(NI LOURDES C. FABIAN)

SA iba’t ibang bansa pini­ling magbakasyon ng karamihan sa ating mga sikat at hinahangaang artista nitong Holy Week.

Pero ang Bali, Indonesia ang favorite destination ng karamihan sa ating mga celebs tulad na lamang nina Jake Cuenca at Kylie Verzosa. Hindi na kailangan pang umamin nina Jake at Kylie na may relasyon na sila dahil sapat nang ebidensya ang kanilang kissing photo na lumabas para makumpirma that the two share something special despite the fact that they have not confirm anything yet.

Pinili ring ipagdiwang nina Billy Crawford at Coleen Garcia sa Bali, Indonesia ang kanilang first wedding anniversary. Ikinasal sina Billy at Coleen sa Balesin island noong April 20, 2018.

At nito lang Linggo ay kumalat sa social media ang mga photos nina Maine Mendoza at Arjo Atayde na magkasama ring nagbakasyon diumano sa Bali, Indonesia. Nakita ang dalawa na game na game na nagpa- photo-ops sa kanilang mga fans at the Ninoy Aquino International Airport bago sila lumipad patungong Indonesia kaya may pruweba na magkasama silang umalis ng Manila last April 17.

Kumalat sa social media ang mga larawan ng Kapuso star at ng Kapamilya actor na kuha sa airport. May nag-upload din sa social media ng larawan nila na nasa Bali na sila kaya hindi na makakapag-deny pa sina Maine at Arjo.

Kunsabagay, mukha namang walang balak mag-deny ang dalawa dahil hindi ito ang unang pagkakataon na nakita silang magkasama, eh. Besides, may kasama naman silang ibang kaibigan sa Bali nang magbakasyon nitong nakaraang Holy Week.