ARESTADO sa anti-drug operation ang isang lalaki na nakumpiskahan ng kalibre. 38 baril, bala at 0.42 gramo ng hinihinalang droga kagabi sa Sitio Saba, Brgy. San Jose, Montalban (Rodriguez), Rizal.

Sa ulat kay P/Lt. Col. Marcelino Pipo, hepe ng Montalban police, kinilala ang nadakip na si Datu Abraham Kamaong y Gandawali, alyas “Abra”, kilalang tulak umano ng shabu sa nasabing lugar.
Alas-8:20 kagabi nang ikasa ng grupo ni P/Lt. Fernan Romulo, deputy chief of police at Station Drug Enforcement Unit (SDEU) chief, ang buy-bust operation laban sa suspek.

Nahaharap sa kasong paglabag sa RA 9165 Section 5, 11 at 12 ng article ll at RA 10591 o illegal possession of firearms and ammunition at Comelec Gun Ban si Kamaong. (KNOTS ALFORTE)