NAKAAAWANG ESTADO NG PINOY ATHLETES IIMBESTIGAHAN

(NI ABBY MENDOZA)

ISANG House Resolution ang inihain sa Kamara ni Cavite Rep. Elpidio Barzaga na humihiling na magsagawa ng investigation in aid of legislation sa tunay na lagay ng Pinoy athletes.

Sa House Resolution No 50 ni Barzaga, hiniling nito sa House Committee on Youth and Sports Development  na silipin ang tinawag niyang “sorry state”ng mga manlalarong Pilipino.

“The sorry plight of our national athletes still persists, despite the apparent financial support, our national athletes still plea that it is not enough or sadly becomes lost in the midst of powerplay,”pahayag ni Barzaga.

Tinukoy ni Barzaga ang kaso ni Chess Grand Master Wesley So, na nagchampion sa World Fischer Chess Championship sa ilalim ng bandila ng Amerika makaraang madismaya sa sistema ng sports sa Pilipinas.

Si So umano ay isang Pinoy, ipinanganak  sa Bacoor, Cavite at ang ina ay nagtatrabaho bilang accountant sa De La Salle Hospital sa Dasmarinas Cavite.

Sa isang panayam kay So sinabi nito na nagdesisyon syang pumasok na sa Amerika sa tulong ng isang adoptive mother  upang ipagpatuloy ang kanyang paglalaro ng chess dahil sa Pilipinas umano ay imposible na makamit nya ang tulong na kanyang hangad para mag-advance sa laro.

Nadismaya rin si So na noong 2013 ay hindi ibinigay ng gobyerno ang P1M ipinapangako nito sa mga atleta na nakakuha ng gold medal. Nauna nang nasungkit ni So ang gold medal sa World Universide Games sa Kazan, Russia.

Tinukoy din ng mambabatas ang kaso ng dalawang paralympic athletes na nagsabing hindi sila nakatanggap ng P15,000 buwanang allowance sa loob ng dalawang taon mula nang lumahok sila sa national training pool.

 

Please follow and like us:
Read More

PBA-READY NA SI BULANADI

(NI JOSEPH BONIFACIO)

MATAPOS ang kanyang karera sa collegiate league bilang top gunner ng San Sebastian Stags, wala nang ibang pupuntahan si Allyn Bulanadi kundi ang sumubok sa pro league.

Hindi muna siya sasabak sa PBA, bagamat sasali siya sa Annual Draft sa Disyembre.

Ito ay dahil may nauna nang komitmen si Bulanadi sa koponan ng Basilan Steel sa MPBL.

Bigo ang 22-anyos na cager na mabitbit sa finals ang Baste, nang matalo sa kamay  ng Letran Knights, 80-85 sa stepladder semis ng NCAA Season 95.

Subalit umaasa si Bulanadi na sapat ang kanyang pagpapasiklab sa buong season bilang NCAA scoring champion sa likod ng nairehistrong 20.3 puntos, 5.0 rebounds, 2.3 assists at 1.3 steals upang mapalakas ang draft stock.

Ang Basilan Steel ay may 12-8 baraha sa MPBL Lakan Cup.

Ayon kay Bulanadi, may kasunduan na siya at ang Basilan management, na magiging limitado ang kanyang laro sa koponan, lalo na’t kapag nakuha siya sa draft.

Noong nakaraang buwan pa natapos ang deadline sa PBA Draft application para sa Fil-Foreign players pero may hanggang Nobyembre 29 pa ang local cagers tulad ni Bulanadi upang magsumite ng kanilang aplikasyon.

Sa Disyembre 8 gaganapin ang PBA Rookie Draft sa Robinson’s Place sa Ermita, Maynila.

 

Please follow and like us:
Read More

CAGAYAN ISINAILALIM SA STATE OF CALAMITY DAHIL SA BAHA

ISINAILALIM ang lalawigan ng Cagayan sa state of calamity ngayong Biyernes dahil sa matinding pagbaha sa rehiyon.

Sa resolusyon na isinumite sa provincial board ng Cagayan, pinahintulutang gamitin ang local disaster funds para sa rehabilitasyon ng nawasak na ari-arian bunsod ng malawakang pagbaha.

Ayon sa Office of Civil Defense, nasa 12 bayan sa northern Cagayan ang nakalubog dahil sa ilang araw na malalakas na pag-ulan.

Umabot na sa 4,760 pamilya o 20,152 katao ang apektado sa pagbaha.

Tatlo katao na rin ang nasawi sa pagkalunod habang dalawa naman ang nasabi sa pagguho.

Please follow and like us:
Read More

HIGIT 1K MANGGAGAWA NAWALAN NG TRABAHO SA LINDOL

DOLE12

(NI BONG PAULO)

KIDAPAWAN CITY – Nasa 1,012 katao ang nawalan ng trabaho sa Kidapawan City matapos  huminto ang operasiyon ng ilang mga establisiemento habang ang iba naman ay tuluyan nang nagsara dahil sa nasirang  mga gusali.

Ito ang sinabi ni Department of Labor and Employment o DOLE Regional Director Sisinio Cano sa pinakahuling datos na kanilang nakuha mula sa DOLE-North Cotabato.

