BAGYONG ‘RAMON’ BUMAGAL; 1 PA NAKAABANG

BAGYONG SAMUEL

(NI JEDI PIA REYES)

NAPANATILI ng bagyong Ramon ang lakas nito habang mabagal na kumikilos patungong Cagayan area.

Batay sa huling severe weather bulletin ng Philippine Atmospheric, Geophysical and Astronomical Services Administration (PAGASA), inaasahang sa Linggo ng gabi o Lunes ng umaga tatama sa kalupaan ang bagyo sa dulong bahagi ng Cagayan province.

Inaasahang babayuhin ng bagyong Ramon ang Northern Luzon sa Martes bago lumabas ng Philippine Area of Responsibility (PAR) sa Miyerkoles. Ibinabala ng PAGASA ang mga pag-ulan simula sa Linggo hanggang Lunes.

Huling namataan ang mata ng bagyo sa layong 420 kilometro ng Silangan-Hilagang Silangan ng Casiguran, Aurora. Taglay nito ang lakas ng hangin na hanggang 75 kilometro kada oras at pagbugsong hanggang 90 kilometro kada oras.

Nakataas ang Tropical Cyclone Wind Signal no. 1 sa Silangang bahagi ng Cagayan (Santa Ana

Gonzaga, Lal-lo, Gattaran, Baggao at Peñablanca); Silangang bahagi ng Isabela (Maconacon

Divilacan, Palanan at Dinapigue); Hilagang Aurora (Dilasag, Casiguran at Dinalungan).

Samantala, patuloy namang binabantayan ang bagyong nasa labas pa ng PAR na may international name na Fengshen gayundin ang Northeast Monsoon o hanging Amihan.

 

 

 

Please follow and like us:
Read More

7 LALAWIGAN NASA SIGNAL NO 1; ‘RAMON’ LUMAKAS PA

BAGYONG USMAN-2

(NI ABBY MENDOZA)

MAS lumakas pa ang bagyong Ramon na isa nang tropical storm kung saan pitong  lalawigan ang isinailalim na sa Storm Warning Signal No 1.

Nasa ilalim ng tropical storm warning signal No 1 ang Eastern Samar, Northern Samar, Catanduanes, Camarines Sur, Camarines Norte, Albay at Sorsogon.

Ang bagyo ay huling namataan sa Catarman Northern Samar, taglay nito ang lakas ng hangin na 55 km/h at bugso na 70kph.

Asahan umano na magiging maulan sa nasabing lugar kaya ibinabala ng PAGASA na maaaring magkaroon ng landslides at pagbaha.

Ayon kay PAGASA Weather Division Chief Esperanca Cayanan, Bicol Region at Eastern Visayas ang madaraanan ng bagyo kaya ngayon pa lamang ay dapat na maghanda ang mga local government units at mga residente sa posibleng paglikas kung kinakailangan.

“‘Yun pong mga lugar na basa pa ‘yung kanilang kabundukan, matataas pa ‘yung mga tubig sa kanilang ilog at sa kanilang mga reservoir, ay kailangan po talagang tutukan. Dahil ‘yung ulan na nakikita po natin, hindi man ito tuloy-tuloy na malakas, pero may pagbugso…. Maaring umuulan pala doon sa bundok at ito ay magdudulot ng pagbaha doon sa kapatagan…so kailangan po natin magbantay, maging handa,” pahayag ni Cayanan.

Nakataas din ang gale warning na nagbabawal sa paglalayag sa  mga maliliit na sasakyang pandagat kabilang sa Batanes, Cagayan, Babuyan Islands, Ilocos Norte, Ilocos Sur,Isabela, Aurora at Camarines Provinces.

Kung hindi magbabago ng direksyon ang bagyo ay inaasahang sa araw ng Sabado ito lalabas ng Philippine Area of Responsibility.

 

Please follow and like us:
Read More

SA LOOB NG 48-ORAS, ‘RAMON’ LALAKAS PA

rain

(NI ABBY MENDOZA)

TULUYAN nang naging bagyo ang Low Pressure Area (LPA) sa Virac, Catanduanes at pinangalanan itong bagyong  Ramon, ang ika 18 bagyo na pumasok sa bansa.

