COMMAND RESPONSIBILITY SA BOC HINILING

(NI BERNARD TAGUINOD)

UPANG maging matagumpay ang paglilinis sa mga tiwali sa Bureau of Customs (BOC), kailangang seryosong ipatupad ang “command responsibility” o panagutin din ang mga opisyal ng mga empleyadong nasasangkot sa korupsyon.

Ito ang iginiit nina Paranaque Rep. Joy Tambunting at Gabriela party-list Rep. Arlene Brosas kasunod ng pagsibak ni Pangulong Rodrigo Duterte sa 64 empleyado ng BOC administrative section dahil umano sa katiwalian.

“The BoC is an agency known for corruption. The government must take decisive action in rooting out corruption in this agency. Command responsibility should be observed,” ani Tambunting.

Bago ang pagsibak ni Duterte sa 64 administration section employees ng BOC, sinibak ni Commissioner Rey Leonardo Guerrero ang kanyang Chief of Staff (COS) na si Teodoro Jumamil dahil umano sa katiwalian.

Ayon kay Brosas, hindi lang umano ang mga nabanggit na empleyado ang dapat managot sa hindi matigil-tigil na katiwalian sa BOC kundi isama umano ang kanilang amo dahil sa doktrina ng command responsibility kung saan dapat managot ang mga boss sa maling ginagawa ng kanilang mga tauhan.

“Commissioner should be directly liable for this corruption), but we all know that corruption is deeply ingrained in many of the agencies in government, especially in the BoC,” ani Brosas.

Kahit hindi umano sangkot sa katiwalian ang mga amo o namumuno sa isang ahensya tulad ng BOC kung nasasangkot sa katiwalian ang mga taong pinamumunuan nito ay dapat ding managot umano ang mga ito.

“Dapat lamang accountable at naparurusahan ang mga nagkasala sa bayan lalo pa at korapsiyon ang pinag-uusapan. The problem lies in the system of corruption. Kahit pa palitan niya (President Duterte) ng mga militar lahat diyan, it will not resolve the problem. Kapag hindi kabisado ang trabaho, nakalulusot ang mga sindikato. The fight for corruption is having good credible and with integrity people in governance and a fool proof system against corruption,” ayon pa kay Brosas.

Please follow and like us:

SONA SPEECH NI DU30 70% NANG TAPOS –PCOO

4 hours ago4 hours ago Jet

(NI BETH JULIAN)

NASA 60 hanggang 70 percent nang tapos ang speech ni Pangulong Rodrigo Duterte para sa ikaapat niyang State of the Nation Address (SONA) sa July 22.

Ayon kay Presidential Communications Operations Office (PCOO) Secretary Martin Andanar, inaasahan na itong darating na weekend ay matatapos na ang gagamiting talumpati ng Pangulo kung saan nakapaloob dito ang kanyang legacy at ang kanya pang magandang plano para sa nalalabing tatlong taon pa bilang Pangulo ng bansa.

“We’ve sent messages from the Presidential Management Staff (PMS), they’re asking us to vet some information at least from the Presidential Communications Operations Office. Some messages were also sent to other departments to vet. This is what they want the President to at least read. Once everything’s vetted, it is when the speech writing begins,” pahayag ni Andanar.

“The speech writing will be…60 to 70 percent complete by the end of this week or during the weekend. We should have at least a briefing with the President on the speech and with the director, Joyce Bernal,” dagdag pa ni Andanar.

“Sa speech ng Pangulo, bringing poverty right down from 21 to 14 percent, and making the economy upper middle class by the end of his term,” ayon pa kay Andanar.

“Second would be the infrastructure projects, ‘Build, Build, Build,’ we really have to have hard infrastructure projects at the end of the day. And thirdly, there’s the peace and order highlighting the National Task Force to End Local Communists Armed Conflict. Because you can never have progress without peace and order—I think dyan tututok ang Presidente sa mensahe na yan (the President will focus on that message),” dagdag pa ni Andanar.

Inihayag din ni Andanar na posible ring talakayin ang usapin sa West Philippine Sea.

“It’s possible. But, what’s really important is how the President will be able to, also send the message again to the entire nation about our independent foreign policy— being friends to all and enemies to none — and it’s really worked on our side so far. We’ve received good trading deals with China and we’ve received more economic packages from Japan,” paliwanag pa ni Andanar.