Posible pa umanong madagdagan ito dahil ang nasabing datos ay karamihan mula sa Kidapawan at hindi pa nila nakukuha ang ibang detalye sa iba pang mga bayan na naapektuhan din ng lindol.

Karamihan sa mga nawalan ng trabaho ay ang mga empleyado ng malalaking malls.

Dahil dito, may programa umano ang SSS na unemployment insurance sa mga kawani na nawalan ng na maaring makakuha ng ayuda na hanggang dalawang buwan na sweldo na maibibigay.

Maliban dito ay nagdownload na rin ang DOLE 12 ng P2.3 milyung pondo para pansweldo sa mga maha-hire na manggagawa ng DOLE-North Cotabato.

 

Please follow and like us:
Read More

30 DAYS NA SICK LEAVE SA PUBLIC SCHOOL TEACHERS IGINIIT

guro12

(NI BERNARD TAGUINOD)

MAGKAKAROON na ng sick leave ang mga public school teachers sa sandaling maaprubahan at maging batas ang isang panukalang batas sa Mababang Kapulungan ng Kongreso hinggil dito.

Hindi lamang 15 days SL tulad ng ibibinigay sa mga manggagawa sa pribadong sektor kundi 30 days ang nais ibigay ni ACT party-list Rep. France Castro sa mga public school teachers sa kanyang House Bill (HB)  5349 o “An Act Providing Sick Leave Benefits of Thirty Days per year for Public School Teachers”.

Ayon  kay Castro, sa ngayon ay walang ibinibigay na SL sa mga public school teachers sa dahil sa umiiral na rules and regulations ng Department of Education (DepEd).

“Public school teachers have long been complaining of not being afforded sick leave benefits within the school year because they are allegedly already covered by the leave benefits granted to those on ‘teachers leave basis,’ namely, service credits and the Proportional Vacation Pay (PVP),” ani Castro sa kanyang panukala.

Ang mga nabanggit na benepisyo ay ibinibigay sa panahon summer o school vacation at hindi umano napakikinabangan ng mga public school teachers ang mga nabanggit na benepisyo dahil karaniwang nagagawa ang mga ito sa ibang trabaho tulad ng Brigada Eskuwela, sa panahon ng eleksyon o kaya kapag nagkaroon ang mga ito ng census survey.

Ang masaklap pa umano, kapag nagkasakit ang mga ito sa panahon ay klase ay trabaho binabawasan ang kanilang sahod.

“Public school teachers deserve sick leave benefits especially in light of the heavy workload which they are made to bear including various tasks not related to teaching,” ani Castro.

 

Please follow and like us:
Read More

GUIUAN, EASTERN SAMAR NIYANIG NG 5.5. LINDOL

NIYANIG ng magnitude 5.1 na lindol ang bayan ng Guiuan sa Eastern Samar.

Naitala ang pagyanig ala 1:31 kanina, Biyernes, Nov. 8.

Ang epicenter ng lindol ay sa layong 3 kilometers Southwest ng Guiuan.

May lalim itong 3 kilometers at tectonic ang origin.

Naitala ang sumusunod na instrumental intesities:

Intensity IV: Borongan City, Eastern Samar
Intensity III: Palo Leyte, San Francisco Southern Leyte
Intensity II: Surigao City
Intensity I: Ormoc City, Gingoog City

Please follow and like us:
Read More

MEGA TRAFFIC ASAHAN NGAYONG WEEKEND

traffic

(NI ROSE PULGAR)

NGAYON weekend ay makakaranas ng matinding trapik ang mga motorista dahil isasara ang ilang kalsada sa Kalakhang Maynila bunsod ng isasagawang road reblocking ng Department of Public Works and Highways (DPWH) na sinimulan mamayang gabi hanggang sa Lunes ng umaga (Nobyembre 11).

Sa abiso kahapon ng Metropolitan Manila Development Authority (MMDA), ang mga apektadong lugar sa road re-blocking ay ang Southbound ng EDSA Camp Crame Gate 1 hanggang pagkatapos ng Annapolis St. (beside MRT); EDSA pagkatapos ng  Muñoz hanggang  Bansalangin St. (1st lane from sidewalk) at  G. Araneta Bayanin intersection.

Apektado din ang Westbound ng Quirino Highway Nightingale to Zabarte Road (inner lane) at General Luis St. from Samonte St. hanggang SB Road.

Gayundin ang Eastbound Elliptical Road pagkatapos ng  Maharlika St. (6th lane from outer sidewalk).

Kabilang din ang Northbound ng A. Bonifacio Avenue malapit sa Marvex Drive (2nd lane from sidewalk); Katipunan Ave./C-5  after CP Garcia St. harapan UP Town Center (truck lane) at EDSA after Aurora Blvd. hanggang New York St. (3rd lane from sidewalk).

Magsasagawa rin ng road reblocking sa Congressional Avenue  Ext.ension panulukan ng Luzon Avenue (2nd lane from center island) at pagkatapos ng  Tandang Sora Avenue (truck lane); Luzon Avenue  bago mag  Congressional Avenue Ext. (1st lane from center island) at  R. Magsaysay Blvd. after Magsaysay Bridge going Quiapo (inner lane).

