LAMIG SA BAGUIO CITY PUMALO SA 11.4 DEGREES CELSIUS 

baguio

(NI ABBY MENDOZA)

NAITALA sa 11.4 degrees celsius ang temperatura sa Baguio City, Sabado ng umaga.

Ayon sa Philippine Atmospheric Geophysical and Astrononomical Services Administration (PAGASA) ang pinakamalamig na temperatura ay naitala sa Atok, Benguet na nasa 7 degrees celsius.

Asahan  pang lalamig  ang panahon sa mga susunod na araw dahil sa peak ng hanging amihan.

Ang 11.4 degrees ang pinakamababa na naitala sa loob ng apat na buwan mula nang punasok ang northeast monsoon o hanging amihan noong buwan ng Setyembre.

Hanggang buwan ng Pebrero ang peak ng hanging amihan kaya mahaba pa ang mararanasang malamig na panahon.

 

 

 

Please follow and like us:
Read More

MAALIWALAS NA PANAHON SA PAGSALUBONG SA BAGONG TAON — PAGASA

MAALIWAS na kalangitan ang aasahan ng mga Pinoy sa pagsalubong sa Bagong Taon, ayon sa Pagasa.

Ito ay matapos bayuhin ng malalakas na pag-ulan, nagwasak sa maraming ari-arian at kumitil sa buhay ang higit sa 20 katao ang bagyong Ursula sa ilang bahagi ng Visayas at Mindanao habang patuloy na nasa evacuation centers ang libu-libong napinsala ng bagyo noong Pasko.

Ang bagyong Ursula ay tinataya sa 335 kilometro ng timog Zambales Biyernes ng alas-4:00 ng madaling araw at hindi na makaapekto sa anumang paraan sa bansa. Inaasahang aalis na ng bansa sa Sabado si Ursula, ayon kay Pagasa weather forecaster Ezra Bulquerin.

Sa bisperas ng Bagong Taon, Martes, maaliwalas na panahon na ang mararanasan na may bahagyang pag-ulan lamang sa hapon o gabi.

Ang Ilocos, Cordillera, at Cagayan Valley regions kasama ang Aurora province ay makararanas ng maulap na papawirin na may mga kaunting pag-ulan. Ang Metro Manila at nalalabing lugar sa bansa ay may maaliwalas na papawirin na may bahagyang pag-ulan sa hapon o gabi.

 

Please follow and like us:
Read More

13 LUGAR SIGNAL NO 1 SA BAGYONG URSULA

BAGYONG SAMUEL

(NI ABBY MENDOZA)

NASA 13 lugar na ang nasa Storm Signal No 1 matapos pumasok sa Philippine Area of Responsibility (PAR) ang bagyong Ursula, ayon sa Philippine Atmospheric Geophysical and Astronomical Services Administration(Pagasa).

Ang Public storm warning Signal No ay nakataas sa:

Sorsogon

Masbate including Ticao Island

Eastern Samar

Northern Samar

Samar

Biliran

Leyte

Southern Leyte

Northern Cebu (Carmen, Asturias, Tuburan, Catmon, Sogod, Borbon, Tabuelan, Tabogon, San Remigio, Bogo, Medellin, Daanbantayan, Bantayan Islands, Camotes Islands)

Central Cebu (Balamban, Talisay, Cebu City, Cordova, Lapu-Lapu, Mandaue, Consolacion, Liloan, Compostela, Danao)

northeastern Bohol (Inabanga, Danao, Dagohoy, Pilar, Guindulman, Anda, Candijay, Alicia, Buenavista, Jetafe, Talibon, Trinidad, Bien Unido, San Miguel, Ubay, Mabini, Pres. Carlos P. Garcia)

Dinagat Islands

Surigao del Norte kabilang ang Siargao Islands

Pinag-iingat ng Pagasa ang mga residente dahil sa mararanasang katamtaman hanggang malalakas na pag-uulan na magdudulot ng pagbaha at landslides.

Ang bagyo ay namataan 900 kilometers east ng Hinatuan, Surigao del Sur, taglay ang lakas ng hangin na 65kph, bugso na 80kph at kumikilos sa bilis na 25kph.

Sa bisperas ng Pasko sa Martes, Dec.24 at sa mismong araw ng Pasko, ay asahan ang malalakas na ulan dala ng bagyo sa Kabisayaan.

Ayon sa Pagasa, bago ang pagtama sa kalupaan ng bagyong Ursula ay lalakas pa ito at magiging Severe Tropical Storm

Sa Eastern Visayas inaasahang maglalandfall ang bagyo, Martes ng gabi o sa mismong araw ng Pasko sa Miyerkules.

