ANAK NG DAVAO ORIENTAL GOVERNOR HULI SA DROGA

davao oriental

ARESTADO ang anak ni Davao Oriental Governor  Nelson Dayanghirang sa drug bust sa Davao City.

Sa halip kunsintihin, pinuri pa ng gobernador ang mga arresting officers para sa isang ‘job well done.’

Sa statement, sinabi ni Dayanghirang na ang kanyang anak na si Jossone Michael Dayanghirang, 32, ay inaresto at kailangang harapin ang kanyang pagkakamali.

Ayon kay Davao City Police Director Alexander Tagum, umaabot sa 13 gramo ng shabu na nagkakahalaga ng P208,000 ang nabawi sa batang Dayanghirang.

Kinumpirma ng gobernador na anak niya ang naaresto noong Miyerkoles ng hapon sa isang drug bust sa Juna Subdivision, Davao City.

Si Jossone Michael ay lumaki umano sa kanyang ina at nang malaman na gumagamit ito ng droga ay ipinasok ito sa rehabilitation facility ngunit sa kabila nito ay nagpatuloy pa rin sa kanyang bisyo ang batang Dayanghirang.

Si Dayanghirang na isang reeleksiyunista  sa ilalim ng Naciolista Party ay nagsasagawa ng mga hakbang upang masugpo ang droga sa lugar at hindi umano exempted ang anak niya sa ipinatutupad na batas.

Read More

BAGYONG ‘CHEDENG’ PUMASOK NA NG PAR

pagasa12

(NI ABBY MENDOZA)

NASA Philippine Area of Responsibility(PAR) na ang bagyong ‘Chedeng’ na inaasahang magla-landfall sa Davao Oriental sa Lunes ng gabi o Martes ng umaga.

Ayon sa Philippine Atmospheric Geophysical Astronomical Services Administration (Pagasa), pumasok ng PAR ang tropical depression ‘Chedeng’ taglay ang lakas ng hangin na 45 kph at bugso na 60 kph. Huli itong namataan 980 km East ng Mindanao.

Asahan umano ang kalat-kalat na pag-uulan sa Davao Oriental, Surigao del Sur at ilang bahagi ng Mindanao.

Inabisuhan ng Pagasa disaster risk reduction and management office at mga residente sa daraanan ng bagyo na mag-ingat sa posibleng pagbaha at landslide.

Ipinagbabawal din ang paglalayag ng maliliit na sasakyang pandagat.

Sa weather bulletin  ng Pagasa, sinabi nito na kung patuloy na kikilos ng 25 kph ang bagyo ay maaari itong tumama sa lupa sa Davao Oriental subalit kung magbabago ng direksyon ay maaaring humina ito at maging isang low pressure area na lamang bago tumama sa lupa.

Read More

WALANG PINSALA SA 5.9 LINDOL SA DAVAO ORIENTAL

davao

WALANG naitalang pinsalang dulot ng 5.9 lindol na tumama sa Davao Oriental Miyerkoles ng madaling araw, ayon sa Philippine Institute of Volcanology and Seismology (Phivolcs) said.

Naramdaman ang lindol bandang alas-4:03 ng madaling araw may 127 kilometro  sa southeast ng Governor Generoso town.

Sinabi ng Phivolcs na tectonic ang pinagmulan ng pagyanig na may lalim na 114 kilometers at sinasabing aftershock pa ng magnitude 7.2 earthquake na tumama sa Davao Oriental noong December 29.

Naramdaman naman ang Intensity 4 Davao City at San Josefa, Agusan del Sur.

Intensity 3 sa Alabel, Sarangani habang intensity 2 sa General Santos City, Kiamba, Sarangani, Kidapawan City, Gingoog City, at Tupi, South Cotabato.

Read More

143 AFTERSHOCKS NAITALA SA DAVAO ORIENTAL

davao500

(NI ARDEE DELLOMAS) UMABOT sa mahigit 140 aftershocks ang naitala kasunod ng magnitude 7.2 na lindol sa Davao Oriental kahapon ng tanghali.

Ayon kay Philippine Institute of Volcanology and Seismology (PHIVOLCS) director Renato Solidum,143 aftershocks na ang kabuuang bilang na kanilang naitatala hanggang kaninang als-6:00 ng umaga.

Sa naturang bilang karamihan umano ay hindi naramdaman.

Kabilang sa naitalang aftershocks ay magnitude 5.6 lindol na yumanig sa coastal area ng Davao Oriental dakong 5:13 pm kahapon.

Ayon kay Solidum, ang nangyaring malakas na lindol ay bunsod ng downward movement sa tail-end ng Philippine Trench sa Philippine Sea. Ang paggalaw na ito ay nagdulot nang paggalaw pataas ng converging boundaries sa naturang area. Kaya agad naglabas sila ng tsunami advisories at hindi warning o panawagan na mag-evacuate ang mga residenteng malapit sa lugar, dahil hindi umano inaasahan na tataas sa isang metro ang inaasahang tsunami.

 

Read More

RESIDENTE SA COASTAL AREAS ‘DI PA PINABABALIK MATAPOS ANG LINDOL

davao

HINDI pa rin pinababalik ng Philippine Institute of Volcanology and Seismology (PHIVOLCS) ang mga residente sa Davao Oriental na nakatira sa tabing dagat kasunod ng 7.2-magnitude earthquake na tumama sa baybayin ng Governor Generoso bandang alas-11:39 ng tanghali.

Sa Tsunami Information No. 2 na inilabas ng ala-1:42 p.m., sinabi ng PHIVOLCS na wala silang nakitang pagbabago sa taas na alon sa mga dalampasigan.

Gayunman, hindi pa rin umano ligtas sa posibleng tsunami ang mga residente doon. Kabilang sa mga probinsiyang minamatyagan sa posibleng tsunami ang: Surigao Del Norte Surigao Del Sur; Davao Oriental; Compostela Valley; Davao Del Norte; Davao Occidental; Davao City Davao Del Sur; Sarangani; South Cotabato

Read More

DAVAO ORIENTAL NIYANIG NG 7.2 LINDOL

lindol

NIYANIG ng magnitude 7.2 earthquake ang Davao Oriental Sabado ng alas- 11:39  ng tanghali, ayon sa Phivolcs.

Ayon sa USGS, ang lindol ay tumama sa 101 kilometers southeast ng Pondaguitan.

Magre-release ang Phivolcs ng tsunami warning dahil sa lakas ng lindol. Inaasahan na din ang aftershocks.

Naramdaman ang lindol na intensity IV sa General Santos, intensity III sa Kidapawan at intensity II sa Surigao area.

Read More