KAI SOTTO PASOK SA BWB GLOBAL CAMP

NAPILI si 7-foot-2 wunderkind Kai Sotto ng NBA at FIBA na mapasama sa Basketball Without Borders (BWB) Global Camp sa Chicago, USA.

Kabuuang 64 boys and girls mula sa 34 countries at regions ang kabilang sa BWB Global Camp, na magiging bahagi ng 2020 NBA All-Star Weekend.

Ilan sa mga kilalang NBA stars na naging bahagi ng BWB ay sina Toronto Raptors’ Pascal Siakam, Phoenix Suns’ Deandre Ayton, Washington Wizards’ Rui Hachimura, at Denver Nuggets’ Jamal Murray.

Si Siakam, Most Improved Player noong nakarang taon, ang magko-coach sa campers mula Africa, Americas, Asia, at Europe kasama sina Wizards’ Davis Bertans, Boston Celtics’ Tacko Fall, at Chicago Bulls’ Lauri Markkanen.

Makakasama rin sa nasabing grupo ang WNBA players na sina Ashley Battle, Michele Van Gorp, at Ebony Hoffman, at iba pang “select players” na magpapartisipa sa All-Star festivities.

Gaganapin sa Quest Multisport mula Pebrero 14 hanggang 16, ang training camp ay kapapalooban ng shooting and skills competitions, 5-on-5 games, at life skills seminars tungkol sa health, leadership, and communication.

Sa final day, maglalaro ng single-elimination tournament ang campers na magtatapos sa boys and girls championship games.

Ang BWB ang global basketball development and community outreach program ng NBA at FIBA. Sa ngayon ay may tinatayang 3,600 participants na ito mula sa 133 countries and territories simula noong 2001.

Mayroon na rin itong 69 dating campers na na-draft sa NBA o naging free agents sa iba’t ibang international basketball leagues.

 

Read More

TRUST, APPROVAL RATING NI DU30 TUMAAS NGAYONG DISYEMBRE

pulse asia du3044

NAKABAWI at nakabangon si Pangulong Rodrigo Duterte sa trust and approval ratings ngayong Disyembre matapos sumadsad noong Setyembre, ayon sa latest survey na inilabas ng private pollster na Pulse Asia.

Tumaas ng siyam na porsyento ang approval rating ni Duterte  sa 87 mula sa 78 porsiyento noong Setyembre kung saan mas maraming indibidwal mula sa Luzon, hindi kasama ang Metro Manila, at class ABC, ang nagpahayag ng pag-sang-ayon sa Pangulo.

Tumaas din ang trust rating ni Duterte mula 74 porsiyento sa 83

Mas marami rin sa Luzon sa labas ng Metro Manila at sa class ABC ang tiwala sa Pangulo.

Tanging limang porsiyento ang hindi sang-ayon sa Pangulo at anim na porsiyento lamang ang walang tiwala.

Mataas din ang trust at approval rating nina Senate President Vicente “Tito” Sotto III at House Speaker Alan Peter Cayetano.

Tumaas naman sa 16 porsiyento ang approval ni Cayetano, pinakamataas sa hanay ng mga opisyal ng gobyerno.

Read More

SOTTO: CHACHA PAG-UUSAPAN SA SENADO

chacha33

(NI NOEL ABUEL)

“WALANG mangyayaring bastusan.”

Ito ang siniguro ni Senate President Vicente Sotto III kaugnay ng isinusulong na Charter Change resolution sa pamamagitan ng Constitutional Assembly ng mga kongresista.

Ayon kay Sotto, hindi mapipigilan ng Senado ang mga kongresista sa nais ng mga itong ConAss sa oras na ibigay ito ng Kamara.

“Dadalhin nila sa amin eh, di pag-uusapan namin kung ano ‘yung dadalhin nila sa amin, dadalhin namin sa committee, pag-uusapan du’n. Ganu’n lang. Ibig sabihin hindi namin siguro naman babastusin ‘yun or sasabihin ‘pag dinala dito ‘ayaw namin”. Gagawin naman namin ‘yung procedure na tama,” paliwanag nito.