“Our economy looks great, and people and different investors from different countries are investing in the Philippines. And I think, I believe that it is a result of that independent foreign policy — we’re friends to all, enemies to none,” dagdag pa nito.

Kumpiyansa si Andanar na bilang abogado, alam ng Pangulo ang ginagawa niya pagdating sa bilateral relations ng Pilipinas sa China.

“It is essentially the preservation of the life of the Filipino people that is most important as his constitutional duty. Sinasabi niya parati: Handa na ba tayong makipag giyera sa China? Hindi tayo handang makipag giyera sa China dahil kapag nakipag giyera tayo sa China, wala pang limang oras, pulbos na tayong lahat, mga Pilipino. Are we ready to go to war with China? We are not ready to go to war with China, because when we go to war with China, in less than five hours, we are wiped out, us Filipinos…His constitutional mandate is to protect the Filipino, life of every Filipino and that’s it, and he’s coming from that argument.”

Please follow and like us:

16.6-M BUMOTO KAY DU30 NADARAGDAGAN — SOLON

11 hours ago17 hours ago Jet

(NI BERNARD TAGUINOD)

IMBES na mabawasan ang 16.6 million Filipino na bumoto kay Pangulong Rodrigo Duterte noong 2016 presidential election, lalo pa itong nadaragdagan habang tumatagal.

Ganito inilarawan ni Ako Bicol party-list Rep. Alfredo Garbin Jr., ang resulta ng Pulse Asia survey kung saan nakakuha si Duterte ng 85% trust at performance ratings sa gitna ng mga mga kontrobersya na ipinupukol dito.

“The high approval rating President Rodrigo Roa Duterte earned clearly shows he has gained the support not just of the 16.6 million who voted for him three years ago,” ani Garbin.

Katumbas ito ng halos 8 sa bawat 10 Filipino na ang nagtitiwala at aprubado sa mga ito ang mga ginagawa ni Duterte sa gobyerno kaya ayon kay Garbin, 3% hanggang 4% na lamang ang minorya.

TRUST AT PERFORMANCE RATING NI DUTERTE BAKA GAMITIN SA CHA CHA PERO…

Nababahala naman ang mga militanteng mambabatas na gamitin ng gobyerno ang mataas na rating ng Pangulo para ikasa ang Charter Change (Cha Cha) para sa interes ng China.

Gayunpaman, sinabi ni Bayan Muna chair Neri Colmenares, hindi magiging dahilan ang pagtitiwala ng mga Filipino kay Duterte para iabandona na ang laban kontra sa Cha Cha.

“Even with the still high popularity of Pres.Duterte, 9 out of 10 Filipinos believe that we should assert our sovereignty and Cha-cha is a way of surrendering it. Filipinos draw the line when it comes to fighting against foreign oppressors like China and the US,” ani Colmenares.

Indikasyon ito na bagama’t sinusuportahan ng taumbayan si Duterte ay nais pa rin ng mga Filipino na ipagtanggol ang soberenya ng Pilipinas laban sa China at maging sa Amerika.

Please follow and like us:

FOREIGNER NA SASALI SA RALLY IPADEDEPORT

16 hours ago18 hours ago Jet

(NI FROILAN MORALLOS)

NAGBABALA si Jaime Morente Commissioner ng Bureau of Immigration (BI) sa lahat ng mga dayuhan na iwasan sumali sa mga political activity sa bansa , partikular sa nalalapit na State of the nation Address (SONA) ni Pangulong Rodrigo Duterte .

Sinabi ni Morente na ito ay paulit-ulit nang reminder sa naturang prohibition upang hindi na maulit ang nangyaring insidente noong mga nakaraang administrasyon na ilan sa mga foreigner ang naipa-deport nang sumali ang mga ito sa mga protesta at mass action.

Aniya ang kautusan ay bilang warning sa mga dayuhan para maiwasan muli ang mga pangyayari na humantong sa deportation sa ilang foreigner na sumali sa mass protest laban sa pamahalaan.

Dagdag pa nito, ang mga turista o mga dayuhan ay walang karapatan na sumali sa mga demonstration , sapagkat ito ay isang pagpapakita sa kawalan ng respeto sa otoridad o pakikialam sa internal affairs ng Pilipinas.

Noong 2013, isang Dutch citizen na si Thomas van Beersum at Canadian student Kim Chatillom Miller ay ipina-deport dahil sumali ang mga ito sa anti-SONA rally .

