SEA GAMES TORCH, SININDIHAN

(NI JEAN MALANUM)

SININDIHAN  sa Davao City ang  30th Southeast Asian (SEA) Games torch na maglalakbay sa ilang pangunahing lungsod sa Pilipinas.

Pinangunahan nina national athletes Nesthy Petecio, Mikee Selga at Sydney Sy Tancontian ang ceremonial torch lightning sa SM Lanang at nilahukan ng 3,000 participants.

Naroon din sina Senator Bong Go, Davao Vice Mayor Baste Duterte, Philippine SEA Games Organizing Committee (PHISGOC) Director Jojit Alcazar, Presidential Assistant for the Visayas Secretary Mike Dino, Philippine Sports Commission (PSC) Commissioners Charles Maxey at Celia Kiram, at Philippine Olympic Committee (POC) Executive Board Member at Gymnastics Association of the Philippines (GAP) President Cynthia Carrion.

“Hope is most evident in the story of every athlete competing…we win stronger and bolder when we come together despite our many differences…we look beyond what sets us apart and celebrate what binds us together: our heart for sports and our heart for our region,” lahad ni Alcazar.

Dumalo rin Nestle Philippine vice president Lester Castillo bilang kinatawan ng MILO na tinaguriang gold sponsor ng 30th SEA Games na magsisimula sa Nobyembre 30.

Nagsimulang tumulong ang MILO sa SEA Games noong 1971. Ang ilan sa mga atleta na produkto ng MILO sports programs na maglalaro sa 30th SEA Games ay sina six-time MILO Marathon champion Mary Joy Tabal, 2010 MILO Little Olympics Most Outstanding Athlete Carlos Yulo at MILO Philippine Taekwondo Association gold medalist Pauline Lopez.

Pagkatapos ng Davao leg, ang torch ay pupunta sa Cebu bago dalhin sa Clark, Pampanga na isa sa apat na clusters kung saan naroon ang mga competition venues na gagamitin sa SEA Games.

Ang iba pang clusters ay Subic, Zambales; Metro Manila at Southern Luzon.

Ang 30th SEA Games ang pinakamalaki sa history ng kumpetisyon dahil sa meron itong 56 sports na lalahukan ng 9,840 atleta, 2,050 technical officials at 1,500  media personnel mula sa Brunei, Cambodia, Indonesia, Laos, Malaysia, Myanmar, Singapore, Thailand, Timor Leste, Vietnam at host Philippines.

Ang opening ceremony ay gagawin sa 50,000-seater Philippine Arena sa Bulacan samantalang ang closing ceremony ay gagawin naman sa world-class Athletic Stadium na nasa loob ng New Clark City Sports Complex na magsisilbing main hub sa Disyembre 11.

Please follow and like us:
Read More

ASIN TAX NG DOH TINUTULAN SA SENADO

(NI DANG SAMSON-GARCIA)

TUTOL ang ilang senador sa balak ng Department of Health (DOH) na patawan ng buwis ang mga produktong ginagamitan ng asin.

Para kay Senate President Vicente Sotto, lumilitaw na lumalagpas na ang DOH sa kanilang mandato.

“I think they are now going overboard. Bakit pati pagkain namin gustong pakialaman ng DOH?” saad ni Sotto.

Pinayuhan naman ni Senador Panfilo Lacson ang DOH na huwag ituloy ang kanilang plano at mag-isip na lamang ng ibang paraan upang mabawasan ang pagkonsumo ng mga maaalat na pagkain.

“DOH should not pursue its plan to impose sin tax on daing, tuyo, noodles and other similar foods of the poor. If it’s a genuine health issue, they better find another way to regulate consumption. There are many ‘health-hazard’ foods on the dining tables of the rich and affluent,” saad ni Lacson.

Ipinaalala naman ni Senador Francis Tolentino sa kanyang pagtutol sa panukala na mahalaga rin ang asin sa pagbalanse ng kakusugan.

“No (I will not support the proposal) – salt is needed to maintain proper fluid balance and  relax muscle fibers- although too much of everything is bad – salt is not bad per se – kung pati daing ita-tax kawawa lalo mahihirap na mangingisda!” diin ni Tolentino.

Itinuturing naman nina Senador Imee Marcos at Senador Koko Pimentel na anti poor ang panukala.