Una nang sinabi ni Sotto na wala sa prayoridad ng 18th Congress ang Cha-Cha kung kaya’t malabo itong maipasa.

“Ngayong 18th Congress madaming nakasalang sa aming priorities eh. Wala ‘yan. Hindi napapag-usapan. Narinig lang namin na gusto raw ng House mag-Constituent Assembly,” sabi pa nito.

Pero, sinabi ni Sotto na maaaring pansinin ng mga senador ang Cha-cha kung ang economic provision lamang ang babaguhin.

Isa sa idinadahilan ng mga kongresista na nagsusulong sa pagbabago ng Konstitusyon at dahil sa nagpag-iiwanan na ang bansa ng mga kapitbahay natin sa Asya at sa buong mundo.

“Kung economic provisions lang ang tatargetin nila, may pag-asang mapag-usapan sa amin ‘yun. Pero pagka pinag-usapan mo kaagad ‘yung term limits, with due respect to them, baka naman mag-aksaya tayo ng panahon kasi sa plebisito iboboto ng tao ng “no” ‘yan. Garantisado, magpa-survey ka. Tingnan mo, tanong mo sa taumbayan kung sino may gusto na baguhin ang term limits ng mga senador, congressmen. Self serving eh. Kung pag-uusapan ‘yung mga term limits, form of government, mas maganda ‘yung Constitutional Convention para hindi self-serving sa amin,” ayon pa sa lider ng Senado.

“Kung economic provisions lang ang pag-uusapan, marami sa mga senador na sasang-ayon. I’m sure. Kung ‘yan ang mga pag-uusapan kasi marami na talagang pangangailangan tungkol diyan. For example, gumawa ka ng high-speed train or modern railroad from Pagudpod to Matnog, Sorsogon,” paliwanag pa nito.

 

 

Read More

SOTTO: P4.1-T NAT’L BUDGET MATATAPOS SA TAKDANG PANAHON               

titosotto

(NI NOEL ABUEL)

TINITIYAK ng liderato ng Mataas na Kapulungan ng Kongreso na maipapasa sa takdang panahon ang panukalang P4.1 trillion national budget.

Sinabi ni Senate President Vicente Sotto III na nasa tamang landas na tinatahak ang mga senador sa gitna ng plenary deliberations sa General Appropriations Bill (GAB) na inaprubahan at ipinadala ng Kamara.

“It was submitted on time. We are right on track of our timetable without sacrificing important issues being raised in the different departments,” sabi ni Sotto  sa pagsasabing mahabang oras ang inilaan sa mga senador para usisain ang mga nilalaman ng budget ng pamahalaan para sa susunod na taon.

Idinagdga pa ni Sotto na ang plenary discussions sa panukalang budget kabilang ang period of interpellation, individual amendments at committee amendments ay inaasahang matatapos sa huling linggo ng kasalukuyang buwan.

Target ng mga senador na maaprubahan sa ikalawa at ikatlong pagbansa ang GAB sa susunod na linggo habang ang bicameral conference committee ay inaasahang maisasaayos sa unang linggo ng Disyembre.

“The bicameral debates will be unpredictable. We expect healthy debates among members of the bicameral panel as they thresh out and reconcile the differences in our respective versions of the measure. We hope they will remain level-headed and open-minded during the discussions,” ayon pa kay Sotto.

Kumpiyansa ang Kongreso na ang 2020 General Appropriations Act ay malalagdaan para maging batas bago mag-holiday break ang mga mambabatas sa Disyembre 20.

 

 

Read More

SOTTO KAY LENI: TIGILAN MUNA ANG PAGPAPA-MEDIA 

(NI DANG SAMSON-GARCIA)

PINAYUHAN ni Senate President Vicente ‘Tito’ Sotto III si Vice President Leni Robredo na tigilan ang paghahayag sa media ng kanyang mga plano at ginagawa sa anti-drug campaign.

