PACMAN PACK-UP NA SA BOKSING

0

TAPOS na sa boksing si eight-division world champion Manny Pacquiao.

Sa halip, itutuloy na niya ang pagkandidato bilang ­pangulo sa 2022 national elections.

“Boxing career ko? Tapos na ‘yong boxing career ko,” pag-amin ni Sen. Pacquiao sa “Toni Talks” ni TV host at singer-actress Toni Gonzaga.

“Tapos na kasi matagal na rin ako sa pagboboksing at ‘yong pamilya ko laging nagsasabi na tama na. Nagtuloy-tuloy lang ako kasi passionate ako sa sports na ito.”

Dagdag niya, susuporta na lamang siya sa iba pang mga boksingero upang magkaroon muli ng boxing champion ang bansa.

Nitong Agosto lang nang lumaban at nabigo si Pacquiao na mabawi ang WBA super world welterweight title mula kay Yordenis Ugas ng Cuba.

Samantala, sa ulat ni Mike Coppinger ng ESPN, ­ipinarating ni MP Promotions president Sean Gibbons na hindi pa opisyal ang pagre­retiro ng Pinoy boxing icon.

“In the coming weeks, the senator will decide how he’s going to finish his professional boxing career,” saad ni Gibbons. “After the fight and recently, he’s discussed ­retiring [or] maybe one more [fight]. He’s just talking out loud about different situations.”

Pahabol pa ni Gibbons: “Until you see it officially come out on his Twitter or Instagram, he isn’t retired. Once you see it on a platform like that, it’s ­official. Anything else is just talk about what his thoughts are in the moment. It’s ­coming from him, but it’s hearsay.” (ANN ENCARNACION)

Read More

ADELAIDE NI KAI SOTTO SALUDO SA MGA PINOY

0

MALAKI ang pasa­salamat ng Adelaide 36ers sa ­matinding suporta sa kanilang bagong recruit na si 7-foot-3 Kai ­Zachary Sotto ng Filipino community sa Australia.

“A massive thank you to the Filipino Communities Council of Australia for welcoming Kai on the weekend!”

Post ito ng Adelaide 36ers sa kanilang social media account kasama ang mga larawan ni Sotto sa naganap na meet & greet sa community.

“Kai enjoyed ­meeting and spending time with the community & we can’t wait to see ­everyone again as we get ­closer to #NBL22!”

Nagpasalamat din sa @adelaide36ers ang ­new­est recruit nila na si Sotto: “It’s always a great feeling ­seeing and ­meeting Filipinos ­everywhere I go, and I am just happy that a lot of them are here in Australia.”

Biglang naging crowd-favorite ang Adelaide sa Australian National Basketball League dahil sa pagkuha nila sa ­tinaguriang Pinoy ‘wanderkind.’

Magugunitang sinapo ng 36ers si Sotto matapos madiskaril ang career nito sa Team Ignite ng NBA G-League. (ANN ENCARNACION)

Read More

Panalo sa 2021 U.S. Open Pool PINAGPASA-DIYOS NI BIADO

0

Ni ANN ENCARNACION

IPINANALANGIN ni 2021 U.S. Open Pool champion Carlo Biado ang final game niya laban kay Aloysius Yapp ng Singapore.

Kwento ng 37-anyos at ­dating golf caddie-turned billiard player na si Biado, humingi siya ng tulong sa Diyos noong lumamang si Yapp, 4-8, sa final match-up nila.

“Nanalangin po ako noong time na iyun kay Lord na sana mabigyan ako ng isa pang chance at sign para magawa ko ang dapat kong gawin para sa kanya. Iniisip ko na ­kapag ­nagkaroon ng chance ay ­ga­gawin ko na maging agresibo at ­magpokus sa laban, at iyun nga ­sumablay ang kalaban,” sabi ng Pinoy cue artist.

At nagawa ngang umahon ni Biado at magwagi, 13-8, sa matira-matibay na kampeonato na ginanap Linggo sa Atlantic City, New Jersey.

