TAG-ULAN IDINEKLARA NA NG PAGASA

OPISYAL nang panahon ng tag-ulan. Ito ang sinabi ng PAGASA kahapon.

Ang deklarasyon ay kasabay ng naging buhos ng ulan na dala ng bagyong Butchoy sa malaking bahagi ng Luzon, kabilang ang Metro Manila.

Nataon din na ang bagyo ay sumabay sa mga protesta sa Araw ng Kalayaan.

Dinala ng Bagyong Butchoy at ng southwest monsoon o habagat ang ulan sa Metro Manila, lalo na rin sa western sections ng Luzon at Visayas.

Ito umano ang pinagbasehan nila para sabihin na panahon na ng tag-ulan.

Nakadalawang landfall ang Butchoy sa Quezon province.

Umaasa naman ang PAGASA na makatutulong ang ulan para mapunan ang mga pagkukulang ng mga dam sa supply ng tubig.

Ngayong araw inaasahang lalabas ng Philippine Area of Responsibility ang Bagyong Butchoy. KIKO CUETO

Read More

BAGYONG AMBO PATULOY SA PANANALASA

BAHAGYANG nabawasan ang lakas ng bagyong Ambo matapos ang ikaanim nitong landfall ngayong umaga.

Humagupit ang bagyo sa Eastern Visayas at ilang bahagi ng Kabikulan mula kagabi.

Ngayong tanghali, iniulat na nasa bahagi na ng Catanauan, Quezon ang sentro ng bagyong Ambo at papalapit sa Northern Quezon – Laguna area.

Ayon sa PAGASA, ang eyewall region ng bagyo ay naghahatid ng mapaminsalang hangin at heavy hanggang intense na pag- ulan sa norther portion ng Bondoc Peninsula.

Taglay pa rin ng bagyo ang lakas ng hanging aabot sa 125 kilometers bawat oras malapit sa gitna at pagbugsong aabot sa 165 kilometers bawat oras.

Bahagya itong bumilis at kumikilos na ngayon ng 20 kilometers bawat oras sa direksyong northwest.

Mula sa TCWS #2, nakataas na sa TCWS #3 ang mga lugar na kinabibilangan ng : Quezon, Rizal, Laguna, southern portion ng Aurora, southern portion ng Nueva Ecija, eastern portion of Bulacan, western portion of Camarines Norte, Marinduque. CESAR BARQUILLA

Read More

BAGYONG AMBO NAG-LANDFALL NA SA SAMAR

NASA Storm Signal No. 3 na ang buong lalawigan ng Samar, Albay, Ticao Island at Sorsogon kasunod ng pagtama sa kalupaan ng bagyong ngayong tanghali sa San Policarpio, Eastern Samar.

Ayon sa Philippine Atmospheric, Geophysical and Astronomical Services Administration (PAGASA), malakas na hangin at malalakas na pag-ulan ang hatid ng bagyong Ambo kaya ibayong pag-iingat ang inaabiso nito sa mga residente ng mga lugar na daraanan ng bagyo.

Ang mga lugar na nasa Storm Signal No. 3 ay makaranas ng malakas na hangin na aabot sa 121 hanggang 170 km/h.

Nasa Signal No. 2 naman ang southern portion ng Quezon, Camarines Norte, Camarines Sur, Catanduanes, Burias Island, mainland Masbate, Marinduque at Biliran.

Habang Signal No. 1 sa  Aurora, southern part ng Nueva Ecija, Bulacan, Metro Manila, Cavite, Laguna, Batangas, Rizal, Romblon, Bataan, Pampanga, at northern Leyte.

Huling namataan ang mata ng bagyo 140 km east-southeast ng Catarman, Northern Samar, taglay nito ang lakas ng hangin na 150kph, bugso na 190kph at kumikilos sa bilis na 15kph.