Sa Sabado ng umaga inaasahang lalabas ng bansa ang bagyo.

 

 

Please follow and like us:
Read More

BAGYONG URSULA NAKAAMBA SA PASKO

(NI ABBY MENDOZA)

PINAPAYUHAN ng Philippine Atmospheric Geophysical and Astronomical Services Administration (Pagasa) ang publiko na bibiyahe ngayong Kapaskuhan para umuwi sa kanilang mga probinsya na gawin na ito ng mas maaga upang makaiwas sa ma-stranded dahil sa inaasahang papasok na bagyong Ursula.

Ayon sa Pagasa, itataas nila ang gale warning signal sa Lunes ng gabi, Disyembre 23, mangangahulugan ito na sususpendihin ng Philippine Coast Guard (PCG) ang mga biyahe ng mga barko dahil sa sama ng panahon at inaasahang mataas na alon.

Sa pinakahuling monitoring ng Pagasa ay isa nang bagyo ang Low Pressure Area(LPA) na nasa labas ng Philippine Area of Responsibility (PAR), sa oras na pumasok ito ng bansa ay tatawagin na itong bagyong Ursula na ika-21 bagyo na pumasok ng bansa ngayong taon.

Ang papasok na bagyo ay namataan 1855 km East ng Mindanao, kumikilos ito sa bilis na 40kph at bugso na 60kph.

Sa forecast ng Pagasa ay Lunes ng madaling araw inaasahang papasok ng PAR ang bagyo at dadaan ito sa Visayas Region.

“The tropical depression is expected to landfall at the Caraga region or Eastern Visayas between December 24 to 25. It is expected to become stronger and is most likely to become a tropical storm,” pahayag ni weather forecaster Netherlene Salitrero.

Samantala, ang isa pang LPA na nagdadala ng paguulan sa Visayas ay namataan sa layong 605 kilometers ng Hinatuan, Surigao del Sur, hindi naman ito inaasahang lalakas pa at matutunaw na sa mga susunod na araw.

 

 

 

 

 

Please follow and like us:
Read More

MAULAN NA PASKO ASAHAN — PAGASA

(NI ABBY MENDOZA)

ISANG low pressure area ang namataan ng Philippine Atmospheric Geophysical and Astronomical Services Administration (Pagasa) sa labas ng Philippine Area of Responsibility (PAR) na posibleng maging ika-21 bagyo na papasok ng bansa ngayong taon.

Ayon sa Pagasa kung hindi magbabago ang direksyon ng LPA  ay maaaring maging ganap na bagyo na magpapaulan sa malaking bahagi ng bansa sa araw ng Kapaskuhan.

Sa ngayon ang sama ng panahon ay namataan 2,000km  sa Mindanao, maaari itong pumasok ng PAR sa Martes, o Christmas eve subalit sa darating na weekend pa lamang ay maaari na itong magdala ng mga pag-uulan sa malaking bahagi ng Mindanao at Visayas .

Sinabi ni Pagasa weather forecaster Sheila Reyes na malayo pa ang sama ng panahon kaya hindi pa madetermina ng Pagasa ang dala nitong lakas ng hangin at ulan.

Samantala isa pang shallow LPA ang namonitor ng Pagasa sa Mindanao ngunit hindi ito inaasahang lalakas pa at matutunaw din sa mga susunud na araw.

Umiiral ang Easterlies sa Eastern Visayas at Caraga na nagdadala ng pag uulan sa lugar habang asahan pa rin ang maaliwalas na panahon sa Luzon kabilang ang Metro Manila sa susunod na 24-oras.

 

Please follow and like us:
Read More

TAIL-END NG COLD FRONT MAGPAPAULAN SA N. LUZON

pagasa12

MAGANDANG balita na sa susunod na tatlong araw ay walang namataang sama ng panahon na makaaapekto sa bansa, ayon sa Pagasa.

Ayon sa 4am weather update ng Pagasa, ang tail-end of a cold front pa rin ang magdadala ng mga pag-ulan sa Silangan ng Hilagang Luzon.

Dahil sa nasabing weather system, maulap na kalangitan na may kalat-kalat na pag-ulan, pagkulog at pagkidlat pa rin ang mararanasan sa Cagayan kasama ang Babuyan Islands, Isabela at Apayao.

Posible ang mga pagbaha at pagguho ng lupa sa kasagsagan ng putol-putol na malalakas na pag-ulan.

Northeast monsoon o Amihan naman ang magdadala ng maulap na kalangitan na may mahihinang pag-ulan sa Cordillera Administrative Region, Ilocos provinces, Northern Aurora at nalalabing bahagi ng Cagayan Valley.

Sa Metro Manila at nalalabing bahagi ng bansa, maalinsangang panahon ang mararanasan na may posibilidad ng mga panandaliang pag-ulan dulot ng localized thunderstorms.

Nakataas ang gale warning at ipinagbabawal ang paglalayag sa mga baybaying dagat ng:
– Batanes
– Cagayan
– Babuyan Islands
– Isabela
– Ilocos Norte
– Ilocos Sur
– La Union
– Pangasinan
– Zambales
– Bataan
– Quezon kasama ang Pollilo Islands
– Camarines Norte
– northern at eastern coast ng Camarines Sur
– Catanduanes

 

Please follow and like us:
Read More

BAGYONG TISOY HUMINA NA MATAPOS ANG 4 NA LANDFALL — PAGASA

BAGYONG USMAN-2

(ABBY MENDOZA)

MAY apat na beses tumama sa lupa ang bagyong Tisoy na naging dahilan ng tuluyang paghina nito.

Bagama’t bahagya na itong humina habang tinatahak ang direksyon patungo sa West Philippine Sea ay nanatiling nakataas ang Storm Signal No 3 sa tatlong lugar habang malaking bahagi pa rin ng Luzon ang nasa ilalim ng Storm Signal No 2 batay sa 5:00 weather update na ipinalabas ng Philippine Atmospheric Geophysical and Astronomical Services Administration(Pagasa).

Unang naglandfall ang bagyong Tisoy alas 11:00 ng gabi noong Disyembre 2 sa Gubat, Sorsogon; ikalawa ay alas 4:00 ng madaling araw (Disyembre 3) sa  San Pascual, Burias Island, Masbate; ikatlo ay alas 8:30 ng umaga sa Torrijos, Marinduque at alas 12:30 ng tanghali sa Naujan, Oriental Mindoro ang ikaapat na pagtama nito sa lupa.

Ayon sa Pagasa, patuloy na makakaranas ng tuloy tuloy na paguulan sa Quezon,  Rizal, Mindoro Provinces, Metro Manila, Central Luzon, CALABARZON, Cagayan Valley, Cordillera Administrative Region, Marinduque, at Romblon.

Ang mga residente sa nasabing lugat ay inaabisuhan na patuloy na mag-ingat dahil malalakas na ulan pa rin ang hatid ng bagyo na maaring magdulot ng landslide.

Nakataas pa rin ang storm surge na aabot sa 3 meters sa Marinduque, Mindoro Provinces, Romblon, Cavite at Batangas.

Ang mata ng bagyong Tisoy ay huling namataan 110 km Northwest ng San Jose, Occidental Mindoro, kumikilos ito sa bilis na 25kph at may taglay na lakas ng hangin na  130 kph at bugso na 200 kph.

Sinabi ni PAGASA Weather specialist Benison Estareja na Miyerkoles ng hapon ay maaari nang magresume ang mga laro ng Sea Games dahil na rin sa inaasahang gaganda na ang lagay ng panahon pagsapit ng hapon lalo na sa lugar ng CALABARZON.

Ani pa ni  Estareja na magkakaroon na rin ng sunny periods sa Metro Manila sa araw ng Miyerkoles kaya hindi na nila inirerekomenda na magkansela ng pasok sa nga paaralan, samantala ang Central Luzon ay patuloy na makararanas ng pag-uulan.

Nasa ilalim ng Signal No 3 ang Oriental Mindoro,Occidental Mindoro kabilang ang Lubang Island at Batangas.

Signal No 2 naman ang umiiral sa  Romblon,Camarines Norte,Metro Manila

Bulacan,Bataan,Tarlac,Pampanga,Rizal,Quezon kabilang ang Polillo Islands

Zambales,Marinduque,Cavite, Laguna,northern portion ng Camarines Sur; Southern part ng Nueva Ecija, southern Aurora at Palawan.

Signal No 1 naman sa Southern portion ng Quirino, nalalabing lugar sa

Aurora, northern portion ng Palawan Pangasinan, southern portion ng Nueva Vizcaya, at northern Antique.

Sa forecast ng PAGASA ay sa Huwebes ng umaga ay nasa bisinidad na ng Subic, Zambales ang bagyo bago tuluyang lumabas ng Philippine area of responsibility.

 

Please follow and like us:
Read More

BAGYONG TISOY NANANALASA SA SOUTHERN QUEZON, M’DUQUE, ROMBLON

NAPANATILI ng bagyong Tisoy ang lakas at nasa bahagi ng Bondoc Peninsula sa kasalukuyan.