Ang tagumpay ay nagtulak kay Biado upang maging ika­lawa pa lamang na Pilipino na nakasungkit sa prestihiyosong titulo. Ang pinakaunang nakagawa nito ay si “The Magician” at pool legend Efren “Bata” Reyes noong 1994 laban sa Amerikanong kampeon na si Nick Varner.

Kaya sobra ang saya at pasasalamat ni Biado, na aminadong tagahanga ni Reyes.

“Idol na idol ko po talaga si Tata Efren, bata pa lamang ako sinusundan ko na siya. Nakakatuwa po na masundan ko ang mga yapak niya,” wika pa ng bagong U.S. Open Pool champ.

Narito ang iba pang karangalang naiuwi ni Biado: 2017 World Games gold medalist, 2017 Asian Indoor and Martial Arts Games bronze medalist, Southeast Asian Games 2015 Singapore gold sa doubles at bronze sa ­singles, SEAG 2017 Kuala Lumpur ­singles gold ­medalist, at SEAG 2019 ­Philippines doubles gold ­medalist.

‘DI SAKOP NG INCENTIVES ACT

Hindi kasama ang latest feat ni Biado sa Republic Act 10699 o Athletes Incentive Act.

Mismong si Billiards Sports confederation of the Philippines (BSCP) secretary general ­Robert Mananquil ang nagkumpirma nito sa kanyang pagdalo sa lingguhang Philippine Sportswriters Association (PSA) online forum na suportado ng San Miguel Corporation (SMC), MILO, Amelie Hotel Manila, Braska Restaurant, at Philippine Amusement and Gaming Corporation (PAGCOR).

“Hindi kasi mention ang sports na billiards sa batas kasi nga may status na professional tayo. But hopefully, sana ay ­mabigyan si Carlo ng mga Citations at incentive para makatulong din sa kanya,” wika ni Mananquiil.

Aminado si Biado na matagal na niyang hinahangad na mapagwagian ang US Open Pool title at maipakita muli ang husay ng mga Filipinong cue artists sa mundo. “Matagal ko na talagang inaasam ito. Ito iyung pinaka-prestigious event saka 256 kasaling players at world class ang tournament. Kaya talagang ipinakita ko sa ibabaw ng table ang katuwaan ko.”

Sunod na sasalihan ni Biado ang World 10-Ball sa Las Vegas, Asian Indoor and Martial Arts Games, World Games at kung matutuloy, ang Southeast Asian Games.

‘”Nagpunta muna ako dito sa U.S. para sumali sa mga tournament kasi kailangan ko rin kumita,” pagtatapat niya.

Read More

NAPABAYAANG MGA BANGKAY SA QUEZON HOSPITAL, INIIMBESTIGAHAN NA

0

MAKARAANG mailathala sa Saksi Ngayon ang ­reklamo ng mga Quezonian kaugnay ng umano’y kapabayaan ng mga opisyal ng Quezon Medical Center (QMC) sa Lucena City sa nakatambak at nangangamoy nang mga bangkay ng mga namatay dahil sa pandemya, ay kaagad nang kumilos ang Department of Health ng Cavite-Laguna-Batangas-Rizal-Quezon (DOH-Calabarzon), upang ito’y maimbestigahan.

Mismong si DOH-­Cala­bar­zon Director Eduardo Janairo ang nagkumpirma sa panayam sa kanya ng ABS-CBN, na mayroon na silang isinasagawang imbestigasyon ukol sa ­reklamo ng mga Quezonian.

Paliwanag ni Director Janairo, marahil kaya nabalam ang pagdispatsa sa mga bangkay ng mga nasawi sa COVID-19 sa Quezon ay dahil sa kakulangan ng mga crematorium sa lalawigan, dahil ang karamihan aniya sa mga kaanak ng mga nasawi sa pandemya ay nais na ma-cremate ang labi ng kanilang mahal sa buhay.

Paliwanag pa ni Director Janairo, maaari namang ma­gawan ng paraan ang nasabing problema upang hindi na umabot sa ganoong kalagayan ang mga labi o bangkay, kung isinelyo na lamang ang mga body bag at saka ini­lagak sa ataul na selyado rin at saka ito ipinalibing.