Ipinaliwanag ni Sotto na dahil sa pagsasapubliko ng mga plano ay posibleng makapaghanda ang mga sindikato ng droga.

“Hindi ko naman masasabi yun, pero ang pinakamaganda tigilan mo muna ang media-media kasi nate-telegraph ang strategy eh. Dapat dyan submarine approach kailangan na under the radar ang tira, mga kilos. Yan ang magandang kilos and then later on lilitaw ang accomplishment. Hindi yung lilitaw agad ang mga plano at strategy baka walang marating,” diin ni Sotto sa panayam ng DWIZ.

Wala rin naman anyang masama sa pakikipagpulong ni Robredo sa iba’t ibang bansa o organisasyon tulad ng United Nations at Estados Unidos subalit dapat ay tahimik na lamang ito.

“Wag mo sasabihin sa media. (Kung) intelligence (information) bakit ka nagmemedia? Bakit mo pinamemedia ang meeting? Hindi dapat,” diin pa ni Sotto.

Kasabay nito, iginiit ni Sotto kay Robredo na pag-aralan din ang tunay na mandato bilang co-chairperson ng Interagency Committee on Anti-Drugs.

“Siguro mas maganda ang ginawa ni Vice President Robredo pag-aralang mabuti at i-research mabuti ang iba’t ibang kilos ng agencies. Anu-ano ang mga policy nila. I-research munang mabuti, pag-aralang mabuti ang trabaho,” giit pa ng senador.

Read More

DELIBERASYON NG SENADO SA NAT’L BUDGET GAWING TRANSPARENT – SOLON

titosotto

(NI BERNARD TAGUINOD)

NGAYONG nasa kamay na ng mga senador ang 2020 national budget, umaasa si Anakalusugan Rep. Mike Defensor na igalang ang inter-parliamentary courtesy sa dalawang Kapulungan.

Ginawa ni Defensor ang pahayag kasabay ng pakikiisa kay Senate President Vicente “Tito” Sotto III na magiging transparent o bukas sa publiko ang deliberasyon ng Senado sa pambansang pondo ng nagkakahalaga ng P4.1 Trillion.

“We hope that the Senate leadership being an institution that we look up to will debate and ensure that its collective membership will keep the time-honored inter-parliamentary courtesy,” ani Defensor.

Magugunita na nagkaroon ng bangayan ang ilang Congressman at Sen. Panfilo Lacson matapos akusahan ng senador na puno ng pork barrel ang ipinasa ng Kamara na pondo na itinanggi ng mga kongresista.

“Our only collective request is that we avoid purveying fake news and rumors during budget discussions. In this manner intelligent and relevant discussions can be achieved by both Chambers,” ayon pa kay Defensor.

“Speaker Cayetano, House Majority Leader Martin Romualdez and House Appropriations Chairman Isidro Ungab together with the House leadership did a great job for the Executive department in ensuring that this budget passes with no pork, no delay and no parking,” dagdag pa ng senador.

Ipinaalala naman ni House deputy speaker Raneo Abu sa mga senador sa publiko kasama na ang mga senador na kung mayroong nakakaalam sa pangangailangan ng mga tao ay ang mga district congressmen.

Ito ang dahilan kaya hindi umano dapat pagduduhan ng mga senador ang mga proyekto sa mga distrito sa bansa bansa dahil kailangan ito ng kanilang mga constituent.

“I assure our countrymen that the General Appropriations Bill that the House has transmitted to the Philippine Senate Tuesday is a budget that guarantees a better and more comfortable life for most Filipinos,” ayon kay Abu.

 

Read More

MAGALONG KINAMPIHAN NI SOTTO

(NI NOEL ABUEL)

IPINAGTANGGOL ni Senate President Vicente Sotto III si dating Criminal Investigation and Detection (CIDG) at ngayo’y Baguio City Mayor Benjamin Magalong sa mga naging ambag nito sa isinasagawang imbestigasyon ng Senado kaugnay ng kontrobersiyal na good conduct time allowance (GCTA).