Maging si Patricia Fox na isang Australian nun ay hindi na pinayagan ng Bureau of Immigration sa kanyang renewal ng kanyang visa dahil nilabag nito ang kondisyong ipinagkaloob sa kanya ng pamahalaan dahil sa pagsali sa mass action , habang sina Zimbabwean Tawanda Chandiwana, American Adam Thomas Shaw, at Malawian Miracle Osman ay ipina-deport dahil sa pagsali sa leftist activities noong taon 2018.

Ipinagbababwal sa ilalim ng BI Operations Order No. SBM-2015-025 , sa mga foreigners na sumali sa political activities habang naririto sila sa bansa.

Please follow and like us:

DU30: MILITAR ANG GUSTO KO ILAGAY SA DA

19 hours ago19 hours ago Jet

(NI BETH JULIAN)

MADALING utusan at mabilis umaksiyon.

Ito ang basehan ni Pangulong Rodrigo Duterte kaya nais niyang isang militar ang iupo bilang bagong kalihim ng Department of Agriculture (DA).

Sa pahayag, sinabi ng Pangulo na sa ngayon ay naghahanap na siya kung sino ang ipapalit sa puwesto kapalit ni dating Agriculture secretary Manny Pinol.

Giit ng Pangulo na mas kampante siya kung dating militar ang iuupo niya sa kanyang Gabinete, gaya ng iba pang miyembro ng Gabinete na pawang mga retired generals.

“I’m scouting around. I feel maybe again a military man. Kasi madali mag-utos, magtrabaho. Pinol is a very good Cabinet member. Ang problema, wala akong tao, there’s nobody on my side talking to the BARRM to make the necessary arrangements for this entity to grow and their needs,” paliwanag ng Pangulo.

Si Pinol ay magsisilbing tulay ng pamahalaan sa Bangsamoro Autonomous Region in Muslim Mindanao (BARMM) para mabilis na maiparating ang mga pangangailangan nito at para sa mabilis na pag-usad ng rehiyon.

Dito ay kinikilala ng Pangulo ang kakayahan ni Pinol para tumulong sa pagbangon ng Bangsamoro Autonomous Region in Muslim Mindanao.

Please follow and like us:

BAHAY, NEGOSYO, TRABAHO, ‘PROMISE’ NI DU30 SA REBELDE

20 hours ago24 hours ago Jet

(NI BETH JULIAN)

NANGAKO si Pangulong Rodrigo Duterte na bibigyan ng pabahay, trabaho at kabuhayan ang mga rebeldeng susuko sa pamahalaan.

Ito ang paraan ng Pangulo para makumbinsi ang mga rebelde na magbalik-loob sa pamahalaan at magbangong buhay.

Sinabi rin ng Pangulo na handa siyang makipag-usap sa local communist leaders.

Kasabay nito, nagbabala naman si Duterte sa mga may-ari ng lupang nakatakdang isailalim sa agrarian reform at tutol sa pamamahagi nito sa mga benepisyaryo.

Sa kanyang talumpati sa Tagum City, iginiit ng Pangulo na nararapat lamang na maibigay na ito sa mga benepisyaryo.

Sinabi pa ng Pangulo na may ilang mayayaman sa ilang siyudad at probinsya ay tinatapik ang ilang armadong grupo para kontrahin ang land reform.

Alam ng Pangulo na may insurgency problem sa bansa dahil na rin sa kakulangan ng gobyerno sa pagbibigay sa publiko ng serbisyo.

Hinimok ng Pangulo ang National Task Force to End Local Communist Armed Conflict, Task Force Balik-Loob at kanilang local counterparts na mag-doble kayod para resolbahin ang insurhensya.

Please follow and like us:

KUDETA SA 18TH CONGRESS OPENING, MALABO – SOLON

22 hours agoJuly 17, 2019 Jet

(ABBY MENDOZA)

MARIING itinaggi nina Albay Rep. Joey Salceda at Anakalusugan Rep. Mike Defensor na may mangyayaring kudeta o pag-aaklas sa pagbubukas ng 18th Congress sa Lunes.

Paliwanag ni Salceda, malabo ang sinasabing kudeta lalo at malinaw ang naging pahayag ni Pangulo Rodrigo Duterte na magkaroon ng term sharing sa House Speakership at mauuna si Taguig Rep Alan Peter Cayetano.

Giit naman ni Anakalusugan Rep. Mike Defensor sinabi nito na inirerespeto ng mga kongresista ang naging pag endorse ng Pangulo kina Cayetano at Marinduque Rep. Lord Allan Velasco bilang House Speaker kaya malayong may mangyaring kudeta.