Nabatid sa 8AM weather bulletin ng Pagasa, ang bagyo ay huling namataan sa coastal waters ng San Francisco, Quezon.

Taglay ng bagyo ang lakas ng hanging aabot sa 155 kilometers per hour malapit sa gitna at pagbugsong aabot sa 235 kilometers per hour.

Kumikilos pa rin ang bagyo sa direksyong pa-Kanluran sa bilis na 20 kilometers per hour.
Ayon sa Pagasa, ang ‘eyewall’ ng bagyo ay kasalukuyang nananalasa at naghahatid ng napakalakas na hangin  at malalakas na pag-ulan sa Southern Quezon, Marinduque, at Romblon.

Sa loob ng susunod na tatlong oras ang ‘eyewall’ ng bagyo ay makaaapekto na sa Cavite, Batangas at sa norther portion ng Mindoro Provinces.

Maari din itong muling tumama sa kalupaan o ‘di kaya ay dumaan sa bahagi ng Marinduque-Simara Island-Banton Island bago mag-tanghali.

Nakataas pa rin ang tropical cyclone wind signal number 3 sa sumusunod na mga lugar:

– Camarines Sur
– Albay
– Camarines Norte
– Masbate including Ticao at Burias Islands
– Romblon
– southern portion ng Quezon (Perez, Alabat, Quezon, Mauban, Sampaloc, Lucban, Tayabas, Pagbilao, Lucena, Sariaya, Candelaria, Dolores, Tiaong, San Antonio, Atimonan, Padre Burgos, Agdangan, Plaridel, Unisan, Pitogo, Gumaca, Lopez, Macalelon, General Luna, Calauag, Catanauan, Guinayangan, Tagkawayan, Buenavista, Mulanay, San Narciso, San Francisco, San Andres)
– Marinduque
– Oriental Mindoro
– Occidental Mindoro including Lubang Island
– Batangas
– Cavite
– Laguna

Tropical cyclone wind signal number 2 naman sa:
– Catanduanes
– Sorsogon
– Metro Manila
– Bulacan
– Bataan
– Tarlac
– Pampanga
– Nueva Ecija
– southern Aurora (Dipaculao, Maria Aurora, Baler, San Luis, Dingalan)
– Rizal
– Nalalabing bahagi ng Quezon kabilang ang Polillo Islands, Calamian Islands (Coron, Busuanga, Culion, Linapacan)
– Cuyo Islands (Cuyo, Magsaysay, Agutaya)
– Zambales
– Pangasinan
– Northern Samar
– Aklan
– Capiz
– Northern Antique (Caluya, Libertad, Pandan, Sebaste, Culasi, Tibiao)
– Northern Iloilo (Carles, Balasan, Estancia, Btad, San Dionisio, Sara, Concepcion, Lemery)

Tropical cyclone wind signal number 1 sa:
– Southern Isabela (Palanan, Dinapigue, San Mariano, San Guillermo, Benito Soliven, Naguilian, Reina Mercedes, Luna, Aurora, Cabatuan, San Mateo, Cauayan City, Alicia, Angadanan, Ramon, San Isidro, Echague, Cordon, Santiago City, Jones and San Agustin)
– Mountain Province
– Ifugao
– Benguet
– Nueva Vizcaya
– Ilocos Sur
– La Union
– Quirino
– Nalalabing bahagi ng Aurora
– northern portion ng Palawan (El Nido, Taytay, Araceli, Dumaran)
– Eastern Samar, Samar, Biliran, northern Negros Oriental (Canlaon, Guihulngan, Vallerhermoso)
– northern Negros Occidental (Talisay, Calatrava, Silay, Enrique B. Magalona, Victorias, Manapla, Cadiz, Sagay, Escalante, Toboso, Bacolod, Murcia, Salvador Benedicto, San Carlos, Bago, Pulupandan, Valladolid, La Carlota, San Enrique, Pontevedra, La Castellana, Moises Padilla)
– Northern Cebu (Daanbantayan, Bantayan, Madridejos, Santa Fe, Medellin, Bogo City, San Remigio, Tabogon, Tabuelan, Tuburan, Carmen Borbon, Sogod, Catmon, Asturias, at Camotes Islands)
– Nalalabing bahagi ng Antique
– Nalalabing bahagi ng Iloilo
– Guimaras
– Leyte

Pinayuhan ng Pagasa ang publiko na maging maingat at alerto.