Ayon naman sa pamunuan ng Quezon Medical Center, hindi lamang umano dapat isisi sa kanila ang nangyari dahil mayroon din anilang pananagutan dito ang pamahalaang panlalawigan na pinamumunuan ni Gov. Danilo Suarez.

Ayon naman sa mga nagrereklamo sa nasabing pangyayari, tila ba walang alam ang Governor’s Office sa pagpapalakad o panga­ngasiwa sa ganoong sitwasyon, maging ang mga dapat gawin upang masawata ang patuloy na pagkalat ng sakit at paglobo na ng bilang ng mga nasawi araw-araw sa lalawigan dahil sa pandemya.

Maituturing anila na isang malaking kahihiyan at dagok sa pangasiwaan ng QMC, at sa lokal na pamahalaan ng probinsya ng Quezon ang naturang kapabayaan, na hindi naman itinanggi ni Gov. Suarez na mayroon ngang naturang insidente sa ospital ng QMC.

Samantala, kung mayroong nangyayaring kapabayaan sa pamunuan ng lalawigan ng Quezon, sa national government naman ay may isinusulong na kabalbalan, ‘yung tinatawag na “Bakuna Bubble”!

Pinag-isipan kaya nina Presidential Adviser for Entrepreneurship Jose Concepcion Jr. at iba pang opisyal ng pamahalaan ang naturang panukala? Akala ko ba nais ng gobyerno na maiangat ang lugmok na ekonomiya ng bansa dahil sa magkasunod na lockdown sa Metro Manila at ilang mga pangunahing lalawigan at mga lungsod sa bansa dahil sa pandemya.

Tapos pagbabawalan nin­yo ang mga walang bakuna na makapasok sa mga mall at mga establisyemento para gumastos? Nakakaloka kayo ha!

Sige nga, patunayan ninyo nga sa mga Filipino na ang isang bakunado ay isang daang porsyentong hindi mahahawaan ng COVID-19, at hindi na rin makahahawa sa mga hindi bakunado?

Bukod d’yan, mismong ang Food and Drug Administration (FDA) at Department of Health (DOH) ang nagsabi na kahit fully vaccinated na ang isang indibidwal ay kailangan pa rin nitong mag-ingat dahil maaari pa ring mahawahan ng coronavirus at maaaring mamatay! So, anong silbi ng Bakuna Bubble?!

Mabuti na lang mayroong matinong kalihim ng Department of Justice na si Secretary Menardo Guevarra, na tumutol sa naturang panukala dahil sa maaari daw magkaroon ng problema kung ipatutupad ng gobyerno ang Bakuna Bubble, dahil sa labag ito sa isinasaad ng equal protection clause o pantay na sugnay na proteksyon ng mamamayan na ginagaranti­yahan ng ating Saligang Batas, at maaring kuwestyunin sa Korte Suprema ang legalidad ng Bakuna Bubble.

Tanong lang po sa mga kinauukulan! Hindi po kaya ang dahilan nang biglaang pagtaas ng bilang ng mga pasyente na isinusugod ­ngayon sa mga ospital ay dahil na rin sa sinasabing adverse o side effects ng mga naituturok na bakuna sa mga tao? Ano po ba talaga ang totoo?

Bakit kung kailan marami na ang bakunado saka naman lumobo ang mga nagpopositibo sa COVID-19? Samantalang noong wala pang bakuna, ang pinakamataas na may sakit ng COVID-19 ay mahigit lang sa limang libo, at ito’y sa buong bansa na. Pero ngayon, lagpas na sa dalawampung libo ang kaso kung kailan mayroon nang mga bakuna?!

Baka nga po tama ang pag-aaral ni Luc Montagnier, isang French virologist, na nagbabala sa mga tao ka­ugnay ng diumano’y “masamang epekto” sa mga mababakunahan ng COVID-19 vaccines.

Si Montagnier ay nagawaran ng Nobel Prize noong 2008 dahil sa pagkakatuklas nito ng medisinang panlaban sa human immunodeficiency virus (HIV).

Read More

BATUHAN NG PUTIK

0

SIMULA na ng paghahain ng certificate of candidacy (COC) sa Oktubre kaya naman umiinit na ang pakikipagbangayan ng mga politiko sa posible nilang makakalaban sa eleksyon sa Mayo 2022.

