MAGPAPANSIN sa undercard ng Manny Pacquiao-Yordenis Ugas match sa Agosto 22 (Linggo, Manila time) sa Las Vegas, Nevada ang plano ni Pilipino undefeated featherweight boxer Mark Magsayo.
Kaya upang maisakatuparan ito ay sisikapin ni Magsayo na ma-knockout ang makakaharap na si Julio Ceja ng Mexico.
Gaya ng Pambansang Kamao, nag-training din si Magsayo sa ilalim ni Hall of Famer Freddie Roach sa Wild Card Boxing Gym.
“I am for a 12-round fight, but if there’s the opportunity to knock him out in the early rounds or in the last round. So I’m gonna push myself to knock him out,” ani Magsayo.
Mayroong box record na 22-0, 15 knockouts, ang 26-anyos na Pinoy na tubong Bohol.
Sinabi ni Magsayo sa panayam ng Premier Boxing Champions na batid niyang magaling ang kanyang makakalaban, ngunit tinitiyak niyang siya ang magwawagi sa huli.
“My opponent Julio Ceja is a tough fighter, aggressive fighter. He’s a good fighter, so I’m gonna do my best for this upcoming fight, and I’m sure that I’m gonna win the fight.”
Noong Abril ay lumaban din si Magsayo at nanalo via fourth round knockout kontra American fighter Pablo Cruz sa Mohegan Sun sa Uncasville, Connecticut.
163 
