PAYDAY FRIDAY LUMIKHA NG MATINDING TRAFFIC SA EDSA

traffic
0

(NI LYSSA VILLAROMAN)

NAGDULOT ng matinding traffic ang payday Friday na nagsimula ng tanghali sa mga motorista na dumadaan ng EDSA.

Ayon sa Metropolitan Manila Development Authority (MMDA) bukod sa payday Friday na siyang naging dahilan ng mabigat na daloy ng traffic ay sinabayan pa ito holiday rush dahil sa mga taong naghahabol sa pagbili ng regalo at mga dumadalo sa mga Christmas parties.

Ayon sa MMDA naitala nila gamit ang kanilang navigation apps, nasa 12 kilometro kada oras ang average speed ng mga sasakyan sa EDSA.

“Bawat oras parang rush hour na po. Payday Friday, nagmistulang ‘Friday the 13th’.  Marami na pong events na nangyayari left and right gaya ng Christmas parties,” ani MMDA spokesperson Celine Pialago.

Ayon pa kay Pialago sa North EDSA kung nasaan ang ilang malalaking malls ay namuo ang trapiko tanghali pa lang.

Dagdag pa ni Pialago na ang ilang motorista ay nagtitiis na lang sa pagko-commute imbes na gumamit ng ride-hailing service lalo’t nagtriple ang pamasahe dito.

Ani pa ni Pialago na sa ngayon ay nakatutok ang mga tauhan ng MMDA sa mga choke point ng EDSA mula Balintawak, North EDSA, Cubao, Ortigas, Shaw, Pasay, at Taft, maging sa mga paligid ng malls.

 

Read More

BALIK-PASAWAY; MMDA NAGSAGAWA MULI NG CLEARING OPERATIONS

MMDA ILLEGAL PARKING
0

(NI LYSSA VILLAROMAN)

MULING nagsagawa ng clearing operation ang Metropolitan Manila Development Authority (MMDA) laban sa street vendors at mga illegally parked vehicle na muling nagbalikan sa bawal na puwesto.

Ang MMDA ay naunang nagsagawa ng clearing operation sa Carlos Palanca Street, na parte ng Mabuhay Lane Route 6 subalit nagsibalikan muli ang mga street vendor at mga illegally parked vehicle.

Ayon sa MMDA ang Mabuhay or Christmas lanes ay alternatibong ruta sa mga kilalang lugar para sa holiday shopping upang mabawasan ang oras ng biyahe.

Sa pahayag ni Rene Homecillada, ng MMDA, sila ay muling nagsagawa ng clearing operation sa naturang lugar matapos na muling nagsibalikan ang santambak na street vendors at sinabayan pa ng mga sasakyan na illegally parked.

“No’ng nakaraan malinis na ‘yung Avenida at saka ‘yung Quiapo. Ngayon bumalik na naman sila, so araw-arawin din naming i-operate ‘yung lugar na ito,” ani Homecillada.

Ayon pa kay  Homecillada, maari naman tubusin ng mga vendor ang kanilang mga nakumnpiskang paninda sa MMDA impounding area sa Pasig City.

Subalit ,pahayag naman ng mga vendor na wala silang sapa na pera upang tubusin ang kanilang paninda kasama na rin ang kanilang gastos papuntang Pasig galing ng Manila.

“Ang layo-layo, ang dami pang proseso bago namin makuha. Magkano lang sahod namin dito, pupuntahan pa namin doon,” ayon sa pahayag ng isang vendor.

Kahit na naghigpit ang MMDA ay patuloy pa rin ang isinasagawng clearing operation bilang tugon sa utos ni Pangulong Rodrigo Duterte ay marami pa rin ang matitigas ang ulo na nag-iiwan ng kanilang mga sasskyan sa mga major pathway.

Sa pahayag naman ni Interior and Local Government (DILG) Undersecretary Jonathan Malaya, pinaplano na rin nila ang pag-implementa muli ng nationwide road clearing operations.

 

Read More

PARA IWAS-TRAFFIC; BYAHE PLANUHIN — MMDA

0

(NI LYSSA VILLAROMAN)

INIHAYAG ng Metropolitan Manila Development Authority (MMDA) na walang dapat katakutan sa matinding traffic na mararanasan sa pagbubukas ng 30th Southeast Asian Games, bukas, sa Philippine Arena, Bocaue, Bulacan.

Inabisuhan ni MMDA traffic czar, Bong Nebrija, ang publiko na planuhin ang kanilang biyahe o di kaya ay sumakay na lang bus upang maiwasan ang traffic dahil sa pag-implementa ng stop-and-go scheme at ng mga alternatibong ruta.

Sinabi rin ni Nebrija na sa ilalim ng stop-and-go scheme ang traffic ay pipigilin ang pagdaan ng sasakyan ng mga delegado at muling ipagpapatuloy lang ang daloy ng trapiko matapos na makalagpas na ang sasakyan ng mga delegado.