Ayon sa Philippine Atmospheric, Geophysical, and Astronomical Services Administration (Pagasa), ang bagyo ay huling namataan 835km Silangan ng Virac, Catanduanes at 685 km Silangan ng Borongan City sa Eastern Samar.

Kumikilos ito sa bilis na 10kph taglay ang lakas ng hangin na 55kph at bugso na 77kph.

Lalakas at magiging tropical storm ang bagyo sa loob ng 48-oras kung saan unang isasailalim sa Signal No 1 ang lalawigan ng Samar.

Itinaas din ng Pagasa ang gale warning signal sa eastern seaboards ng Central Luzon, Southern Luzon, at Visayas.

Inaasahang makararanas ng katamtaman hanggang malakas na pag-uulan ang Bicol, Romblon,

Marinduque at Quezon gayundin ang Isabela, Quirino, Aurora, Polilo Island, Camarines Norte at mahina pero tuloy tuloy na pag-uulan sa Aklan, Capiz, Romblon at Marinduque.

 

Please follow and like us:
Read More

MAANGAS NA AKTOR NAHIMASMASAN, BAIT-BAITAN PARA IWAS TSUGI

olea(NI JERRY OLEA)

BULUNG-BULUNGAN na nagtalakan ang isang coño actor at beteranong direktor sa taping ng isang drama series.

Angas-angasan kasi ang coño actor. May attitude. Pero in fairness, nahimasmasan siya.

Ayon sa aming source, nag-usap nang mahinahon at masinsinan si direk at ang coño actor.

Nangako ang coño actor na magbe-behave na siya alang-alang sa kanilang drama series.

 

Please follow and like us:
Read More

BAGYONG QUIEL NAKALABAS NA NG BANSA

BAGYONG USMAN-2

KANINANG alas-5:00 ng madaling araw ay nakalabas na ng Philippine Area of Responsibility (PAR) ang Bagyong Quiel.

Ayon sa 5am weather update ng Pagasa, huling namataan ang bagyo sa layong 590 kilometro Kanluran ng Coron, Palawan.

May taglay pa rin nito ang lakas ng hanging aabot sa 120 kilometro malapit sa gitna at pagbugsong aabot sa 150 kilometro bawat oras.

Mabagal na kumikilos ang Bagyong Quiel sa direksyong pa-Kanluran at tinatahak ngayon ang bansang Vietnam.

Sa kabila nito, nakakaapekto pa rin ang Tail-End of a Cold Front sa Northern Luzon.

Makararanas pa rin ng kalat-kalat na pag-ulan, pagkulog at pagkidlat sa Ilocos Region, Cordillera Administrative Region (CAR) at Cagayan Valley Region.

Maalinsangang panahon naman ang mararanasan sa Metro Manila at nalalabing bahagi ng bansa. Magkakaroon din ng mga panandaliang pag-ulan sa hapon o gabi na dulot ng localized thunderstorms.

Nakataas ngayon ang gale warning at ipinagbabawal ang paglalayag sa mga baybaying dagat ng mga sumusunod na lugar:
• Batanes
• Calayan
• Babuyan
• Cagayan
• Ilocos Norte
• Ilocos Sur
• Isabela
• La Union
• Pangasinan
• Zambales
• Bataan
• Cavite
• western coast ng Batangas
• Occidental Mindoro
• at Palawan

Please follow and like us:
Read More

SEVERE TROPICAL STORM NA SI ‘QUIEL’

ulan55

(NI ABBY MENDOZA)

ITINUTURING nang isang severe tropical storm ang bagyong Quiel na maghahatid ng pag-uulan subalit hindi magla-landfall.

Ayon sa Philippine Atmospheric Geophysical Astronomical Services Administration (Pagasa) huling namataan ang bagyo sa Coron, Palawan, kumikilos ang bagyo sa bilis na 15kph, taglay ang lakas ng hangin na 95kph at bugsong 115kph.

Nakararanas ng katamtaman hanggang malakas na pag-uulan sa Cagayan kabilang ang Babuyan Islands at Kalinga, Apayao, Ilocos Norte, Zambales, Bataan, Palawan, Mindoro provinces, Antique, Iloilo at Guimaras.