Kanya-kanyang batuhan ang mga ito ng putik at maraming mga baho ang nakakalkal, maging ang personal na buhay.

May mga politikong maging ang hitsura ng kanilang mga katunggali ay nilalait at nawawala na sa paksa na kanilang pinagtatalunan.

Naungkat maging sa social media ang tungkol sa brief, buhok at pagiging mataba ng kanilang posibleng makakalaban sa pwestong kanilang pinupuntirya sa eleksyon.

Maraming mga suliraning kinakaharap ang bansa sa kasalukuyan na dapat pagtuunan ng pansin, dapat na tugunan at bigyan ng solusyon ngunit mas inuubos ng mga politiko ang kanilang oras sa paghahanda ng kanilang kandidatura.

Mangyaring magtrabaho muna kayo at patunayan sa inyong mga nasasakupan na karapat-dapat kayong muling iluklok sa puwesto, hindi ‘yung bangayan kayo nang bangayan.

Kabilang sa mga suliraning dapat tutukan sa kasalukuyan ay ang mabagal pa ring pagbabakuna. Malapit nang matapos ang kasalukuyang taon ay hindi pa rin nakakamit ng bansa ang hinahangad na herd immunity.

Patuloy ang pagtaas ng bilang ng mga tinatamaan ng COVID-19 na maging ang medical frontliners ay dinadapuan na rin.

Maiging unahin n’yo muna ang kapakanan ng mamamayan na dumadaing na dahil ang kanilang mga mahal sa buhay na dinapuan ng coronavirus, ay tinatanggihan na sa mga ospital. Patuloy ring tumataas ang bilang ng mga namamatay dahil sa nasabing sakit.

Marami ang nawalan ng trabaho dahil sa pagsasara ng mga negosyo. Marami na ang nagugutom na mga Filipino. Maawa naman kayo.

Sa mga botante, sa nangyayari sa kasalukuyan sa politika ng bansa, marahil ay nakita ninyo kung sinong mga opisyal ng gobyerno ang nagsusumikap na tugunan ang pandemya.

Marahil ay nakita n’yo rin ang mga opisyal na mas inuna ang kanilang kikitain kaysa ang pagsagip ng buhay ng mga tinamaan ng coronavirus.

Maging mas matalino sana tayo sa pagpili ng mga opisyal na ating ihahalal. Piliin ang higit na karapat-dapat at huwag ang mga personal na interes ang inuuna.

Sa mga opisyal ng gobyerno, huwag ­sayangin ang inyong nalalabing panahon sa puwesto. Ibuhos n’yo na ito sa pagtulong sa inyong nasasakupan lalo na ang mga nangangailangan.

Read More

Mindanao local officials nagsama-sama SUPORTA KAY MARCOS PINATIBAY

0

PATULOY na lumalakas ang suporta kay dating Senator Ferdinand “Bongbong” Marcos Jr. patunay ang paglahok ng local officials mula sa Mindanao sa panawagan na siya ang kanilang maging presidential candidate para sa May 2022 national elections.

May kabuuang 1.5 milyong miyembro sa buong bansa, ang Partido Federal ng Pilipinas (PFP) na ang ideolohiya ay mula pa sa legendary federalists na sina Pedro Paterno at Trinidad Pardo de Tavera ng Partido Pederal, ay nagpasa ng resolusyon sa kanilang hybrid national convention sa Tupi, South Cotabato na nag-eendorso kay dating Senador Marcos bilang kanilang presidential candidate.

Inaprubahan ng Commission on Elections (Comelec) noong 2018, ang reinvented and refortified PFP ay kontrolado ang Mindanao hanggang sa municipal level at nakapagpanalo ng 350 kandidato noong 2019 local and congressional polls. Wala rin sa kanilang mga miyembro ang nasangkot sa katiwalian.

“The PFP is proud of its integrity… the PFP has no excess baggage to carry,” pahayag ni PFP General Council Counsel George Briones.