“There’s really no need to be scared of the traffic. Ang kailangan lang po natin talaga is planuhin natin yung travel time natin tomorrow. Kung pupunta kayo ng mall… you could go there early para hindi na kayo sasabay sa traffic ng hapon na magkakaroon tayo ng stop-and-go,” ayon kay Nebrija.

Sinabi rin ni Nebrija na ang MMDA ay magpapakalat 95 na tauhan sa kahabaan ng EDSA bilang dagdag sa mga nakakalat ng 325 na MMDA enforcer.

Dagdag pa ni Nebrija na pumayag na rin ang Department of Public Works and Highways na itigil muna ang kanilang isinasagawang road works subalit meron din naman na kailangan ipagpatuloy dahil sa safety issue.

Inamin din ni Nebrija na kahit nag-umpisa na ang holiday rush ay pansamantalang naka-focus sila ngayon sa SEA games.

“We will be on our toes to manage this, pero as of now hindi pa talaga kami naka-Christmas mode, nasa SEA games mode pa lang kami,” ayon kay Nebrija.

Dagdag pa ni Nebrija sa kanilang pagprepara sa holiday season ay kasama na ang adjusted mall hours at ang kanilang kahilingan sa mga mall owners na mag-provide ng shuttles para sa kanilang mga empleyado.

“We’ve been honest with the public, na August pa lang, 405,000 na ang traffic volume EDSA alone at inaasahan na rin naming na ito ay tataas ng 15 to 20% during the Christmas rush,” ayon pa kay Nebrija.

 

Read More

130 BUSES BINIGYAN NG SPECIAL PERMIT NG MMDA

0

(NI LYSSA VILLAROMAN)

PINAYUHAN ng Metro Manila Development Authority (MMDA) ang may 22,000 na inaasahan nilang dadalo sa pagbubukas ng Southeast Asian Games sa November 30 na sumakay na lang ng bus upang maibsan ang traffic.

Ayon kay MMDA spokesperson Celinne Pialago, nasa may 130 buses ang kanilang binigyan ng special permit sa Sabado upang magsakay ng mga pasahero papuntang Philippine Arena in Bocaue, Bulacan.

Ayon pa kay Pialago na 70 percent ng mga bus ay mag-uumpisa sa kanilang biyahe mula sa Trinoma shopping mall na ang magiging pamasahe lang ay nasa P100 subalit ang mga mangagaling naman sa PITX ay magiging P150 naman ang pamasahe.

Sinabi pa ni Pialago na nagpakalat ang organizing committee ng Philippines’ SEA Games  — ang PHISGOC — ay magpapakalat ng 10 bus na libre para sa may mga ceremony ticket sa pagbubukas ng SEA Games.

Dagdag pa ni Pialago na nakatakda rin mag-meeting ang inter-agency upang i-finalize ang mga plano sa traffic management para sa 30th edition ng biennial games.

Ang mga sumusunod, ayon kay Pialago na mga traffic measures ay: hindi pinapayagan ang mga sale event tuwing weekend sa mga malls sa EDSA ngayong weekend; ang pagpapatupad ng ‘stop-and-go’ scheme na ang mga regular vehicles ay pahihintuin upang pagbigyan ang mga official convoys.

Sinabi pa ni Pialago na ang fast lane o ang mga innermost lane sa North Luzon Expressway ay itinalagang  gamitin ng mga official convoys pati na rin ang paglalagay ng 2 special toll gates sa Balintawak.

Ang mga kalsada naman sa paligid ng Rizal Memorial Sports Complex na isasara ay ang mga sumusunod: P. Adriatico mula President Quirino hangang Pablo Ocampo sa parehong direksyon at ang Pablo Ocampo mula Taft Avenue patungong Adriatico sa westbound.

Sa rekomendasyon na rin ng MMDA, ang klase sa mga sumusunod na paaralan ay suspendido: De La Salle University, De La Salle College of St. Benilde, St. Scholastica’s College, at Arellano University School of Law-Manila mula December  2 hangang 7; Poveda at St. Paul College sa Pasig mula December 2 hangang 6.

 

 

Read More

TRAFFIC PLAN SA CHRISTMAS SEASON IPINALALATAG SA MMDA

0

(NI BERNARD TAGUINOD)

DAHIL kakaiba na ang sitwasyon sa mga lansangan sa Metro Manila, pinangangambahan ng isang mambabatas na magkaroon ng breakdown sa traffic management lalo na ngayong Christmas season.

Ito ang dahilan kaya umapela si Quezon City Rep. Precious Hipolito-Castelo sa Metro Manila Development Authority (MMDA) na maghanda ng traffic plan dahil inaasahan na mas lalala pa ang situwasyon sa Disyembre.

