PORMAL nang naghain ng kanyang kandidatura sa pagka gobernador ng lalawigan ng Quezon si 4th District Representative Angelina “Helen Tan” kahapon (Linggo) sa Lucena City sa ilalim ng Nationalist People’s Coalition (NPC). Kasama niya ang running-mate sa pagka Bise Gobernador na si Third Alcala, Cong. Mark Enverga (Representative, 1st District), Bokal Reynan Arogancia (Representative, 3rd District) at Atorni Mike Tan (Representative, 4th District) na naghain din ng kani-kanilang kandidatura.
Sinabi ni Tan na kapag siya ay nahalal na gobernador, ipagpapatuloy nya ang nasimulang HEALING Agenda at lalo pang paiigtingin ang mga programa at proyektong pangkalusugan lalo na sa gitna ng kasalukuyang pandemya, livelihood at job generation upang masugpo ang kahirapan.
Ang HEALING Agenda ni Tan ay kumakatawan sa kanyang adhikain para sa Health, Education, Agriculture, Livelihood, Infrastructure Development, Nature/Environment/Tourism at Good Governance sa pamamagitan ng Serbisyong Tunay At Natural.
Bago nagtungo sa Comelec Provincial Office, nagsimba muna si Tan sa Shrine of Our Lady of Peñafrancia na pinangunahan ni Bishop Mel Rey Uy kasama ang kanyang buong provincial slate at mga taga-suporta.
CAPTION:
(Mula sa kaliwa) Cong. Mark Enverga , Third Alcala , Cong.Helen Tan, Atorni Mike Tan at Reynan Arogancia
360 