Sinabi ni Briones, kanilang inendorso si Marcos makaraan ang kanilang pakikipag-usap dito at inihayag ang kanilang pagnanais na ang dating senador ang maging pambato ng partido sa pagka-pangulo sa halalan sa susunod na taon.

Sa hybrid virtual convention ay inihalal ang mga bagong opisyal ng PFP subalit marami ang nananatili sa kanilang puwesto.

Kabilang sa mga inihalal na bagong opisyal si Atty. Victor D. Rodriguez bilang PFP executive vice president at tatayong general campaign manager sa 2022 national at local election.

Kasama rin sa mga opisyal ng partido sina South Cotabato Gov. Reynaldo S. Tamayo, president; retired Gen. Thompson C. Lantion, secretary general; Antonio C. Rodriguez, vice president for Luzon; Carlito E. Ceniza, VP for Visayas; Assam M. Ulangkaya, VP for Mindanao; Manuel D. Andal, VP for political affairs; George S. Briones, general counsel; Lino A. Dumas, national legal officer; Antonio G. Marfori, national treasurer; Edgardo A. Acaba, national auditor; Julius Caesar O. Aguiluz, sergeant at arms; Patricio N. Roman, senior political adviser, at Saidah T. Pukunum, chairman of the international affairs.

Ipinagpaliban naman ang paghalal ng chairman ng PFP matapos ipasa ang resolusyon na iserba ang posisyong ito kay Marcos.

“Kung mag-decide si Senator Bongbong Marcos na sumapi sa Partido Federal ng Pilipinas and he will take his oath as a member of PFP, tatawag po tayo ng another national convention bago po matapos ang buwan ng September where he will be nominated as the official candidate of the PFP for president,” ayon kay Briones.

Ang PFP ay mayroong malakas na youth organizations sa buong bansa na nakikipagtulungan sa partido para maisakatuparan ang kanilang pangarap “for a society that is free of illegal drugs, free of corruption, free of crime, free of insurgency and free of poverty.”

Read More

VOTER REGISTRATION PALALAWIGIN NG KAMARA

0

PINAGTIBAY sa plenaryo ng mababang kapulungan ng Kongreso ang panukala na nag-aatas sa Commission on Elections (Comelec) na palawigin ang deadline sa pagpaparehistro ng mga botante sa 2022 election.

Sinuportahan ng buong Kongreso ang House Resolution (HR) 2231 para sa isang buwang ekstensyon ng voter registration lalo na’t marami pa ring Filipino ang hindi nakakapagparehistro dahil sa pandemya.

Unang itinakda ng Comelec na hanggang September 30 na lamang ang pagpaparehistro ng mga first time voter at maging ang mga natanggal sa listahan dahil hindi nakaboto sa nakaraang dalawang eleksyon.

Subalit sa ilalim ng nasabing resolusyon, nais ng mga mambabatas sa Kamara na palawigin ito hanggang Oktubre 31, 2021 upang mabigyan pa ng pagkakataon ang mga Filipino na makaparehistro upang makaboto sa May 9, 2022 election.

Hindi lamang sa bansa ipatutupad ang extension ng voter registration kundi maging sa ibang bansa upang maging ang mga Filipino na nagtatrabaho sa iba’t ibang panig ng mundo ay mabigyan din ng pagkakataon na makapagparehistro at makaboto sa pamamagitan ng absentee voting. (BERNARD TAGUINOD)

Read More

Honasan nagisa sa Senado PASILIDAD NG DICT PINAHIRAM SA DITO

0

GINISA ni Senador Imee Marcos si dating Senador Gregorio Honasan ng Department of Information and Communications Technology (DICT) sa pagpapahiram ng pasilidad ng ahensiya sa Dito Telecommunity nang walang bayad o libre.

Sa ginanap na pagdinig ng Senado sa panukalang badyet ng DICT para sa 2022 nitong Lunes, ipinalutang ni Marcos ang report ng Commission on Audit (COA) na pumupuna sa DICT sa pagpapahiram ng pasilidad nito sa Dito nang walang bayad.