“Pagkain ng mahirap ang tuyo at daing! Wag naman! bakit hindi i- tax ang malalaking kumpanya ng telco, mga minahan na hindi naman sumusunod sa batas, mga bigtime importer ng langis atbp- minsanan koleksyon, malakihan pa,” din ni Marcos.

“We need to study that very well coz the tax might be imposed on food items consumed by the poorer sections of our society,” diin ni Pimentel.

Pero ayon kay Pimentel kung para sa junk food ang panukala ay pabor siya rito.

“But tax on junk food i am very open to that. Just define junk food very well,” dagdag ni Pimentel.

 

Please follow and like us:
Read More

TRIAL RUN NG CHINA-MADE DALIAN TRAIN PALALAWIGIN PA

(NI KEVIN COLLANTES)

NAGPASIYA ang Department of Transportation-Metro Rail Transit Line 3 (DOTr-MRT-3) na palawigin pa ng isang buwan ang trial run ng China-made na Dalian train.

Ayon sa DOTr-MRT 3, ang orihinal na petsa ng trial run ng naturang train set ay mula Oktubre 15 hanggang, Oktubre 31 lamang.

Gayunman, nagpasya silang patagalin pa ng hanggang Nobyembre 30, 2019, mula 8:30 ng gabi hanggang 10:30 ng gabi, araw-araw, ang initial trial period ng Dalian train upang higit pang maobserbahan na mabuti ang performance ng Dalian train set sa linya ng MRT-3.

Layunin din nitong makatulong sa inaasahang dagsa ng mga mananakay ngayong holiday season.

“Extended ang initial deployment period ng unang train set ng Dalian,” anunsiyo ng DOTr-MRT3

Samantala, sinabi naman ni MRT-3 Director for Operations Michael Capati na mula nang sinimulang patakbuhin ang nasabing train set sa linya ay wala naman itong naitalang isyu o aberya.

Sa katunayan, positibo pa aniya ang naging tugon ng mga mananakay sa kanilang biyahe lulan ng Dalian train.

“Wala naman pong issues na lumabas. Noong tinanong po namin ang aming mga mananakay at satisfied naman po sila sa pagsakay at pag-launch natin ng Dalian train,” ayon kay Capati.

Ang unang Dalian train set ay kabilang na sa regular fleet ng MRT-3 na bumibiyahe araw-araw, matapos na pirmahan ng maintenance provider na Sumitomo-MHI-TESP noong Oktubre 14, 2019 ang kasunduang nagbibigay pahintulot na patakbuhin ang isang Dalian train set sa rail line.

Ipinababatid naman ng ahensya na sa sandaling magsimula ang pagpapalit ng riles ng MRT-3 ay maaaring pansamantalang ipatigil ang deployment ng nasabing train set.

Ang isang Dalian train set na may tatlong bagon ay kayang makapagsakay ng 1,050 pasahero kada biyahe.

Ang MRT-3, na bumibiyahe sa kahabaan ng Epifanio delos Santos Avenue (EDSA), ang siyang nagdudugtong sa North Avenue, Quezon City at Taft Avenue, Pasay City.

 

Please follow and like us:
Read More

DUTERTE LIGTAS SA 6.5 LINDOL

(NI NOEL ABUEL)

NASA maayos na kondisyon si Pangulong Rodrigo Duterte kasunod ng nangyaring muling paglindol sa Davao City at iba pang bahagi ng  Mindanao.

Ito ang tiniyak ni Senador Christopher Bong  Go sa kabila ng pagkakaroon ng  crack sa ilang bahagi ng  bahay ng Pangulo ay maayos naman ito na nagkataong  nasa lungsod ngayon.

” Nasa CR si Pangulong Duterte sa Teachers Viilage nang tumama ang magnitude 6.5 na lindol pero wala namang masamang nangyari sa kanya,” sabi ni Go.

Tanging bitak sa pader ang natamo ng bahay ng Pangulo at wala rin umanong nasirang mga gamit.

Samantala, nagpaalala si Go sa mga kababayan nito sa Mindanao na unahin ang kaligtasan  ng lahat bago ang evacuation ng mga gamit at ari-arian.