Ayon kay PAGASA Administrator Vicente Malano, nakararanas na ng malakas at tuloy-tuloy na pag-uulan sa Northern Samar, Eastern Samar, Masbate, Sorsogon at Catanduanes habang sa Biyernes naman inaasahang babayuhin ng malalakas na pag-ulan ang Albay, Camarines Norte, Camarines Sur at Catanduanes.

Binabalaan ng PAGASA ang mga residente na maging alerto sa storm surge, pagbaha at landslides.

Sinabi ni  Weather specialist Ariel Rojas na nagpalabas na sila ng advisory na umiwas sa coastal areas sa loob ng susunod na 24-oras dahil sa storm surge na maaaring umabot sa 4 meters partikular sa coastal areas ng Northern Samar, eastern coast of Eastern Samar, western seaboard ng Samar, Sorsogon, Albay, Catanduanes, Camarines Sur, Camarines Norte, Quezon at Aurora.

Ipinagbabawal din ang pagbiyahe ng anomang uri ng sasakyang pandagat.

Samantala, sinabi ni PAGASA Hydrologist Richard Orendain na nagpalabas na rin sila ng general flood advisory sa Eastern Visayas at Bicol dahil sa inaasahang pag-apaw ng mga ilog na maaaring magdulot ng pagbaha sa low-lying communities.

Sakop din ng general flood advisory ang Calabarzon (Cavite, Laguna, Batangas, Rizal, Quezon), Central Luzon at Cagayan Valley.

“Violent winds and heavy to torrential rains in the typhoon’s eyewall may begin affecting Northern Samar and the northern portions of Samar and Eastern Samar in the next 12 hours,” ayon kay Orendain.

Ayon sa PAGASA, kung pagbabatayan ang direksyon ng bagyo ay hindi ito direktang dadaan sa Metro Manila, gayunpaman ang outer circulation ng bagyo ay maghahatid ng pag-ulan sa Metro Manila bukas hanggang sa Sabado.

Pagsapit ng Linggo ay inaasahang hihina ang bagyong Ambo at tuluyang lalabas ng Philippine Area of Responsibility (PAR) sa Lunes. ABBY MENDOZA

Read More

LAMIG SA BAGUIO CITY PUMALO SA 11.4 DEGREES CELSIUS 

baguio

(NI ABBY MENDOZA)

NAITALA sa 11.4 degrees celsius ang temperatura sa Baguio City, Sabado ng umaga.

Ayon sa Philippine Atmospheric Geophysical and Astrononomical Services Administration (PAGASA) ang pinakamalamig na temperatura ay naitala sa Atok, Benguet na nasa 7 degrees celsius.

Asahan  pang lalamig  ang panahon sa mga susunod na araw dahil sa peak ng hanging amihan.

Ang 11.4 degrees ang pinakamababa na naitala sa loob ng apat na buwan mula nang punasok ang northeast monsoon o hanging amihan noong buwan ng Setyembre.

Hanggang buwan ng Pebrero ang peak ng hanging amihan kaya mahaba pa ang mararanasang malamig na panahon.

 

 

 

Read More

MAALIWALAS NA PANAHON SA PAGSALUBONG SA BAGONG TAON — PAGASA

MAALIWAS na kalangitan ang aasahan ng mga Pinoy sa pagsalubong sa Bagong Taon, ayon sa Pagasa.

Ito ay matapos bayuhin ng malalakas na pag-ulan, nagwasak sa maraming ari-arian at kumitil sa buhay ang higit sa 20 katao ang bagyong Ursula sa ilang bahagi ng Visayas at Mindanao habang patuloy na nasa evacuation centers ang libu-libong napinsala ng bagyo noong Pasko.

Ang bagyong Ursula ay tinataya sa 335 kilometro ng timog Zambales Biyernes ng alas-4:00 ng madaling araw at hindi na makaapekto sa anumang paraan sa bansa. Inaasahang aalis na ng bansa sa Sabado si Ursula, ayon kay Pagasa weather forecaster Ezra Bulquerin.