Sinabi ng MMDA ang lahat ng nabanggit na mga lugar ay maaaring madaanan ito ng alas-5:00 ng umaga ng Lunes.

Kung kaya’t payo ng MMDA sa mga motorista na hangga’t maaari ay iwasan ang nabanggit na mga lugar upang hindi maabala sa kanilang pupuntahan.

 

Please follow and like us:
Read More

BABAGSAK SA GMRC, ‘DI GAGRADUATE

(NI BERNARD TAGUINOD)

KAHIT matalino ang isang estudyante kung walang modo sa kapwa tao lalo na sa mga matatanda ay hindi ito gagraduate.

Ito ang nabatid kay House Speaker Alan Peter Cayetano hinggil sa kanilang panukalang batas na ibalik sa eskuwelahan ang Good Manners and Right Conduct (GMRC).

Sa ambush interview kay Cayetano na isa mga may-akda sa nasabing panukala at inaprubahan na sa House committee on basic education na pinaumunuan ni Pasig Rep. Roman Romulo, bibigyan ng grado ang mga estudyante sa GMRC.

“Meron nang good morals and right conduct sa Araling Panlipunan, meron sa Math, ‘yung hinalo-halo daw nila. Ang problema, walang  grade. E kasi hindi siya sariling subject, so, what happened to one whole generation?,” ani Cayetano.

“So, you have a generation na napakatatalino, at valedictorian pa, pero kung masama naman ugali or hindi naman… walang respeto sa nakakatanda, ‘yung hindi alam ‘yung traiditional Filipino values, pumapasa pa rin,” dagdag pa nito.

Dahil dito, magiging hiwalay na subject na ang gagawin sa GMRC at bibigyan ng grado ang mga estudyante at kailangang maipasa nila ito dahil kung hindi babagsak ang mga ito kahit naipasa ang lahat ng subject.

“Unlike nung time na merong subject na good morals and right conduct, ang nangyayari du’n, kahit number 1 ka, kahit 100 ka sa lahat ng subjects, kung bagsak ka sa subject ng GMRC, bagsak ka,” ayon pa sa House leader.

Ituturo ang GMRC sa mga estudyante mula Kindergarten hanggang Grade 3 base sa inaprubahan panukala sa nasabing komite subalit maaaring mapalawak pa ito kapag may mag-mosyon sa plenaryo na ituro ito hanggang kolehiyo.

Nakatakda pa lamang gagawa ng committee report si Romulo sa nasabing panukala bago isalang sa plenary debate para sa ikalawa at ikatlong pagbasa.

“So, we want to reemphasize that learning in basic ed is not only intellectual, hindi lang academic, ‘yung spiritual, ‘yung emotional, nandiyan ‘yan,” ayon pa kay Cayetano.

 

Please follow and like us:
Read More

INCENTIVE IDA-DIAL NG TNT

MGA LARO NGAYON:

(SMART ARANETA COLISEUM)

4:30 P.M. — COLUMBIAN VS MERALCO

7:00 P.M. — TNT VS GINEBRA

(NI JJ TORRES/PHOTO BY MJ ROMERO)

TARGET ng TNT KaTropa na masungkit ang twice-to-beat advantage kasama ang bagong addition na si Ray Parks Jr., kontra Barangay Ginebra San Miguel ngayong gabi sa PBA Governors’ Cup sa Smart Araneta Coliseum.

Susuotin ni Parks sa unang pagkakataon ang KaTropa jersey sa second game na magsisimula ng alas-7:00 ng gabi, kung saan susubukan niyang magbigay ng magandang kontribusyon para sa kanyang bagong koponan.

Nakuha ng TNT si Parks mula sa Blackwater Elite kapalit nina Don Trollano, Tony Semerad at isang first round pick sa 2021 PBA Rookie Draft.

Ito ang pangalawang beses na makakalaban ni Parks ang Ginebra sa loob ng siyam na araw.

Ginebra rin ang kalaban ni Parks sa huli niyang laro bilang myembro ng Elite kung saan nagtala siya ng 14 points, five rebounds, five assists at three steals sa 93-101 na talo.

Kasama ng TNT ang NLEX sa tuktok ng standings sa kartadang 7-1, ngunit manggagaling sila sa dalawang linggong pahinga.

Natalo ang KaTropa sa Road Warriors sa iskor na 116-103 upang matapos ang unbeaten start sa torneo.

Kailangan naman na manalo ang Ginebra upang matablahan muli ang San Miguel Beermen sa pang-apat na puwesto. May record na 5-3 ang Kings matapos matalo sa Meralco Bolts noong Linggo.

Samantala, pananatilihin ng Bolts ang kanilang hawak sa top four sa laban nila ng Columbian Dyip sa alas-4:30 ng hapon.

Nasa third spot ang Meralco sa record na 6-2 habang ang Columbian, na may hawak na 4-5 record ay nangangailangang manalo para mapalakas ang chances nila sa quarterfinals.

Please follow and like us:
Read More