(NI LOURDES C. FABIAN)

AMINADO si Jessy Mendiola na nakipaglaban siya sa sakit na bulimia noong panahong dumaan siya sa matinding depresyon ilang taon na ang nakakaraan.

Nag-post sa Instagram ang Kapamilya star ng kanyang sexy photo showing her body transformation. Jessy has been working on her health and fitness. May mahabang caption tungkol sa pinagdaanan niyang “serious psychological eating disorder.”

Huli nating napanood si Jessy nang mag-guest siya sa toprating primetime show na “FPJ’s Ang Probinsyano” last year at mula noon ay hindi pa uli siya nabigyan ng regular television project sa ABS-CBN kaya naman matunog ang balitang lilipat siya sa GMA Network.

Ayon sa nasagap namin ay isasama siya sa cast ng GMA-7’s adaptation of the hit 2016 Korean drama, “Descendants of the Sun” na sinasabing pagbibidahan ni Alden Richards at mukhang siya ang napipisil na i-partner sa binata. Wala pang kinukumpirma si Jessy at ang GMA Network kung totoo nga ang kumakalat na balita.

Malaking proyekto itong pagtatambalan nila ni Alden  kaya siguradong kahit magkakahiwalay sila ng home network ni Luis Manzano ay mauunawaan ito ng kanyang boyfriend dahil trabaho ito at pareho silang may kani-kaniyang career. “DOTS” will finally air this 2019.

Kung si Jessy ay lilipat na sa GMA for “DOTS,” how true kaya na si Kris Bernal naman ay magiging Kapamilya na? Kamakailan kasi ay nakita sa ABS-CBN compound si Kris na nakipag-meeting sa mga ABS-CBN Executives. Magiging Kapamilya na ba si Kris?

Iyan ang ating aabangan.

###

PANSAMANTALANG magkakalayo ang real life couple na sina Daniel Padilla at Kathryn Bernardo dahil bibiyahe si Kathryn pa-Hong Kong kung saan magkakaroon siya ng immersion doon para sa pelikulang gagawin niya sa Star Cinema na ididirek ni Cathy Garcia-Molina. Ito ‘yung pelikulang napabalitang pagsasamahan nila ni Alden Richards.

Wala pa nga lang kumpirmasyon kung makakasama na ni Kathryn sa pagbiyahe ang Pambansang Bae.

Kaya asahan n’yo nang muling mabubuhay ang chikang may pinagdaraanan na naman ang tambalang KathNiel sa pagsu-solo uli ni Kathryn.

Sa parte naman ni Alden ay bagong  challenge ito dahil hindi si Maine Mendoza ang makakatambal niya kundi isang sikat na Kapamilya actress ang bago niyang katrabaho kaya mas matindi ang pressure.

# # #

MARAMING Pinoy fans ang nakakita kina Maine Mendoza and Arjo Atayde  sa kanilang extended celebration of the phenomenal star’s 24th birthday during their Taiwan trip. Nakita silang namamasyal sa Shifen Old Street, a popular destination in Taiwan where the two were seen buying a pink lantern and writing down their wishes.

So what’s next for Maine and Arjo after both admitted their dating status? Actually, formality na lang ang kumpirmasyon kasi alam na naman ng marami na sila na talaga.