“As the volume of vehicles along major Metro Manila routes and roads rises to unprecedented levels during Christmas, the MMDA has to prepare to prevent breakdown of traffic management,” ani Castelo.

Sinabi ng mambabatas, na kailangang tukuyin na ng MMDA ang mga bagong ruta na puwedeng gamitin ng mga motorista dahil inaasahan na mas darami pa ang mga sasakyan pagpasok ng Christmas season.

Kailangan din aniyang seryosohin ang paglilinis sa mga alternatibong kalsada na humaharang sa mga motorista tulad ng mga vendors, basketball courts at mga imprastraktura.

“Perform an information campaign about the alternative routes and roads and prepare a budget for the new traffic scheme,” ayon pa kay Castelo at kailangan aniyang madaliin na ito.

Ginawa ng mambabatas ang pahayag dahil nitong mga nakaraang mga araw ay mistulang lalong lumala ang problema sa trapiko sa Metro Manila at kung hindi ito magawan ng paraan ay lalo pa itong lalala sa Disyembre.

“In some routes, we have instances of the inability to manage traffic flows, as most vehicles get stalled in heavy traffic jams. What’s more during the Christmas season?”  tanong pa ni Castelo.

 

Read More

‘NO DAY-OFF’, ‘NO ABSENT POLICY’, IPATUTUPAD NG MMDA SA UNDAS

mmda
0

(NI ROSE PULGAR)

IPATUTUPAD ng Metropolitan Manila Development Authority (MMDA) ng ‘no day-off, no absent policy’ sa kanilang mga tauhan, partikular na sa mga nasa traffic enforcers, ngayong darating na Undas.

Ayon kay MMDA EDSA Traffic Chief, Edison Nebrija na kanselado ang ‘day-offs’ habang mahigpit ang kanilang tagubilin na huwag umabsent sa kanilang mga tauhan sa Oktubre 31, Nobyembre 1 hanggang Nobyembre 4 kung kailan inaasahan na magbabalikan ang mga taga-Maynila sa lungsod mula sa kani-kanilang mga probinsya.

Tinatayang nasa 2,000 tauhan ng MMDA ang ipakakalat sa mga bisinidad ng iba’t ibang lungsod sa Metro Manila para tumulong sa mga lokal na pamahalaan sa pagmamando ng trapiko.

Kabilang sa paghahanda ng MMDA sa Undas ang koordinasyon sa traffic units ng mga lokal na pamahalaan para magkaroon ng koordinasyon sa kanilang ‘traffic plans’ at hindi magkaroon ng kalituhan lalo na sa mga kalsada na isasara sa trapiko at mga gagawing ‘one way’.

Magsasagawa rin ng ‘clearing team’ ang MMDA sa lahat ng uri ng obstruksyon sa mga likuran o ‘backdoors’ ng mga bus terminals para makatiyak na maaaring makapagbaba ng pasahero ang mga taxi, TNVS, at mga pribadong sasakyan.

Una nang sinuspinde ng ahensya ang number coding scheme sa Undas.

Walang number coding para sa mga pamprobinsyang bus sa Oktubre 31 (Huwebes) at Nobyembre 4 (Lunes).
Habang ang number coding scheme para sa mga pribado at pampublikong sasakyan ay suspendido lamang sa Biyernes, Nobyembre 1 na isang ‘holiday’.

 

 

Read More

TRANSPORT CRISIS? EXAGGERATED — MMDA  

MMDA ILLEGAL PARKING
0

(NI LYSSA VILLAROMAN)

SINABI ng Metropolitan Manila Devcelopment Authority (MMDA) na ‘exaggerated’ ang alegasyon na ang bansa ay nakakaranas transport crisis.

Ayon sa hepe ng MMDA Special Traffic and Transport Zone, Bong Nebrija, hindi pa dumarating sa puntong may transport crisis dahil lamang sa nag-bog down ang LRT2.

“It’s unfair to say that, lalung-lalo na yung administration na ‘to has been very aggressive in investing in infrastructure at improvement ng ating transportation.”

Sinabi pa ni Nebrija na ang transportation department na kalahati na ang  natatapos sa konstruksyon ng MRT-7 na siyang magiging common station sa lahat ng Metro Manila railways, bus at rapid transit system.

Ayon pa kay Nebrija ang LRT-2 ay nagkaroon ng tigil operasyon kasunod ng LRT-1 at MRT-3 na nakaranas din ng aberya.

“It doesn’t come over time, talagang magsasakripisyo tayo na hihintayin natin itong mga proyekto na itong matapos. At this time na malapit nang matapos ang mga ito, sasabihin nating may transport crisis, I think it is exaggerated in a sense na gumagana naman po lahat ng trains natin,” ayon kay Nebrija.