Sa bisperas ng Bagong Taon, Martes, maaliwalas na panahon na ang mararanasan na may bahagyang pag-ulan lamang sa hapon o gabi.

Ang Ilocos, Cordillera, at Cagayan Valley regions kasama ang Aurora province ay makararanas ng maulap na papawirin na may mga kaunting pag-ulan. Ang Metro Manila at nalalabing lugar sa bansa ay may maaliwalas na papawirin na may bahagyang pag-ulan sa hapon o gabi.

 

Read More

13 LUGAR SIGNAL NO 1 SA BAGYONG URSULA

(NI ABBY MENDOZA)

NASA 13 lugar na ang nasa Storm Signal No 1 matapos pumasok sa Philippine Area of Responsibility (PAR) ang bagyong Ursula, ayon sa Philippine Atmospheric Geophysical and Astronomical Services Administration(Pagasa).

Ang Public storm warning Signal No ay nakataas sa:

Sorsogon

Masbate including Ticao Island

Eastern Samar

Northern Samar

Samar

Biliran

Leyte

Southern Leyte

Northern Cebu (Carmen, Asturias, Tuburan, Catmon, Sogod, Borbon, Tabuelan, Tabogon, San Remigio, Bogo, Medellin, Daanbantayan, Bantayan Islands, Camotes Islands)

Central Cebu (Balamban, Talisay, Cebu City, Cordova, Lapu-Lapu, Mandaue, Consolacion, Liloan, Compostela, Danao)

northeastern Bohol (Inabanga, Danao, Dagohoy, Pilar, Guindulman, Anda, Candijay, Alicia, Buenavista, Jetafe, Talibon, Trinidad, Bien Unido, San Miguel, Ubay, Mabini, Pres. Carlos P. Garcia)

Dinagat Islands

Surigao del Norte kabilang ang Siargao Islands

Pinag-iingat ng Pagasa ang mga residente dahil sa mararanasang katamtaman hanggang malalakas na pag-uulan na magdudulot ng pagbaha at landslides.

Ang bagyo ay namataan 900 kilometers east ng Hinatuan, Surigao del Sur, taglay ang lakas ng hangin na 65kph, bugso na 80kph at kumikilos sa bilis na 25kph.

Sa bisperas ng Pasko sa Martes, Dec.24 at sa mismong araw ng Pasko, ay asahan ang malalakas na ulan dala ng bagyo sa Kabisayaan.

Ayon sa Pagasa, bago ang pagtama sa kalupaan ng bagyong Ursula ay lalakas pa ito at magiging Severe Tropical Storm

Sa Eastern Visayas inaasahang maglalandfall ang bagyo, Martes ng gabi o sa mismong araw ng Pasko sa Miyerkules.

Sa Sabado ng umaga inaasahang lalabas ng bansa ang bagyo.

 

 

Read More

BAGYONG URSULA NAKAAMBA SA PASKO

(NI ABBY MENDOZA)

PINAPAYUHAN ng Philippine Atmospheric Geophysical and Astronomical Services Administration (Pagasa) ang publiko na bibiyahe ngayong Kapaskuhan para umuwi sa kanilang mga probinsya na gawin na ito ng mas maaga upang makaiwas sa ma-stranded dahil sa inaasahang papasok na bagyong Ursula.

Ayon sa Pagasa, itataas nila ang gale warning signal sa Lunes ng gabi, Disyembre 23, mangangahulugan ito na sususpendihin ng Philippine Coast Guard (PCG) ang mga biyahe ng mga barko dahil sa sama ng panahon at inaasahang mataas na alon.

Sa pinakahuling monitoring ng Pagasa ay isa nang bagyo ang Low Pressure Area(LPA) na nasa labas ng Philippine Area of Responsibility (PAR), sa oras na pumasok ito ng bansa ay tatawagin na itong bagyong Ursula na ika-21 bagyo na pumasok ng bansa ngayong taon.

Ang papasok na bagyo ay namataan 1855 km East ng Mindanao, kumikilos ito sa bilis na 40kph at bugso na 60kph.