Please follow and like us:
Read More

6 LALAWIGAN NASA SIGNAL NO. 3

ulan55

(NI KIKO CUETO)

UMAKYAT na sa anim ang bilang ng mga lugar kung saan nakataas ang Signal Number 3, ayon sa Pagasa.

Patuloy ang banta ng malakas na hangin at buhos ng ulan na magpapabaha sa mabababang lugar sa bansa.

Malakas na ulan ang asahan sa Bikol, Samar at Biliran.

Matinding ulan din ang asahan sa Northern Cebu, Northern Negros Island, Dinagat Islands, Siargao Island, at natitirang bahagi ng Eastern Visayas.

Ramdam din ang ulan sa Romblon, Mindoro provinces, Samar, Eastern Samar at Calabarzon.

Dito sa Metro Manila, makararanas din ng matinding buhos ng ulan lalo na sa mga lugar kung saan idinaraos ang Sea Games.

Maging sa Central Luzon, Cagayan at Isabela.

Nakataas ang Signal No. 3 sa Catanduanes, Camarines Sur, Albay, Sorsogon, at Southern portion ng Camarines Norte (Daet, San Vincente, San Lorenzon Ruiz, Basud, Mercedes), at sa Burias Islands.

Kabilang naman ang Metro Manila sa Signal No. 2 maging sa Bulacan, Bataan, Pampanga, Eastern portion ng Nueva Ecija (Pantabangan, Rizal, General Mamerto Natividad, Cabanatuan, Santa Rosa, Jaen, San Antonio, Bongabon, Laur, Gabaldon, General Tinio, Palayan, San Leonardo, Cabiao, San Isidro, Gapan, Peñaranda).

Gayundin sa Southern Aurora (Dipaculao, Maria Aurora, Baler, San Luis, Dingalan), Cavite, Batangas, Laguna, Rizal, Quezon kasama ang Polillo Islands, Oriental Mindoro, Occidental Mindoro, Marinduque, Romblon, natitirang bahagi ng Camarines Norte, Masbate kasama ang Ticao Island, Northern Samar, Eastern Samar, Samar at Biliran.

Nasa Signal Number 1 naman ang

Southern Isabela (Palanan, Dinapigue, San Mariano, San Guillermo, Benito Soliven, Naguilian, Reina Mercedes, Luna, Aurora, Cabatuan, San Mateo, Cauayan City, Alicia, Angadanan, Ramon, San Isidro, Echague, Cordon, Santiago City, Jones at San Agustin), Mountain Province, Ifugao, Benguet, Nueva Vizcaya, Ilocos Sur, La Union, Pangasinan, Quirino, natitirant bahagi ng Aurora, natitirang bahagi ng Nueva Ecija, Tarlac, Zambales.

Kasama rin ang Calamian Islands, Aklan, Capiz, Antique, Iloilo, Guimaras, northern part ng Negros Occidental (Bacolod City, Bago City, Cadiz City, Calatrava, Enrique B. Magalona, Escalante City, La Carlota City, Manapla, Murcia, Pulupandan, Sagay City, Salvador Benedicto, San Carlos City, San Enrique, Silay City, Talisay City, Toboso, Valladolid, Victorias City),  Northern Cebu (Bantayan, Madridejos, Santa Fe, Medellin, Bogo City, San Remigio, Tabogon, Tabuelan, Borbon, Sogod, Catmon, Asturias, at Camotes Islands).

Maging ang Metro Cebu (Balamban, Toledo City, Pinamungahan, Aloguinsan, Naga City, Talisay City, Cordova, Minglanilla, Lapu-Lapu City, Mandaue City, Cebu City, Consolacion, Liloan, Compostela, and Danao City), Leyte, Southern Leyte, Dinagat Islands at Siargao Island.

Aabot naman sa 500 barangays sa 14 siyudad sa Metro Manila ang posibleng bahain dahil sa bagyo.

Pinayuhan ang mga residente na lumikas na.

Tiniyak naman ni MMDA General Manager Jojo Garcia, na nilinis nila ang mga sewerage.

“Pagdating sa mga sewerage natin, ang sabi ko nga summer pa lang pinaghahandaan na ‘yan, araw-araw naman ‘yan. Hindi tayo nagpapahinga diyan. May darating mang bagyo o wala laging nalilinis ‘yan ng ating team sa flood control,” sinabi nito.

 

Sinabi naman ng Philippine Coast Guard-NCR na nagpakalat sila ng mga tauhan sa Baseco hanggang sa Malabon.

Samantala, aabot na sa 5,327 pasahero ang na-stranded sa Southern Tagalog, Western Visayas, Bicol at Eastern Visayas.

 

 

Please follow and like us:
Read More