunity and lawless violence in the country. It is this that has made the Philippines the 4th most dangerous country in the world for civilians,” sabi ni Hontiveros.

Giit nito, simula noong Enero 20, 2017, nasa 83-katao na ang biktima ng extrajudicial killings kabilang ang 20 iba pa.