Binigyang diin pa ng senador na ngayon ang panahon ng pagtutulungan, makinig sa mga lehitimong  radio station at lalong  huwag maniniwala sa mga fake news at disinformation.

Dagdag ni Go na kailangang maging  vigilant ang lahat at unahin ang kaligtasan sa mga ganitong uri ng  kalamidad.

 

 

Please follow and like us:
Read More

DAGDAG NA SOCIAL WELFARE ATTACHE, IGINIIT

(NI DANG SAMSON-GARCIA)

KINALAMPAG ni Senador Sonny Angara ang Department of Social Welfare and Development (DSWD) upang magtalaga ng mga dagdag na social welfare attache sa ibayong dagat upang maasikaso ang kapakanan ng mga manggagawang Pinoy.

Ayon kay Angara, araw-araw maraming Overseas Filipino Workers ang inaabuso sa iba’t ibang bansa.

Noong Abril, nilagdaan ni Pangulong Rodrigo Duterte ang Republic Act 11299 para sa pagtatayo ng  Office for Social Welfare Attache kayat napunan na ang mga posisyon sa  Malaysia/Brunei; Jeddah; Riyadh; Kuwait; Hong Kong; Qatar; at Dubai.

Iginiit ni Angara na dapat punan ang mga posisyon sa Jordan; Lebanon; South Korea; Italy; at United Arab Emirates.

“I have been pushing for the deployment of more Social Welfare Attaches (SWA) in order to provide our OFWs with the assurance that its government cares about them, particularly when they are in distress,” saad ni Angara.

“Every year our OFWs have been remitting billions of dollars back home to their families and this has consistently provided an invaluable boost to our economy. This is why we should be there for them when they need us the most,” dagdag nito.

Noong 2018, umabot sa $32.2 bilyon ang personal remittances ng OFWs habang sa unanh walong buwan ng taon, naitala na ito sa $22 bilyon.

Please follow and like us:
Read More

4 PATAY, 8 SUGATAN SA 6.5 LINDOL SA COTABATO

(NI JG TUMBADO)

APAT katao ang nasawi nasawi kabilang ang isang barangay chair sa bayan ng Tulunan, North Cotabato, nang yanigin ng panibagong lindol ang Cotabato kaninang umaga.

Nakilala ang nasawing kapitan na si Cesar Bangot ng Barangay Batasan.

Sa nakarating na report sa National Disaster Risk Reduction and Management Council (NDRRMC), gumuho ang Barangay gym sa kasagsagan ng 6.5 magnitude earthquake sa bayan ng Tulunan pasado alas 9 ng umaga at nadaganan si Bangot ng bumagsak na debris ng gusali.

Tatlo pang indibidwal ang nasawi sa iba’t ibang lugar sa bayan ng Tulunan, Davao City at Kidapawan City na patuloy pang inaalam ang pagkakakilanlan ng mga Ito.

Walo naman ang iniulat na nasugatan na dinala sa ibat ibang ospital kung saan nakilala ang iba sa kanila at ito ay sina Catley Ubas, 27, Naser Enog, 27, Baswil Ledya, 60, at ang Korean national na si Park Jung O, 61.

Maraming kalsada rin sa Makilala ang nakitaan ng malalaking bitak matapos ang panibagong malakas na pagyanig.

Kabilang sa ilang mga gusali na gumuho sa panibagong lindol ay ang Ecoland 4000 condominium sa Davao City at ang Eva hotel sa Kidapawan City.

Habang sa Digos City naman sa Davao del Sur ay gumuho din ang gusali ng Triple F store kung saan nasa mahigit 30 empleyado nito ang nasaktan sa bumagsak na mga debris.

Please follow and like us:
Read More

BUILDING CODE REREBISAHIN NG KAMARA 

(NI ABBY MENDOZA)

KASUNOD ng mapanirang lindol na naganap sa bansa nitong mga nakalipas na taon kung saan ang huli ay sa Mindanao, nakatakdang rebisahin ng Kamara ang National Building Code para matiyak na ang mga itatayong gusali ay nakaaayon sa mga mas malalakas na pagyanig.

Ayon kay House Speaker Alan Peter Cayetano lubhang matagal na ang pinaiiral na Building Code at hindi na ito akma sa kasalukuyang panahon.

