Month: February 2021

IKINABAHALA ni Senador Win Gatchalian ang dumaraming bilang ng teenage pregnancy sanhi ng karahasan, pang-aabuso o rape na naitala ng Commission on Population and Development (POPCOM) kaya lumobo ang batang ina.

Sa pahayag, sinabi ni Gatchalian na hudyat ito na kailangan nang itaas ang “age of sexual consent” upang matugis ang mapang-abusong nasa likod ng mga maagang pagbubuntis.

Ayon kay POPCOM Executive Director Juan Antonio Perez III, dalawa sa tatlong nakakabuntis sa mga teenager ay mas matanda ng halos dalawampung (20) taon kaya mayroong nangyayaring powerplay kung tutuusin.

Bagama’t binibigyang diin ni Gatchalian ang kahalagahan ng pananatili ng mga batang babae sa mga paaralan kung saan maaari silang makatanggap ng sapat na impormasyon at sexuality education, mahalaga rin aniya ang pagtugis at pagpapanagot sa mga nakatatandang nakakabuntis sa mga kabataan. Lusot na sa committee level ng Senado ang panukalang itaas ang age of consent sa edad na labing-anim (16) mula sa kasalukuyang edad na labing-dalawa (12).

Pero nauna nang ipinanukala ni Gatchalian ang pagtaas sa age of sexual consent sa edad na labing-walo (18). Ang kasalukuyang age of consent na 12 taong gulang sa Pilipinas ay ang pinakamababa sa Asya at ang pangalawang pinakamababa sa mundo.

“Sa ating bansa, itinuturing nating age of majority ang edad na 18 ngunit ang age of sexual consent ay edad na 12. Dapat lang na amyendahan na ang batas upang maprotektahan natin ang mga kabataan at panagutin ang mga nang-aabuso sa kanila,” ayon kay Gatchalian.

Matatandaang nagbabala si Gatchalian na ang pandemya ay maaaring maging sanhi ng paglala ng mga kaso ng karahasan, pang-aabuso, at maagang pagbubuntis. Ayon sa Philippine Commission on Women (PCW), mahigit apat na libo (4,747) sa halos labing-apat na libong (13,923) kaso ng violence against women and children ang naitalang kaso ng karahasan sa mga kabataan mula Marso 15 hanggang Nobyembre 30 noong nakaraang taon, kung saan naging hadlang ang quarantine measures upang masagip ang mga kabataang biktima ng karahasan sa mismong mga tahanan nila.

 

Iniulat din ng POCOM na ang mga kaso ng pagbubuntis sa mga menor de edad na may edad sampu (10) hanggang labing-apat (14) ay umakyat ng pitong porsyento noong 2019 kung ihahambing sa taong 2018. Noong 2019, ang bilang ng mga menor de edad na nanganganak ay higit animnapung libo (62,510), mas mataas ng isang daan at pitumpu sa naitalang 62,341 noong 2018.

Read More

KAILANGANG palakasin ng mga awtoridad ang mga polisiyang ginagamit sa operasyon laban sa ilegal na droga upang hindi na maulit ang madugong misencounter na nangyari sa pagitan ng mga operatiba ng Philippine National Police (PNP) at Philippine Drug Enforcement Agency (PDEA).

Ayon kay Senador at dating PNP Chief Panfilo Lacson, ang isa sa mga sistemang dapat na isagawa sa usapin ng ilegal na droga ay dapat na ang PDEA ang magsisilbing “overseer” sa operasyon kung saan nakatutok lamang ito sa intelihensiya habang ang pagsalakay o pagtimbog ay ipapaubaya na sa mga sinanay na tauhan ng PNP.

“We have to resolve the trust issue between the PNP and PDEA. But it would be better if the PDEA acted as overseer in anti-drug operations, and focus on intelligence-gathering, whether it is technical or human intelligence,” paliwanag ni Lacson.

Ang nabanggit na sistema ay ginagamit na ng ibang bansang nagpapatupad ng seryosong kampanya laban sa ilegal na droga.

“In other countries, the output of intelligence work is shared with specially trained police units, with one or two PDEA operatives accompanying or ‘guiding’ the police force in the operation. That is the ideal situation where coordination is smooth and tight. The last thing we need is the reluctance of our agencies to work together because of what happened,” dagdag pa ni Lacson.

Isang halimbawa na binanggit ng mambabatas ay ang ginawa ng Estados Unidos kung saan, ang US Drug Enforcement Agency ang nagsilbing tagapangasiwa ng operasyon ng mga tauhan ng pulisya na sinanay para sugpuin ang ilegal na droga.

Sa ilalim ng kasalukuyang situwasyon, nakikita ni Lacson na ang pamahalaan at mga mambabatas ay higit na mabilis mag-isip ng paraan para masugpo ang droga at maunahan ang mga sindikatong nasa likod ng mga ito.

“Kailangan ng gobyerno, kaming mga policy makers, two to three steps ahead sa iniisip ng sindikato (We in the government must make sure we are two to three steps ahead of the syndicates),” banggit ng mambabatas.

Nagpahayag din ng suporta si Lacson sa Senate Bill 3 ni Senate President Vicente Sotto III, kung saan itatatag ang Presidential Drug Enforcement Authority bilang supervising agency, na magbubuo rin ng polisiya at stratehiya laban sa iligal na droga.

Sa panig naman ng mga may pananagutan sa madugong engkuwentro ng PDEA at PNP, binanggit ni Lacson na dapat ay sampahan ang mga ito ng mga kasong kriminal dahil sa maraming buhay na nalagas sa nabanggiy ng pangyayari.

“Napakalungkot at hindi dapat maulit ang pangyayari (What happened was very sad and should not be allowed to happen again),” ayon kay Lacson.

Nababahala rin ang mambabatas sa kinahahantungan ng kampanya ng kasaluyang administrasyon laban sa droga.

“Sad to say, the government’s anti-drug efforts have not succeeded. Otherwise, we would have made a big dent in the operations of drug syndicates. This is shown by the mere fact that shabu is still being sold and so many drug addicts are roaming the streets,” dugtong pa ni Lacson. (DANG SAMSON-GARCIA)

Read More