Katulad ng ibang magkasintahan ay normal na kina Liza Soberano at Enrique Gil na magkaroon ng tampuhan. Minsan ay sobrang babaw lamang umano ang dahilan nang hindi pagkakaunawaan ng dalawa ayon sa aktres. “I think the pettiest fight we had was me forcing him to do ASAP (Natin ‘To). Because of course Enrique is so busy and he’s tired, he doesn’t have time to rehearse. But sometimes nami-miss ko siyang makitang sumasayaw,” nakangiting kwento ni Liza.

Para sa aktres ay na kay Enrique na ang lahat ng mga katangian na kanyang hinahanap sa isang lalaki. Limang taon nang magkasintahan ngayon sina Liza at Enrique at napag-uusapan na rin paminsan-minsan ang tungkol sa kasal. “I’m proud that he’s very family-oriented. He’s a very good son to his mother, and a good brother to his siblings. And I’m proud that he works hard no matter how tired he gets,” pagbabahagi ng dalaga.

Samantala, napapanood tuwing gabi sa ABS-CBN ang teleseryeng Make It With You na pinagbibidahan nina Liza at Enrique. Kung mabibigyan ng pagkakataon ay gusto rin daw ng aktres na makagawa ng isang international film na posibleng maipalabas sa ibang bansa at maging sa buong mundo. “Now siguro if I would be given an opportunity to do a film, anything basta foreign. It could be in Korea, it could be in Japan, it could be in America, anything foreign to the Philippines. Just because I want to see how people work. I want to see the difference between filming in the Philippines with Filipino production, and filming with foreign production,” paliwanag ng aktres.

With reports from J.C.C.    (BOY ABUNDA X-CLUSIVES)