“The House would assess whether the old construction standards are still appropriate for the risks the country is facing from natural disaster. I think it’s about time we take three drastic steps. Number one, review and update the building code; number two, make sure that the body implementing it is separate from the body monitoring compliance with it,” paliwanag ni Cayetano.

Nabatid na ang kasalukuyang building code ay nakapaloob sa Presidential Decree No. 1096 na inisyu pa ni dating Pangulong Ferdinand Marcos noong Feb. 19, 1977.

Plano din ng Kamara na gumawa ng batas na maglalagay ng urban planning department sa bawat local government units, ayon kay Cayetano, mahalaga na may ganitong tanggapan na syang mangangasiwa sa long-term development road map ng siyudad o bayan kasama na dito ang housing at mga kalsada.

“In Taguig City, we have an urban planner. We are planning section by section, aside from planning for the entire city. If a city or town mayor is voted out of office after one term or three years, there would be an “institutional memory on development plans if you have an urban planner,”paliwanag pa nito.

Maliban sa mga engineers ay dapat mayroon din na mga arkitekto na kasama sa pagpapatupad ng building code at LGU planning.

Dalawang magkahalintulad na panukala ang nakahain sa Kamara na isinumite nina  Deputy Speakers Mikee Romero at Pampanga Rep. Aurelio Gonzales Jr., layon ng panukala na bumuo ng bagong building law na magkaroon ng regulasyon mula sa planning, design, construction, occupancy at maintenance ng mga  public at private buildings gayundin ang mga bahay at government infrastructure projects.

 

Please follow and like us:
Read More

CREMATION: PAANO SINUSUNOG ANG BANGKAY?

CREMATION

Tradisyon na natin sa tuwing ipi­nagdiriwang ang Araw ng mga Patay ay mayroon tayong katatakutan, kuwentong kababalag­han o kahit pa kathang-isip lamang.

Pero ang sasabihin natin sa pahinang ito ay katotohanan at hindi naman talaga nakakatakot pero naroon na mapapaisip ka rin.

Tutok tayo sa cremation.

PAGSUSUNOG SA BANGKAY

Ang cremation o ang pagsunog sa bangkay ng isang tao sa mataas na temperatura – ito ay mula sa init na 1,400 hanggang 1800 degrees Fahrenheit. Ang sobrang init ay kailangan upang ma-reduce ang katawan sa basic elements nito at matuyo ang bone fragments.

Sa retort o cremation chamber nangyayari ang naturang proseso.

Kailangan munang mapainit nang husto ang loob ng chamber bago ilagay rito ang bangkay. Kailangan ding mailagay agad ang bangkay sa loob sa pamamagitan ng mechanized door upang maiwasang mawala ang init.

Sa pagsusunog sa katawan ng taong patay na, nakalantad ito sa column ng apoy na produced at fueled by natural gas, oils, propane at iba pa.

MGA BAWAL SA CREMATION

Habang ang bangkay ay nasa casket o lagayan (na yari sa combustible material), nasusunog ito nang unti-unti.

Sa bangkay, bago ilagay ito sa casket ay dapat matanggal ang anumang dental work, dental gold, surgical screws, prosthesis, implants o anuman. Tinatanggal ito sa pamamagitan ng strong magnets o forceps matapos ang manual inspection.

Iminumungkahi rin na dapat walang nakasuot na alahas sa bangkay tulad ng relo, singsing, hikaw, bracelets, kwintas, at iba pang uri nito.

Samantala, dapat din, sa simula pa lamang ay walang kahit anong metal objects ang casket. Dapat walang screws, nails, hinges at iba pang parte ng casket na may metal.

Ang mga bagay na ito at iba pang mechanical devices ay tinatanggal upang hindi sumabog o makasira sa equipment ng pagsunog sa bangkay.

Kapag ang bangkay ay nasa column of flames na, sunod nito ay matutuyot ang mga buto, balat, buhok, kasama na ang laman, ganoon din ang tissues. Ang sobrang init nito ang dudurog din sa bangkay. Ang usok naman na nagmumula sa chamber ay lulusot sa exhaust system.

Kadalasang walang amoy ang pagsusunog ng bangkay dahil ang emissions nito ay naka-process upang pati ang usok nito ay masira at matuyo ang gases na pwedeng mangamoy.

