NANINIWALA si Senate President Vicente Sotto III na binulag kundi man nagbubulag-bulagan si president at CEO Ricardo Morales sa katiwalian, korapsiyon at mismanagement sa loob ng
Philippine Health Insurance Corporation (PhilHealth).

Sa online interview, sinabi ni Sotto na maaaring binulag si Morales ng mga opisyal at tauhan ng PhilHealth na matagal nang nakaupo sa ahensiya o binibigyan niya ng proteksiyon ang ilang opisyal nito.

“He is either blindsided, was blindsided or he is protecting them. There’s no in-between,” ayon kay Sotto.

“At the very least, I think he was blindsided. Now I hope the other side is not true, which is he knew that it all happened,” aniya.

Katulad ni Sotto, naniniwala si Senador Panfilo Lacson na “iniligaw” si Morales ng mga tauhan nito.

EBIDENSYA

Inihayag ni Lacson  na malakas ang ebidensiyang hawak ng Senado kabilang ang testimonya ng ilang testigo hinggil sa katiwalian, korapsiyon at mismanagement laban sa matataas na opisyal ng
PhilHealth.

Sa virtual press conference, sinabi ni Lacson na kayang bumuo ng malakas na ebidensiya laban sa mga sangkot na dapat panagutin sa kasong kriminal at administratibo.

Sinimulan ng Senate Committee of the Whole ang pag-iimbestiga sa katiwalian at anomalya sa PhilHealth kaya nabuglar na umabot sa P15 bilyon ang naibulsa ng sinasabing sindikatong mafia sa
ahensiya.

Sa ginanap na pagdinig, iginisa ng mga mambabatas ang mga opisyal ng PhilHealth sa pangunguna ni president at CEO Ricardo Morales, alinsunod sa testimonya ng mga pangunahing saksi.

Kabilang sa inungkat ng Senado ang panukalang P2.1 bilyonng halaga ng information technology project na natuklasan ng state auditor na may anomalya dahil overpriced; kuwestiyonableng
pagpapalabas ng pondo sa ilalim ng Interim Reimbursement Mechanism (IRM) at hinihinalang manipulasyon ng financial status ng ahensiya.

“The answer is yes. There’s a strong case that may be filed against those who should be held criminally and administratively liable. That’s clear — not only in the testimonies but also in the
documents,” ayon kay Lacson. (ESTONG REYES)