Nagbabala ang PAGASA ng pagbaha at landslide sa lugar dahil sa magiging tuloy tuloy na pag-uulan sa buong araw ng Biyernes.

Itinaas din ng Pagasa ang travel warning sa northern at western seaboards dahil sa malalakas na alon.

Inaasahang sa Sabado ng umaga ay lalabas na ng Philippine Area of Responsibility (PAR) ang bagyo.

 

Please follow and like us:
Read More

LPA PATULOY NA MAGPAPAULAN — PAGASA

lpa12

(NI KIKO CUETO)

PATULOY na magpapaulan ngayong araw ang low pressure area na tumawid sa central Philippines.

Huli itong namataan sa Sulu Sea, may 150 kilometro west southwest ng Dumaguete City, Negros Oriental.

Tumawid ito sa Palawan, ayon kay PAGASA weather specialist Loriedin Dela Cruz.

Ang Metro Manila, Calabarzon, Mamaropa, Bicol Region, Zamboanga Peninsula, Visayas at ang mga probinsya ng Basilan, Sulu at Tawi-Tawi ay makakaranas ng kalat-kalat na ulan na kulog at pagkidlat.

Bukas ay inaasahang lalabas ng Philippine Area of Responsibility ang LPA.

Inaasahang lalakas ito paglabas ng bansa.

Magdadala ito ng buhos ng ulan sa Batanes at Babuyan Group of Islands.

 

Please follow and like us:
Read More

BAGONG BAGYO BINABANTAYAN

BAGYONG USMAN-2

(NI KIKO CUETO)

MAY binabantayan na bagong sama ng panahon ang Pagasa sa loob mismo ng Philippine area of responsibility (PAR).

Namataan ang Low Pressure Area 940 kilometers east-southeast ng Hinatuan, Surigao del Sur.

Sinabi ni Pagasa weather specialist Aldczar Aurelio, maliit naman ang tsansa na maging isa itong bagyo.

Pero magdadala ito ng ulan sa bahagi ng Bicol Region, Visayas at Mindanao ngayong araw.

Ang northeast monsoon o amihan ang magdadala naman ng ulan sa Ilocos Region, Cordillera Administrative Region at Cagayan Valley.

Maaliwalas na panahon naman ang aasahan sa Metro Manila at nalalabing bahagi ng bansa.

 

Please follow and like us:
Read More

AMIHAN SEASON SIMULA NA — PAGASA

(NI DAHLIA S. ANIN)

OPISYAL  nang nagsimula ang tag-lamig o panahon ng Amihan/Northeast Monsoon sa bansa, ayon sa Pagasa.

“Sa mga darating na Lingggo at buwan ay posibleng makakaranas na tayo ng mas malamig na temperatura, mga mahihinang pag-ulan pero hindi parin natin niru-rule out ang posibilidad ng bagyo sa Nobyembre at Disyembre,” ayon kay Pagasa weather Specialist Chris Perez sa isang panayam.

Hindi pa tiyak ng ahensya kung kailan dadako sa Metro Manila ang Amihan.

“Una pong mararanasan muna natin yung colder early morning temperatures dito sa may bandang dulong Hilagang Luzon dahil sa ngayon yun pa lang yung extent ng Amihan na nakikita natin,” dagdag pa ni Perez.

Ang panahong ng Amihan ay kadalasang tumatagal hanggang kalagitnaan ng buwang ng Pebrero at kung minsan ay umaabot pa sa unang Linggo ng Marso ay magdadala ng mga mahinang pag-ulan.

Pinahihina din nito ang bagyo na tutungo sa direksyon ng Hilaga dahil sa mainit at basa-basang hangin na dala nito.

Samantala, isang low pressure area (LPA) sa labas ng Philippine Area of Responsibility (PAR) ang binabantayan ng PAGASA at huli itong namataan sa layong 1, 395 kilometers Silangan-TimogSilangan ng Davao del Sur.

Kung sakali umanong pumasok sa PAR ang bagyo ay tutumbukin nito ang Central at Southern part ng ating bansa.

 

Please follow and like us:
Read More