May ibang crematories na may secondary afterburner pa upang hustung-husto ang pagkasunog sa bangkay.

Kapag ang buto ay tuyung-tuyo na, dapat masigurong ito ay parang buhangin na sa pagka-pulbos. Ang machine na ginagamit sa pulverization ay cremulator.

Karaniwang naki-cremate ang bangkay sa loob ng isa hanggang tatlong oras at ang bangkay ay nare-reduce ng 3-7 pounds of cremains. Ang cremation remains ay kadalasang kulay puti.

Ang mga labi ay isasalin sa isang cremation urn at saka ibibigay sa pamilya o kaanak nito. Kapag walang available urn ang pamilya, ilalagay muna ang remains sa isang plastic box o default container.

Please follow and like us:
Read More

ANTI-DRUG CZAR

SIDEBAR

Si dating Pangulong Joseph Estrada ang bukod-tanging naging “Anti-Crime Czar” nang likhain ni dating Pangulong Fidel V. Ramos ang Presidential Anti-Crime Commission (PACC) at ginawang chairman nito ang kanyang bise presidente noon na si Estrada.

Hindi siguro magiging pangulo ng bansa si Estrada kung hindi niya nagampanan nang mahusay ang kanyang pagiging anti-crime czar sa pamamagitan ng PACC at task forces nito na siyang responsable sa mga accomplishment ng komisyon.

Inakala ng political advisers noon ni FVR na papalpak si Erap sa kanyang trabaho bilang PACC chairman at epektibong “anti-crime czar” sa gitna ng dumaraming insidente ng kidnap-for-ransom at bank robberies.

Pero dahil narekrut ni Erap sa PACC ang noo’y Police Senior Supt. Panfilo “Ping” Lacson na ginawa niyang commander ng Task Force Habagat, sumikat ang PACC at si VP Erap dahil sa dami ng accomplishments ng TF Habagat sa anti-kidnapping kung saan maraming kidnap victims ang ligtas na nare-rescue.

Nalansag din ng TF Habagat ang Red Scorpion Group na pinakamalaking kidnap syndicate noong panahong iyon at lalong sumikat ang PACC at si Erap nang mapatay ng mga tauhan ni Lacson ang pinuno ng RSG na si Alfredo “Joey” De Leon na dating miyembro ng Alex Boncayao Brigade.

Nabalikan ko ang PACC ni Erap dahil inaalok nga­yon ni Pangulong Rodrigo Duterte si Vice President Leni Robredo na ma­ging anti-drug czar matapos siyang makapanayam ng Reuters kung saan niya binatikos ang umiiral na drug war sa ilalim ng administrasyong Duterte.

Nilinaw pa ni VP Rob­redo na hindi niya pinatitigil ang drug war bagama’t sinasabi niyang kailangan nito ng “reassessment” partikular sa pagtingin sa drug addiction bilang health issue.

Kahit magkakontra-partido sina VP Robredo at Pangulong Duterte, bilang bise presidente ay dapat handang palagi si Rob­redo na maging pangulo at sakaling bigyan siya ng tungkulin bilang pangalawang pangulo, dapat lang na tanggapin niya ito.

Sa ayaw niya man o sa gusto, nananatiling bahagi ng gobyerno ang Office of the Vice President at kung marunong bumatikos si bise presidente sa mga polisiya ng presidente ng bansa, dapat ay may mga mungkahi rin siyang solusyon sa mga nakikita niyang problema.

Ang ibig sabihin lang nito ay kung mahilig si VP Robredo sa “expose and oppose” dapat ay marunong din siyang mag-propose ng mga solusyon at kung sa tingin niya ay mas may magagawa siyang kabutihan sa anti-drug war, dapat ay handa siyang tumanggap ng hamon na maging anti-drug czar gaya ng iminumungkahi ni Pangulong Duterte.

Pero kung magkakaroon ng kahit isang mala­king accomplishment si VP Robredo bilang anti-drug czar, publiko na mismo ang hihiling na gawin siyang permanente sa tungkulin at katulad ni Erap ay baka ito ang maging daan sa kanyang pagiging pangulo ng bansa sa 2022. Ano kaya? (Sidebar / RAYMOND BURGOS)

Please follow and like us:
Read More