“There’s also an issue regarding the DICT lending facilities for free to Dito [Telecommunity]. What facilities were leased, and do other telcos lease or borrow for free facilities from DICT? Why is this practice undertaken?” tanong ni Marcos sa ginanap na pagdinig ng Senate finance.

Ikinatuwiran naman ni Honasan, sa pagsasabing “(we are) at a loss, when we are publicly, through media, or otherwise, confronted with issues like this.”

Sinabi niya na dumaan sila sa “trial by publicity” nang iulat ng media ang pagpuna ng COA.

Pero, sinabi ni Marcos na kanyang pinagbasehan ang opisyal na dokumento at hindi ang news report. Aniya, pinalutang niya ang isyu nang simulan ng Senado ang debate sa badyet ng DICT.

“As much as possible, I try to use official documents. Eh, ito official document na, nasa COA na eh,” aniya kay Honasan na dati ring senador.

Sa pagtugon sa ngalan ni Honasan, ipinaliwanag ni Undersecretary Emmanuel Caintic na dati nang ginagawa ang pagpapahiram ng pasilidad ng gobyerno sa telecommunication companies bago pa man naitayo ang DICT.

Pero hindi sapat para kay Marcos ang paliwanag dahil unang pagkakataon ito na pinuna ng COA. (ESTONG REYES)

Read More

DUTERTE INUUNA PAMBU-BULLY

0

MULING gumanti ng banat si Senador Richard Gordon kay Pangulong Rodrigo Duterte na tinawag nitong “bully” kasabay ng paghamon sa Punong Ehekutibo na gawin na nito ang kanyang ‘worst’ laban sa kanya.

“Quite frankly, Mr. President, you are boring. Di ako natatakot sa inyo. Di po ako duwag. Do your worst, as you did with the ABS-CBN. Do your worst like what you did to senator who was elected by the people,” saad ni Gordon sa pagpapatuloy ng imbestigasyon ng Senate Blue Ribbon Committee sa iregularidad sa paggamit ng pondo ng gobyerno sa COVID-19.

“I know you will try to do your worst like you did with Speaker (Prospero) Nograles before, when you used ‘P.I.’ to a very very respected schoolmate from Ateneo,” diin ni Gordon.

“I’m not going to waste my time with you, Mr. President, because you’re no longer respectable as far as I’m concerned and as far as most of the Filipinos are concerned,” diin pa nito.

Sa kanyang pinakahuling public address, sinabi ni Pangulong Duterte kay Gordon na gagawin nito ang kanyang “worst” kung magpapatuloy sa pakikipaglaban sa kanya.

“Wala akong pakialam ‘di ako nagbigay ng pera sa’yo and as far as I’m concerned, Red Cross does not exist. You can create a controversy there or a crisis. I do not mind because I said I’m on the right track. Either you submit the auditing procedure or we quarrel. If we quarrel do your worst because I will do mine,” pahayag ni Duterte.

Nanindigan naman si Gordon na hindi siya duwag.

“Saktan ninyo na ako. Akala ninyo ba matatakot ninyo ako? Pinatay ang tatay, pinahirapan ang tatay ko. Ginagranada, inaabangan. You think matatakot ako sa isang nilalang? Takot ako sa Diyos. Takot ako sa tao pero hindi ako duwag, Mr. President,” diin ng senador.

“You’re a bully. And I’m sorry, Mr. President, but the Filipino people can fight back against bullies. Filipinos can have a revolution against bullies,” dagdag pa nito.

Muli ring binatikos ni Gordon ang Punong Ehekutibo na tinawag niya bilang “Attorney Duterte” sa pagtatanggol sa mga Chinese businessmen at mga appointees.

Kinuwestyon din ni Gordon ang paggamit ni Duterte sa kanyang regular public briefing upang batikusin siya, ang Senado at ang Philippine Red Cross.

“Atty. Rodrigo Duterte, instead of reporting to the people, spent the time of this government, the national television to lambaste the Senate and lambaste this person,” diin ni Gordon.

“Instead of talking about the pandemic, jobs and unemployment, he decided that he would try to demolish this person as well as even the society that I have religiously worked without pay for the last 53 years,” dagdag pa nito. (DANG SAMSON-GARCIA)

Read More