Giit ni Sotto, malaki ang utang na loob ng mga senador kay Magalong dahil sa ibinabahagi nitong mahahalagang impormasyon na may kinalaman sa operasyon ng illegal drugs.

Aniya, hindi dapat sisihin si Magalong sa kinakaharap ng Philippine National Police (PNP) dahil sa pagkakasangkot ng ilang tiwaling opisyales nito sa drug recycling bagama’t anim na taon na ang nakalilipas.

“Nagtataka ako doon sa mga nagsisisi kay Mayor Magalong. Bakit daw after six years, ngayon lang nilabas ‘yan? Naalala n’yo ‘yan? Hindi niya nilabas ‘yan. Baka nakalimutan nila, hindi yata sila nakikinig noong hearing, ang nangyari noong hearing, inimbita si Mayor Magalong, dahil doon sa raid na ginawa sa NBP at investigation na ginawa niya sa NBP noong araw, sa National Bilibid Prison, di ba?” ani Sotto.

At sa pagdinig ng Senate Committee on Justice and Human Rights sa anomalya sa NBP ay sinabi ni Magalong na noong nagsagawa ito ng imbestigasyon sa usapin ng drug recycling ay nabanggit nito sa executive session ang mga pangalan ng mga pulis sa sangkot dito.

“Doon sa issue ng recycling, sinasabi ni Mayor Magalong noong panahon niya, nu’ng nag-iimbestiga siya, ‘yung NBP was involved in transactions. As a matter of fact, sabi niya, merong isang malaking transaction na nangyari that ang NBP ang involved. Ito ‘yung heist sabi niya doon sa isang probinsiya na involved ang 138 o 238 kilos, parang ganu’n ‘yung natatandaan niya. So tinanong namin, alin ‘yun? He was just using it as an example doon sa recycling sa Bilibid, which was connected to the NBP and the GCTA investigation. Kami ngayon ang nagtanong, ano ‘yun? Sabi niya, hindi ko po pwedeng masabi, sa executive session na lang,” sabi ni Sotto.

Giit pa nito na nahihiya pa umano si Magalong na sabihin ang mga pangalan ng mga pulis na sangkot sa drug recycling dahil sa taong 2013 pa ito nangyari.

“He was very conservative about it. Nahihiya siya dahil magbabanggit siya ng mga tao eh noon pa ‘yun, 2013. In other words, hindi totoo ‘yung sinasabi na bigla na lang after six years, nilabas ng lahat ‘yan. Hindi. It was unearthed by the committee because of the connection to the recycling in the National Bilibid Prison. ‘Yun ang dahilan noon, kaya sa executive session niya sinabi. Noong kinuwento niya sa amin sa executive session, complete with the case files and everything, na-shock kami. Kaya the members of the committee wanted to bring it out into the open. So, I don’t think it is right to blame Mayor Magalong,” paliwanag ni Sotto.

 

Read More

PAGPAPATAYO NG REGIONAL PRISONS, ISINUSULONG

(NI DANG SAMSON-GARCIA)

AMINADO si Senador Panfilo ‘Ping’ Lacson na panahon na upang magkaroon ng regional penitentiaries kasunod ng mga nadiskubreng anomalya sa New Bilibid Prison (NBP)  sa Muntinlupa City.

Sinabi ni Lacson na ang panukala ni Senate President Vicente ‘Tito’ Sotto III na magtatag ng mga prison facility sa bawat rehiyon ay hindi lamang magde-decongest ng NBP kundi masasawata rin ang katiwalian.

Matatandaang sa ikalimang imbestigasyonng Senado sa sinasabing anomalya sa Bureau of Corrections (BuCor), naisiwalat ang iba’t ibang money making schemes tulad ng prostitusyon, droga at panunuhol.

Ipinaliwanag ni Lacson na kung may regional penal facilities, mas magiging accessible sa mga kaanak ang mga preso.

“May panukala si SP (Senate President Vicente Sotto III) na gawing regionalized, kasi kung centralized, centralized ang corruption. Kung regionalized, kasama ang psychological makeup ng inmate dahil reformative ang purpose para ma-reform,” saad ni Lacson.

“Sa experience, kung galing sa malayong probinsya ang pamilya at detained sa Muntinlupa, after one month, padalang nang padalang ang dalaw hanggang wala nang dalaw, doon medyo natotorete ang isipan ng detainee. So kung anu-ano ang naiisip,” dagdag ng senador.

“Kung regionalized ka, may access ang pamilya, madaling makadalaw.  Ang emotional nila at psychological makeup, hindi masyadong apektado. So, marami talagang dapat pagaralan,” paliwanag pa ng mambabatas.

Ipinaliwanag pa ng senador na sa ngayon sa lawak ng assets ng BuCor ay maliit lamang ang income na nakukuha nito.

Kung ibebenta o gagamitin anya ang 300-hectare property sa joint venture agreement ay posibleng kumita ang gobyerno ng P60 bilyon na magagamit para sa mga bagong detention facility sa mga lalawigan.

“At least may tuluy-tuloy na revenue na papasok sa gobyerno at magagamit din sa pag-construct ng detention facility na bago na, high-tech na, nakikita natin sa abroad, isang pindot ng button magbubukas ang selda. At kumpleto ang technical equipment, CCTV, jammer, mababawasan ang human intervention. Pag pumasok ang human factor doon nagkaluko-luko,” paliwanag pa nito.

Read More

2 PANG TESTIGO SA GCTA FOR SALE, IHAHARAP SA SENADO 

tito sotto

(NI DANG SAMSON-GARCIA)

KINUMPIRMA ni Senate President Vicente ‘Tito’ Sotto III na dalawa pang testigo ang ihaharap nila sa pagdinig ng Senado na magpapatunay ng Good Conduct Time Allowance (GCTA) Law.

Ayon kay Sotto, inaayos lamang nila ang isyu sa seguridad ng dalawang testigo subalit kung hindi man aniya makaharap ang mga ito ay ipiprisinta ang kanilang mga salaysay.

“Meron na talaga dalawa na kumontak sa atin. Isa taga-loob, isa dating opisyal. So meron na talaga before that kaya lang parehong may security concern pero more or less meron na kami idea,” saad ni Sotto sa panayam sa DWIZ.

“Kung maaayos namin ang security concern ng isa tiyak na tiyak, yung pangalawa medyo alanganin pa,” dagdag pa ni Sotto.

Kinumpirma rin ng senador na mayroon pang hiwalay na mga testigo na magpapatibay sa mga naunang pahayag ni Yolanda Camelon.

Matatandaang humarap si Camelon sa Senado at isinalaysay ang personal nitong karanasan kaugnay sa GCTA for sale.

Sinabi ni Sotto na dahil sa mga testigong ito malinaw na malinaw na ang sinasabing negosyo sa loob ng New Bilibid Prisons (NBP), bukod sa isyu ng droga.

“100% wala nang kaduda-duda. Wala nang dapat iduda talagang nagbebentahan at nagpapalit ng pera sa loob ng NBP. Hindi lang GCTA for sale. Marami talang pinagkakakitaan doon,” diin pa ni Sotto.

Posible rin naman aniyang bulag  si dating Bureau of Corrections Director General Nicanor Faeldon sa kalakaran subalit may posibilidad din na nakarating din ito sa kanyang kaalaman.

“May posibilidad na blindsided sya (Faeldon) kasi hindi naman siya pumapasok sa loob at mga taong nakapaligid lang sa kanya binubulag siya. Pero may posibilidad din na natunugan niya,” dagdag ng lider ng Senado.

Ipagpapatuloy ng Senado ang pagdinig, sa Lunes ng alas-10 ng umaga.

Read More