Sa forecast ng Pagasa ay Lunes ng madaling araw inaasahang papasok ng PAR ang bagyo at dadaan ito sa Visayas Region.

“The tropical depression is expected to landfall at the Caraga region or Eastern Visayas between December 24 to 25. It is expected to become stronger and is most likely to become a tropical storm,” pahayag ni weather forecaster Netherlene Salitrero.

Samantala, ang isa pang LPA na nagdadala ng paguulan sa Visayas ay namataan sa layong 605 kilometers ng Hinatuan, Surigao del Sur, hindi naman ito inaasahang lalakas pa at matutunaw na sa mga susunod na araw.

 

 

 

 

 

Read More

MAULAN NA PASKO ASAHAN — PAGASA

(NI ABBY MENDOZA)

ISANG low pressure area ang namataan ng Philippine Atmospheric Geophysical and Astronomical Services Administration (Pagasa) sa labas ng Philippine Area of Responsibility (PAR) na posibleng maging ika-21 bagyo na papasok ng bansa ngayong taon.

Ayon sa Pagasa kung hindi magbabago ang direksyon ng LPA  ay maaaring maging ganap na bagyo na magpapaulan sa malaking bahagi ng bansa sa araw ng Kapaskuhan.

Sa ngayon ang sama ng panahon ay namataan 2,000km  sa Mindanao, maaari itong pumasok ng PAR sa Martes, o Christmas eve subalit sa darating na weekend pa lamang ay maaari na itong magdala ng mga pag-uulan sa malaking bahagi ng Mindanao at Visayas .

Sinabi ni Pagasa weather forecaster Sheila Reyes na malayo pa ang sama ng panahon kaya hindi pa madetermina ng Pagasa ang dala nitong lakas ng hangin at ulan.

Samantala isa pang shallow LPA ang namonitor ng Pagasa sa Mindanao ngunit hindi ito inaasahang lalakas pa at matutunaw din sa mga susunud na araw.

Umiiral ang Easterlies sa Eastern Visayas at Caraga na nagdadala ng pag uulan sa lugar habang asahan pa rin ang maaliwalas na panahon sa Luzon kabilang ang Metro Manila sa susunod na 24-oras.

 

Read More

TAIL-END NG COLD FRONT MAGPAPAULAN SA N. LUZON

pagasa12

MAGANDANG balita na sa susunod na tatlong araw ay walang namataang sama ng panahon na makaaapekto sa bansa, ayon sa Pagasa.

Ayon sa 4am weather update ng Pagasa, ang tail-end of a cold front pa rin ang magdadala ng mga pag-ulan sa Silangan ng Hilagang Luzon.

Dahil sa nasabing weather system, maulap na kalangitan na may kalat-kalat na pag-ulan, pagkulog at pagkidlat pa rin ang mararanasan sa Cagayan kasama ang Babuyan Islands, Isabela at Apayao.

Posible ang mga pagbaha at pagguho ng lupa sa kasagsagan ng putol-putol na malalakas na pag-ulan.

Northeast monsoon o Amihan naman ang magdadala ng maulap na kalangitan na may mahihinang pag-ulan sa Cordillera Administrative Region, Ilocos provinces, Northern Aurora at nalalabing bahagi ng Cagayan Valley.

Sa Metro Manila at nalalabing bahagi ng bansa, maalinsangang panahon ang mararanasan na may posibilidad ng mga panandaliang pag-ulan dulot ng localized thunderstorms.

Nakataas ang gale warning at ipinagbabawal ang paglalayag sa mga baybaying dagat ng:
– Batanes
– Cagayan
– Babuyan Islands
– Isabela
– Ilocos Norte
– Ilocos Sur
– La Union
– Pangasinan
– Zambales
– Bataan
– Quezon kasama ang Pollilo Islands
– Camarines Norte
– northern at eastern coast ng Camarines Sur
– Catanduanes

 

Read More