Sa ngayon ay naayos na umano ang organization sa Kamara kabilang dito ang magiging mga Deputy Speakers at sa Lunes ay paplantashin na kung sinu- sino ang hahawak ng mga Committee Chairmanship.

Nauna nang inihayag ni Presidential son at Davao City Rep. Paolo Duterte na mayroong speaker aspirant ang maaring magpasimuno ng kudeta sa mauupong lider ng Kamara sa pagbubukas ng 18th Congress subalit malambot naman ang posisyon dito ng mga mambabatas dahil mismong ang Pangulo na umano ang nagsalita sa kung sino ang House Speaker.

Samantala, patuloy ang preparasyon sa Batasan Complex para sa State of the Nation Address.

Nabatid na mga awiting naging bahagi na ng kasaysayan ang sasalubong sa mga dadalo sa ika-apat na SONA ng Pangulo.

Sinabi ni Cultural Center of the Philippines President Arsemio Lizaso na tutugtog sa mismong araw ng SONA ang Philharmonic Orchestra at kundiman ang kanilang aawitin para sa mga panauhin.

Aniya, libre ang kanilang gagawing pagtatanghal upang mapanood ito ng publiko.

Pupuwesto ang mga ito sa main lobby ng House of Representatives kung saan magsisimula silang magtanghal ganap na alas 2:00 ng hapon hanggang bago magbukas ang Joint Session ng 18th Congress.

Please follow and like us:

PUBLIKO TIWALA PA RIN KAY DU30- PULSE ASIA

23 hours agoJuly 17, 2019 Jet

(NI BETH JULIAN)

SA kabila ng mg kontrobersya, nananatili bilang pinaka-pinagkakatiwalaang opisyal ng gobyerno si Pagulong Rodrigo Duterte.

Ito ang inilabas na report ng Pulse Asia base sa kanilang survey noong June 24 hanggang June 30 mula sa 1,200 adult respondents.

Isinagawa ang surveys sa kasagsagan ng isyu ng banggaan ng Chinese vessel at bangkang pangisda ng mga Pinoy sa Recto Bank.

Dito ay matindi ang sinapit na batikos ng Pangulo dahil umano sa pagpanig sa mga Chinese.

Sa survey ay nakakuha ang Pangulo ng 85 percent approval at trust rating.

Nakakuha naman si Vice President ng 55 percent approval at 52 percent trust rating habang si Senate President Tito Sotto naman ay nakakuha ng 75 percent approval rating at 73 percent trust rating.

Nakakuha naman ng pinakamamabang approval at trust rating si Speaker Gloria Macapagal Arroyo na may 26 percent lamang na approval rating at 22 percent na trust rating.

Habang si Supreme Court Lucas Bersamin naman ay may 41 percent approval rating at 35 percent trust rating.

Sa 1,300 na respondent, three percent lamang ang disapproval ni Pangulong Duterte habang 4 percent lamang din ang nasabing wala silang tiwala.

Ang survey result ay may plus minus percent na marginal error.

Please follow and like us:

BAGYONG ‘FALCON’ ‘DI NAKATULONG SA ANGAT DAM

24 hours agoJuly 17, 2019 Jet

(NI DAHLIA S. ANIN)

KAHIT na tatlong araw na sunud- sunod na pag-ulan ang naganap dala ng bagyong Falcon, mas mababa pa rin sa critical level ang antas ng tubig sa Angat Dam.

Sa pinakahuling tala ng Pagasa dam monitoring report, mas bumaba pa sa 158.38 metro ang tubig sa dam mula sa 158.69 noong Martes ng umaga.

Pati ang La Mesa Dam ay bumaba rin sa 72.53, mula sa 72.55 Martes ng umaga.

Maging ang ilang dam sa Luzon ay minomonitor din ng Pagasa.

Ang Ipo Dam ay bumaba din sa 99.35 mula sa 99.36 noong Martes.

Gayundin ang Binga Dam, mula 568.65 naging 567.69 ito. Ang Ambuklao Dam naman ay tumaas mula sa 741.48 tumaas ito sa 741.76.

Nanatili naman sa 230.55 ang San Roque Dam habang ang Pantabangan Dam ay bumaba sa 188.89 mula sa 188.98 at ang Magat Dam ay bumaba din ang antas sa 180.39 mula sa 180.44.

Please follow and like us: