(NI RONALD RAFER)

HINDI rin naisalba ni Ai-Ai delas Alas ang movie niya with the X Batallion, ang Sons of Sabel, dahil hindi rin ito sinuwerte sa takilya. May mga sinehan pa na may 2 at 3 screenings lang. Sa Megamall, may isang araw daw na 30 tickets lang ang nabili.

Just imagine, pinilahan din ang mga pelikula ng komedyana gaya ng Tanging Ina series, pero ngayon, gaya ng ibang Pinoy movies na ipinalabas mula nung pumasok ang taon, lahat flop!

Kasabay din nila ang Man and Wife na hindi rin pinalad. Hindi sinuwerte ang Jodi Santamaria-Gabby Concepcion tandem. Flop din.

Dahil dito, todo ang promo ng Kuwaresma ni Sharon Cuneta at Between Maybes nina Gerald Anderson at Julia Barretto na malapit na rin ang showing. May pagbabanta lang sa movie nina Gerald at Julia dahil hindi raw susuportahan ng mga JoshLia dahil hindi nga si Joshua Garcia ang kapartner ng dalaga.

Kalokah, huh!

Well, ang sure na sure na gigiba sa takilya ay ang movie nina Alden Richards at Kathryn Bernardo ng Star Cinema na Hello, Love, Goodbye. Ngayon pa lang ay inaabangan na ito ng mga fans nila. Nagsabi na ang mga fans ni Alden na susuportahan nila ang pelikula 100% at dedma na sila kung walang suporta mula sa fans ni Maine Mendoza na dating ka-loveteam ng idolo nila.

“Buwag na ang AlDub noh! Kaya kay Alden lang kami. Ewan lang namin kung may manonood pa sa kanya (Maine) kapag iba na ang kapareha niya!” pagtataray pa ng mga supporters ni Alden.

Tsuk!