Matatandaan na nagpahayag si Presidential spokesman Savador Panelo na meron transport crisis sa Metro Manila kundi isang traffic crisis matapos na ito ay sumabak sa commute challenge papasok sa kanyang trabaho at inabot ng apat na oras bago pa makarating sa Malacanang.

Sinabi pa ni Nebrija na ang sa sitwasyon sa EDSA ay naging mabigat dahil talagang lumagpas na ang kapasidad ng mga sasakyan sa 268,000 na dumadaan sa naturang lansangan.

Dagdag pa nito na sa buwan pa laman ng August ay may 405,000 ng sasakyan ang dumadaan sa EDSA at inaasahan na nila ang pagdagdag ng   volume nito ngayon Christmas season.

“What I’m happy about is that marami na pong nakaka-recognize na yun ang problema,” ayon kay Nebrija.

Sinabi pa rin ni Nebrija sa publiko  na ginagawa ang gobyernoang lahat ng paraan upang mabigyan ng solusyon ang problema.

Dagdag pa ni Nebrija na kamakailan lamang ay pinagsabihan na nga mga mambabatas ang mga bus companies  na magsagawa ng isang consortium  upang sila ay magkaroo ng isang ‘single dispatch system’ na pwedeng mag- control sa dami ng mga buses na dumaraan sa EDSA.

 

Read More

MMDA: ITIGIL ANG PAGTUTURUAN SA LUMALALANG PROBLEMA SA MASS TRANSPORTATION SYSTEM

MMDA Spokeperson Celine Pialago
0

(Ni LYSSA VILLAROMAN)

Nanawagan si Metropolitan Manila Development Authority (MMDA) Asssitant Secretary at spokesperson Celine Pialago na ihinto ang pagtuturuan sa lumalalang prob-lema sa mass transportation system sa bansa.

Sinabi ni Pialago na ihinto na ang pagtuturuan at dapat ay magtulungan na lamang  ang lahat para matugunan ang transportation issues.

“Can we stop the hate? Please, let’s stop the hate and let’s help each other para matugunan ho natin itong lahat,” ani Pialago.

Ayon kay Pialago sa kanyang palagay ay masyadong ‘mabigat’ ang pagtawag na ‘krisis’ sa nararanasan sa transportasyon.

Sinabi pa nito na kung ganito  ang nararamdaman ng mga mamamayan ay igina-galang naman ito ng MMDA.

Kasabay nito ay tiniyak naman  ni Pialago na may ginagawa ang gobyerno para tugunan ang problema.

Binanggit din ni Pialago na  walang kapangyarihan ang MMDA sa paggawa ng mga polisiya para solusyonan ang problema sa trapiko dahil kinakailangan pa itong apru-bahan ng Metro Manila Council na binubuo ng mga alkalde ng Metro Manila ang ka-nilang mga suhestyon.

Matapos maaprubahan ang isang polisiya, sinabi naman ni Pialago na pwede itong ihinto ng korte na isa pang balakid sa MMDA.

Ayon kay Pialago na ilan sa mga polisiyang ipinatupad ng MMDA ngunit ipinahinto ay ang driver-only car ban at provincial bus ban sa EDSA.

Read More

PAGLALA PA NG TRAFFIC SA EDSA ASAHAN, BAN SA PRIVATE CARS IGINIIT

0

(NI ABBY MENDOZA)

PAGPASOK ng buwan ng Nobyembre ay tiyak na lalala pa ang nararanasang traffic sa kahabaan ng Edsa dala na ng holiday rush at Sea Games, kaya hiling ni Caloocan City Rep. Edgar Erice na ipatupad na ng Metro Manila Development Authority (MMFA) at sa Department of Transportation (DOTr) ang iminumungkahi nitong ban ng mga private cars sa Edsa tuwing rush hours.

Ayon kay Erice, kung matindi na ang nararanasang traffic ng mga commuters at mga motorista ngayon ay asahan pa ang worst traffic situation sa susunod na buwan, kaya umaasa itong aaksyunan ng MMDA at hahanap na habang maaga ng alternatibong solusyon.

Sa unang pagtataya ng MMDA ay madaragdagan pa ng 20% ang volume ng mga sasakyan sa EDSA.

Kumpiyansa si Erice na epektibong paraan para matulungan ang mayorya ng mga commuters ngayong Christmas season ay ipagbawal tuwing rush hour ang mga private cars sa Edsa at hayaan ito sa mas maraming mga nagko-commute na motorista.

Bagama’t sinabi ng MMDA na pag- aaralan ang panukala ni Erice ay hindi naman na ito umusad matapos na rin angalan ng mg  private car owners ang suhestiyon ni Erice dahil wala naman ibang alternatibong ruta na maaaring ibigay sa mga private cars.

 

Read More